10 მცნება პრეზიდენტის ამომრჩევლისათვის
10 მცნება პრეზიდენტის ამომრჩევლისათვის
მცნება პირველი

 

არა ირწმუნო მისი, ვინც მამობის ან დედობის გაწევას გპირდება. საქართველოს მომავალ პრეზიდენტს ასეთი ფუნქციები არ გააჩნია!

მცნება მეორე

არა ირწმუნო მისი, ვინც პენსიების და ხელფასების გაზრდას, სოციალურ გარანტიებს და უზრუნველ ცხოვრებას გპირდება. საქართველოს მომავალ პრეზიდენტს არც ეს ფუნციები გააჩნია!

მცნება მესამე

არა ირწმუნო მისი, ვინც საყოველთაო სამართლიანობის აღდგენას და თანასწორობას გპირდება. ამქვეყნიურ ცხოვრებაში ამის გაკეთება ადამიანის შესაძლებლობებს აღემატება, თუნდაც ეს ადამიანი საქართველოს პრეზიდენტი იყოს!

მცნება მეოთხე

არა იწამო, რომ ვინმეს რუსეთთან ურთიერთობების დალაგება შეუძლია. ამას

დღემდე ცდილობს მთელი მსოფლიო და ვერ ახერხებს. ერთადერთი რასაც რუსეთის იმპერია ანგარიშს უწევს,  ჯარისკაცის ტალახიანი ჩექმა და ხიშტია. ისტორია მხოლოდ ამას ამტკიცებს!

მცნება მეხუთე

არა იწამო, რომ რომელიმე კანდიდატი ამერიკის შეერთებული შტატების მთავრობის ფავორიტია. გახსოვდეს ამერიკის შეერთებული შტატების ერთადერთი ფავორიტი საკუთარი ინტერესებია. ისტორიაც მხოლოდ ამას ამტკიცებს!

მცნება მექვსეე

არ

მისცე ხმა მას, ვინც მხოლოდ წარსულში იყურება. პრეზიდენტს შენ მომავლისთვის ირჩევ და არა გუშინდელი დღისთვის!

მცნება მეშვიდე

არა მიენდო პოლიტიკოსსა, რომელიც საკუთარი მორწმუნეობის ამსახველ სურათებს აქვეყნებს სოციალურ ქსელებში, ტელევიზიების წინ ლოცულობს და უფლის მცნებებით გესაუბრება. გახსოვდეს, პრეზიდენტი ჩვეულებრივი მოკვდავია და მოციქულთა სწორი ვერასდროს გახდება!

მცნება მერვე

გახსოვდეს, ის ვინც ხალხის სახელით ლაპარაკობს და აბსოლიტურ ჭეშმარიტებაზე აცხადებს პრეტენზიას, უბრალოდ ბრიყვია ან შენს გაბრიყვებას ცდილობს. ნებისმიერ შემთხვევაში ასეთი პრეზიდენტი არ გამოგადგება!

მცნება მეცხრე

გახსოვდეს, არჩევანს საკუთარ სინდისთან აკეთებ და პასუხიც შემდეგ მხოლოდ მას უნდა მოსთხოვო, რადგან როგორც წესი, პოლიტიკოსთა უმრავლესობა, ყველა სხვა სფეროში ხელმოცარული ავანტიურისტია!

მცნება მეათე

წეს არს, არჩევნებზე წასვლამდე აუცილებლად დაიბანო ხელ-პირი და წაიკითხო წინა ცხრა წესი!

მკითხველის კომენტარი (23)
ჰალსტუხიანი და ახლად წვერგაპარსული მკითხველი
25 სექტემბერი 2013 03:01
ძალიან მომეწონა. მეთერთმეტე ცნება უნდა იყოს: ხმა არ მისცე კანდიდატს, რომელიც გარეგნობას საარჩევნოდ 90 %-ზე მეტად გამოიცვლის ან ჰალსტუხს გაიკეთებს პირველად ცხოვრებაში ან წვერს გაიპარსავს.

სირცხვილია ეს, დიდი. მადლობა ავტორს გულის ძაფებზე შეხებისათვის.
თემურ
22 სექტემბერი 2013 11:54
გამოდის,რომ საპრეზიდენტო კანდიდატტაგან არცერთი არ არის ნდობის ღირსი?!ისინი უბრალოდ ცრუპენტელობენ?!(ნაწილობრივ გეთანხმებით)...თუმცა..რა თვისებები უნდა ქონდეს პრეზიდენტს მაშინ ისიც ჩამოაყალიბეთ. რა მიზნით არის შექმნილი ეს პოსტი, მგონი ისიც არ არის ჩამოყალიბებული თქვენს მიერ(კრიტიკა ადვილია)...მაშინ რაღა ჩვენ,რიგითი ადამიანები,და რაღა პრეზიდენტი?!...მოკლედ,რაღაცა ჭეშმარიტებას კი ამბობთ ბატონო ჩემო,მაგრამ ...ციდან ჩამოფრენილი ადამიანი ან ადამიანები თუ გინახავთ???!!!
Leko
21 სექტემბერი 2013 19:52
აბა ჰე დაჯიჯგნეთ ეს კაცი ეხლა. თუ სადმე ვინმე ცოტა თქვენზე ჭკვიანი გამოჩნდა არ გაახაროთ. დაუჯერეთ ამ კაცს ჯობია. რამდენჯერ უნდა გაგვაბრიყვონ თხებივით.
tazo
21 სექტემბერი 2013 16:28
აი ამის დაწერილი მცნება გვაკლია და ავჰენდიტ დაიკარგეეეეეეეეე
amomrcheveli
21 სექტემბერი 2013 10:59
ამ მცნებების გათვალისწინებით ხმა გია სურამელაშვილს უნდა მივცეთ )))))))))))))))))))
nino nino
20 სექტემბერი 2013 22:02
კარგი ხარ, კარქი :))))) ნიჭიერი და ობიექტური. წერე ბევრი ამირან, იქნებ ვინმემ რამე გაიგოს ამ ქვეყანაზე.
qeti
20 სექტემბერი 2013 10:34
კარგია!
iana
19 სექტემბერი 2013 12:01
აი დალაგებული და ჩამოყალიბებული,ლაკონური ბლოგი. ვერ ვიტან არაფრისმომცემ რახარუხს სიტყვებისას. მადლობა ასეთი სწორად დაწყობილი,სწორად გადმოცემული ბლოგისთვის
პატრიოტი
19 სექტემბერი 2013 11:20
დიდი ხანია ვაკვირდები ამ ავტორს. რასაც ამბობს უმეტესად სიმართლეა, მათ შორის ეს ბლოგიც (ცოტა მკრეხელურად კი ჩანს, თუმცა მიზანი მიღწეულია), თუმცა იქნებ ჯობდეს ავანსცენაზე გამოხვიდეთ ბატონო ამირან. ბლოგერობა ადვილია, მით უფრო როცა სიტყვა გიჭირს, მაგრამ ჯობია საზოგადოებას წარუდგეთ და თქვენი სათქმელი ამ ფორმით თქვათ.
თქვენი გულშემატკივარი!!
tamar ninidze
19 სექტემბერი 2013 08:11
ეს ბლოგი არის იმის მტკიცება, რომ ამირან გიგუაშვილი არის ერთ ერთი გამორჩეული ბლოგერი. აიღეთ ეს მცნებები და დაურიგეთ პოლიტიკოსებს.

თქვენი აზრით, ეპიდსიტუაციიდან გამომდინარე, უნდა შეეძლოს თუ არა ხელისუფლებას საგანგებო მდგომარეობის გამოცხადების გარეშე შეზღუდვების დაწესება?
თქვენი აზრი მნიშვნელოვანია!
თქვენი აზრით, ეპიდსიტუაციიდან გამომდინარე, უნდა შეეძლოს თუ არა ხელისუფლებას საგანგებო მდგომარეობის გამოცხადების გარეშე შეზღუდვების დაწესება?
დღის კითხვადი სტატიები
თვის კითხვადი სტატიები