რატომ არ უნდა დაუჭიროს მხარი პარლამენტმა ნინო გვენეტაძის კანდიდატურას
რატომ არ უნდა დაუჭიროს მხარი პარლამენტმა ნინო გვენეტაძის კანდიდატურას
(რამდენიმე არგუმენტი, პრეზიდენტის არგუმენტების საწინააღმდეგოდ)

ვფიქრობ თუ რამე სასწაული არ მოხდა, ნინო გვენეტაძე უზენაესი სასამართლოს თავმჯდომარე გახდება.
იფიქრებთ, მაშ რა აზრი აქვს იმაზე წერას, რაც ისედაც წინასწარ არის გადაწყვეტილი, მაგრამ ერთი ძველი გამონათქვამის პერიფრაზირებას თუ მოვახდენთ, წერას ყოველთვის აქვს აზრი. მაშინაც კი, როდესაც იცი, რომ მოვლენების განვითარებას ვერ შეცვლი.


ნინო გვენეტაძის დასახელებისას პრეზიდენტმა მარგველაშვილმა რამდენიმე არგუმენტი მოიყვანა. პირველი მისი პროფესიონალიზმია.
ვერაფერს დაუწუნებ.
რა თქმა
უნდა ნინო გვენეტაძე პროფესიონალია.

რა თქმა უნდა იმ სიაში, საიდანაც პრეზიდენტს არჩევანის გაკეთების საშუალება ჰქონდა, ნინო გვენეტაძეზე უკეთესი კანდიდატურები პროფესიული ნიშნით ცოტანი იყვნენ (ან შეიძლება საერთოდაც არ იყვნენ).
ცხადია, რომ თავისთავად კონკურსის წესით უზენაესის სასამართლოს თავმჯდომარის კანდიდატის შერჩევა, პრეზიდენტის მიერ გადადგმული მოსაწონი ნაბიჯი იყო.
მაგრამ მიუხედავად ამისა,

უზენაესი სასამართლოს თავმჯდომარე, თავისი
სტატუსით და გავლენით, პირველ რიგში პოლიტიკური ფიგურაა და შემდეგ უკვე ადმინიტრატორი.

განვლილი ყბადაღებული 9 წლის მანძილზე ჩვენ ყველამ ვნახეთ, რას ნიშნავდა პარტიული ნიშნით დაკომპლექტებული, პოლიტიკურად ანგარიშვალდებული სასამართლო სისტემა და შერჩევითი მართლმსაჯულება, რაშიც ცხადია თავისი წილი პასუხისმგებლობა სწორედ მის აწ უკვე ყოფილ თავმჯდომარეს, კონსტანტინე კუბლაშვილს ეკისრება.
სამეცნიერო წრეებში სადაო არ არის, რომ იურისტ კონსტანტინე კუბლაშვილის კვალიფიკაცია გაცილებით მაღალ საფეხურზე დგას, ვიდრე იურისტ ნინო გვენეტაძის. შესაბამისად ფაქტია, რომ მხოლოდ პროფესიონალიზმი, რაზეც პრეზიდენტი აპელირებდა, კარგი თავმჯდომარეობისთვის საკმარისი სულაც არ არის.

მეორე და მნიშვნელოვანი არგუმენტი ნინო გვენეტაძის "პოლიტიკურად საინტერესო წარსულია", რომელიც ვფიქრობ სულაც არ არის არც საინტერესო და მით უმეტეს არც სახარბიელო. 2012 წლის საპარლამენტო არჩევნებში კოალიციის გამარჯვების შემდეგ ნინო გვენეტაძის მიერ რესპუბლიკური პარტიის დატოვება, მაღალი ალბათობით სწორედ უზენაესი სასამართლოს თავმჯდომარეობისათვის მზადების დაწყებას ემსახურებოდა და ასეთი იაფფასიანი ტრიუკების მაღალფარდოვნებით შეფუთვა არც პრეზიდენტ მარგველშვილს ეკადრება და არც ქართულ საზოგადოებას.

მესამე არგუმენტი ნინო გვენეტაძის პრინციპულობაა. ფაქტები გნებავთ, კი ბატონო! შორს წასვლა სულაც არ არის საჭირო. საკმარისია ე.წ. "მეამბოხე მოსამართლეების" საქმე გავიხსენოთ.
რა თქმა უნდა ნინო გვენეტაძის, მერაბ ტურავას და დავით სულაქველიძის განდევნა სასმართლო სისტემიდან წმინდაწყლის პოლიტიკური აქტი იყო, მაგრამ მიუხედავად ამისა, სრულიად დარწმუნებული ვარ, რომ ეს თითქოსდა ყველაზე დამაჯერებელი არგუმენტი, უზენაესი სასამართლოს მომავალი თავმჯდომარის სასარგებლოდ, სინამდვილეში მისი ყველაზე სუსტი წერტილია.
ნინო გვენეტაძის არჩევა ამ თანამდებობაზე, უფრო სამართლიანობის აღდგენას ჰგავს, ვიდრე საკადრო გადაწყვეტილებას. სამართლიანობის აქტს, საიდანაც შურისძიებამდე სულ ერთი ნაბიჯია.
ჩვენ კი შურისძიების დრო არ გვაქვ
ს.
ჩვენ ეხლა რეფორმები გვჭირდება. ახალგაზრდა, ენერგიული ადამიანები, ინოვაციური ხედვებით, რომელთაც შეუძლიათ მთები გადააბრუნონ და სულ არ აინტერესებთ ათი წლის წინ ვინ ვის ებრძოდა და ვის რა ინტერესები ჰქონდა.

ჩვენ დღემდე არ მოგვისმენია არც ერთი კომპეტენტური განცხადება რა სიახლის შემოტანას აპირებს მომავალი თავმჯდომარე. რომელი ქვეყნების სასამართლოს სისტემაა მისთვის პრიორიტეტული. როგორ აპირებს მოსამართლეთა დამოუკიდებლობის განმტკიცებას.
ან როგორ უნდა შეძლოს მომავალმა თავმჯდომარემ მოსამართლეთა დამოუკიდებლობის დაცვა მაშინ, როდესაც პოლიტიკური კონიუნქტურის ზეგავლენით უკვე მორჩილად აცხადებს, რომ მოსამართლეთა გამოსაცდელი ვადით დანიშვნა მისაღებია?!
სწორედ ამიტომ, ყველა დემოკრატიულ ქვეყანაში, მხოლოდ ეს ერთი განცხადებაც საკმარისი იქნებოდა მისიკანდიდატურის ჩასაგდებად.
მაგრამ ჩვენ ასეთი საოცნებო დემოკრატია ჯერ არ გვაქვს.
ამიტომაც ალბათ ნინო გვენეტაძეს უზენაესი სასამართლოს თავმჯდომარედ აირჩევენ. მოსამართლეთა უმრავლესობა კი კვლავ ისეთივე დუმილით და ტაშისკვრით შეხვდება მის არჩევას, როგორც თავის დროზე მის მიმართ განხორციელებულ უსამართლობას შეხვდა.
მაშინ ალბათ ვერც ეს მოსამართლეები და ვერც ქალბატონი ნინო ვერ წარმოიდგენდა სამართლიანობის აღდგენის ამგვარ კონფიგურაციას.

ასეთია საკითხის ჩემეული, ერთგვარად ფილოსოფიური ხედვა, ბატონო პრეზიდენტო!

ღრმა პატივისცემით,
ადვოკატი
ამირან გიგუაშვილი

24 თებერვალი 2015 წელი



მკითხველის კომენტარი (35)
კეთილისმსურველი
10 მარტი 2015 18:41
ნუ შეშინდები ამირან, სიმართლის თქმა ეკლიანია. ყურადღებით გადევნებ თვალს და სწორ გზაზე დგახარ. ვიღაცის შეკვეთილი კომენტარები ვერაფერს დაგაკლებს. ღმერთმა გაგაძლიეროს ნიჭიერო ადამიანო
სუხიტაშვილი
06 მარტი 2015 13:15
გიგუაშვილო შენ რომ სხვის პროფესიონალიზმზე დაიწყებ ლაპარაკს ეჰ ესაა სამართლიანობა? შენს ადგილას საზოგადოებას ბოდიშს მოვუხდიდი ამ სტატიისთვის. გვენეტაძეზე შენ რა გაქვს სათქმელი? კოტე დიდი იურისტიაო ამას რომ ადამიანი იტყვის რომელ აზროვნებაზეა საუბარი? სხვის კრიტიკას ჯობია შენს თავს მიხედო. შენ რას წარმოადგენ ? გია რომ არა დღეს შენ არაფერიც არ იქნებოდი. გვენეტაძემ კი თუ კი რამეს მიაღწია თავისი ცოდნით და შრომისუნარიანობით, სწორედ ეს ადამიანია ღირსი სასამართლოს თავში ედგას.
თამაზი
06 მარტი 2015 13:09
მე მაინც არ ვიცოდე გიგუაშვილმა საიდან დაიწყო კარიერა და ვისი დამსახურებაა დღეს თავი ამაყად რომ მოაქვს პროფესიონალი ადვოკატი ვარო. ოქრუაშვილი რომ არა შენ დღეს არაფერი იქნებოდი, ბოლოს კი შეაქციე ზურგი ვითომ შენთვის არაფერი გაეკეთებინოს.( ასეთია დაუნახავი ადამიანების საქციელი). არადა თუ დღეს რამეს წარმოადგენ ირაკლის დამსახურებაა. ასეთი ადამიანი რომ გვენეტაძეზე რამეს იტყვის ესაა სამართალი... ნინო უდაოდ პროფესიონალია და სწორედაც რომ ასეთი ადამიანი უნდა იყოს უზენაესი სასამართლოს მოსამართლე.
ზურაბი
05 მარტი 2015 15:15
ქ-ნი ნინო ზუსტად რომ ის ადამიანია, რომელიც ერთხელ და სამუდამოდ გაათავისუფლებს ჯალათ მოსამართლეებისაგან სასამართლოს და მათ პასუხსაც აგებინებს.მის ხელში სასამართლო სასამართლოს დაემსგავსება ეჭვი არ შეგეპაროთ.
მიხეილი
05 მარტი 2015 15:12
ყურადღების ღირსიც არ არის ზოგიერთების კომენტარები. დალოცვილებო ეხლა გაგიჩნდათ ყველას უკმაყოფილების გრძნობა. თუ რამის გაკეთება შეგეძლოთ სად იყავით რატომ არ იღებდით /კნავილის გარეშე/ ხმას. დასახელებულ კანდიდანტებს შორის ყველაზე ღირსეულად ქალბატონი ნინო გვენეტაძე მიმაჩნია. ქალბატონი ნინო არის საქართველოში ერთ-ერთი საუკეთესო მოსამართლე, საუკეთესო სპეციალისტი, სამართლიანობისათვის მებრძოლი ადამიანი.
status quo
04 მარტი 2015 17:13
ეს ბიჭი- გიგუაშვილი ოქრუაშვილის ახლო ნათესავია დედის მხრიდან და დაინტერესებულია გვენეტაძის კანდიდატურის ჩავარდნით. თან მას ვერ ვატყობ დიდ განათლებასა და პროფესიონალიზმს თუნდაც იმიტომ, რომ კოტე კუბლაშვილი დიდ იურისტად მიაჩნია. კოტემ იურისპრუდენცია საფუძვლიანად სასამართლოს თავმჯდომარედ დანიშვნის შემდეგ ისწავლა, ტორემ მანამდე ტრაფარეტულად მოაზროვნე ბიჭი იყო...
ამირან გიგუაშვილი
03 მარტი 2015 07:28
ეს პირველი შემთხვევაა, როდესაც ჩემი ბლოგის კომენტარზე კომენტარს ვაკეთებ.
თამარ სანიკიძე: სხვათაშორის პიროვნების დისკრიმინაცია კი არა, პიროვნების დისკრედიტაცია, ვინაიდან თავისი შინაარსით ალბათ ამის თქმა გინდოდათ. აქვე გეტყვით, რომ ქალბატონი ნინოს არც დისკრედიტაციის და მით უმეტეს არც დისკრიმინაციის სურვილი არასოდეს მქონია, უბრალოდ ვფიქრობ რომ მისი კანდიდატურა უკან გადადგმული ნაბიჯია. რაც შეეხება ჩემს მიერ ბლოგების გამოქვეყნებაში ფულის გადახდას, მიუხედავად იმისა, რომ შეიძლება საჭიროების შემთხვევაში ამის რესურსი მოვიძიო კიდეც, დღემდე საბედნიეროდ მედია პალიტრასთან მხოლოდ უანგარო და პარტნიორული ურთიერთობა მაქვს, რისთვისაც კიდევ ერთხელ საჯაროდ ვუხდი მადლობას.
ეს კომენტარიც პრინციპში მხოლოდ ამიტომ დავწერე :)))
თამარ სანიკიძე
02 მარტი 2015 14:29
კვალიფიციური იურისტი ასე არ უნდა აზროვნებდეს. ამირან ამ სტატიით შეეცადეთ ნინო გვენეტაძის პიროვნების დისკრიმინაციას, სინამდვილეში თქვენს არაპროფესიონალიზმს, არაკომპედენტურობასა და გაუნათლებლობას გაუსვით ხაზი... სანამ რამეს დაწერ აჯობებს საკითხი კარგად შეისწავლო და თავს ნუ გაიმასხარავებ :) ფულს რომ იხდი ბლოგის გამოქვეყნებაში, ცოტა რამე აზრიანი მაინც დაწერე ( აბა უფასოდ შენს ნაბოდვარს ვინ გამრაქვეყნებს). ღირსეული ადამიანების ლანძღვით პოპულარობას ვერ მოიხვეჭ. ამაზრზენია ეს ყველაფერი
niko
02 მარტი 2015 10:32
ბატონო გიგუაშვილს!ასეთი კატეგორიული ტონით ,საზოგადოების ჭკუის დარიგება,რბილად რომ ვთქვათ დემაგოგიაა!კოტე კუბლაშვილი პროფესიონალი იურისტი რომ ყოფილიყო,ნაცების ხელისუფლება ვერ ჩაიდენდა იმდენ დანაშაულობებს[ქუჩებში ჩახოცვა ახალგაზრდების,ქონების წართმევები,ვერტიკალური,ერთპიროვნული მმართველობა,უარგუმენტოდ ხალხის ციXეებში ჩაყრა,მათი წამება და ა.შ.]და ეს კარგი იქნებოდა არამარტო ნაცების ხელისუფლებისთვის,არამედ საზოგადოებისთვის და ზოგადად ქვეყნის განვითარებისთვის!წარმატებებს ვუსურვებ ქალბატონ ნინო გვენეტაძეს!
jiji Alfaidze
01 მარტი 2015 21:33
წარმატებები ქალბატონო ნინო !
შეკვეთილი სტატიებით ვერაფერს დაგაკლებენ!

როგორ აფასებთ საკანონმდებლო ინიციატივას, რომელიც ნებადართულს ხდის საქართველოში მარიხუანას წარმოებას ექსპორტზე გატანის მიზნით (ფარმაცევტული და კოსმეტიკური საშუალებებისათვის)?
თქვენი აზრი მნიშვნელოვანია!
როგორ აფასებთ საკანონმდებლო ინიციატივას, რომელიც ნებადართულს ხდის საქართველოში მარიხუანას წარმოებას ექსპორტზე გატანის მიზნით (ფარმაცევტული და კოსმეტიკური საშუალებებისათვის)?
თვის კითხვადი სტატიები