ორიოდ სიტყვა ირმა ინაშვილის პრორუსულობაზე, რესპუბლიკელების ევროპელობაზე და დემოკრატიის ფასზე
ორიოდ სიტყვა ირმა ინაშვილის პრორუსულობაზე, რესპუბლიკელების ევროპელობაზე და დემოკრატიის ფასზე
”ამ ბლოგს არ დავწერდი, რომ არა ქალბატონი მინისტრის ეს რბილად რომ ვთქვათ, დემაგოგიური განცხადება”

საქართველოს თავდაცვის მინისტრის, თინა ხიდაშელის განცხადებით, საგარეჯოს შუალედურ არჩევნებში ირმა ინაშვილის სახით დამარცხდა რუსული პროექტი და გაიმარჯვა ქვეყნის ერთ-ერთმა უფრო ყველაზე მკვეთრად გამოხატულმა პროდასავლურმა ძალამ, რესპუბლიკურმა პარტიამ.
თავისთავად ამ ბლოგს არ დავწერდი, რომ არა ქალბატონი მინისტრის ეს რბილად რომ ვთქვათ, დემაგოგიური განცხადება. და არა იმიტომ, რომ ინაშვილი და პატრიოტთა ალიანსი შეგნებულად, თუ შეუგნებლად პრორუსულ პლატფორმაზე არ
დგანან. პირადად მე არასოდეს მივცემდი ხმას მათ კანდიდატს.

მიმაჩნია, რომ ანტიდასავლურ, ფსევდო ეროვნულ, ფსევდო მართლმადიდებლურ მოტივებზე აპელირებით, როგორც პატრიოტთა ალიანსი, ისე მათი მონათესავე პოლიტიკური და საზოგადოებრივი გაერთიანებები ქვეყნის იზოლაციონალისტურ პოლიტიკას ემსახურებიან, რაც პირდაპირ რუსეთის ინტერესებში შედის. მაგრამ ამავე დროს, ვერ გავიზიარებ ორ თეზას, რომლის საზოგადოებისთვის
თავს მოხვევასაც ცდილობენ რესპუბლიკური პარტიის ლიდერები.
პირველი თეზა არის ის, რომ რუსეთის ინტერესებთან ბრძოლის წითელი ხაზი საქართველოში, დღეს რესპუბლიკურ პარტიაზე, კონკრეტულად კი მის ლიდერშიფზე, ქვეყნის თავდაცვის მინისტრზე გადის.

საგარეჯოს შუალედური არჩევნების შეფასებებისას, ქალბატონმა თინა ხიდაშელმა ხმამაღლა განაცხადა, რომ პირველივე დღეებიდან რაც ის დაინიშნა, რუსებს პრობლემები ჰქონდათ მისი თავდაცვის მინისტრობასთან. ეს მრავალმნიშვნელოვანი წინადადება ადამიანურ ენაზე ნიშნავდა შემდეგს:

-მან, როგორც თავდაცვის მინისტრმა განსაკუთრებული პრობლემები შეუქმნა ან შეიძლება შეუქმნას რუსებს, ამიტომ ჩვენი ქვეყნის მტრები უკიდურესად შეშფოთებულები არიან.
-ირმა ინაშვილს რუსეთი მხარს რეალურად უჭერდა, რისი დამადასტურებელი მტკიცებულებებიც თავდაცვის მინისტრს აქვს (ან უნდა ჰქონდეს, როდესაც ასეთ განცხადებას აკეთებს) და შესაბამისად მისი დამარცხებით შუალედურ არჩევნებში, დამარცხდა არა უბრალოდ ოპოზიციური პოლიტიკური ძალის კანდიდადატი, არამედ ჩვენი ქვეყნის უპირველესი მტერი და ოკუპანტი.
პრინციპში ყველა სხვა შემდგომი განცხადებები, რაც რესპუბლიკელებმა გააკთეს საგარეჯოს შუალედურ არჩევნებთან დაკავშირებით ამ კონტექსტის პირდაპირი ან არაპირდაპირი გაგრძელება იყო.

მეორე თეზა კი, რომელსაც ასევე ვერაფრის დიდებით ვერ დავეთანხმები, ბატონი დავით ბერძენიშვილის განცხადება იყო, რომლის თანხმადაც საგარეჯოს არჩევნებში დაიმსხვრა მითი, თითქოს რესპუბლიკური პარტია ერთპროცენტიანი პარტიაა.

რაც შეეხება პირველ თეზას.
ჯერ ერთი ჩვენ დღემდე არ გვინახავს რაიმე ისეთი რადიკალური ცვლილება ქვეყნის თავდაცვის კონცეფციაში, რაც ჩვენი ჩრდილოელი მეზობლის განსაკუთრებულ შეშფოთებას გამოიწევდა. არც ამგვარი ფუნდამენტური რეფორმების მოლოდინები გაუჩენია თავდაცვის მინისტრს. ნატოში ინტეგრაციის კუთხითაც საიმედო ბევრი არაფერი გვაქვს და მსოფლიოში არსებული ჩვენთვის არასახარბიელო გეოპოლიტიკური მდგომარეობის გათვალისწინებით, როგორი მწარე სიმართლეც არ უნდა იყოს, არც ვარშავის მომავალ სამიტზე უნდა ველოდოთ ამ მხრივ სტრატეგიულ გარღვევას. მეორეც, თუ მართლა მხოლოდ ერთ პარტიაზე, ან მით უმეტეს ერთ ადამიანზე გადის ქვეყნის უმთავრეს მტერთან ბრძოლის ხაზი, მაშინ რეალურად უკვე არა დამარცხების საშიშროების წინაშე, არამედ ამ ბრძოლაში დამარცხებულები ვყოფილვართ და ის დროა კაპიტულაციის მეტ-ნაკლებად ღირსეულ პირობებზე ვიფიქროთ.

რაც შეეხება მეორე თეზას, რომ რესპუბლიკური პარტია ერთპროცენტიანი პარტია არ არის.
მიუხედავად რესპუბლიკური პარტიის ინტელექტუალური შესაძლებლობებისა, ელექტორატის სიმრავლე ნამდვილად არ არის ის უპირატესობა, რომელიც ამ ქართული სინამდვილისთვის უხუცეს პოლიტიკურ ორგანიზმს გააჩნია.
თუ ოქტომბრის შუალედურ არჩევნებში რომელიმე ნეიტრალურმა ამომრჩეველმა, ხმა მართლაც მისცა სახელისუფლებო კანდიდატს, მისი მოტივაცია ალბათ ყველაზე ნაკლებად სწორედ რესპუბლიკური პარტიის მხარდაჭერა იყო.
არც ის მგონია, რომ საგარეჯოელ, ან მარტვილელ ამომრჩეველს ამ არჩევნებში მაინც და მაინც რუსული ოკუპაციის წინააღმდეგ გაელაშქრა საარჩევნო სიაში 41 ნომრის შემოხაზვით.


ძირითადი რესურსი, რის გამოც ამ შუალედურ არჩევნებში სახელისუფლებო კანდიდატებმა გაიმარჯვეს, ბიძინა ივანიშვილისადმი შემორჩენილი ნდობა და სახელისუფლებო ფაქტორი იყო.

და კიდევ რაღა თქმა უნდა ჯარი.
როდესაც შენ ხარ თავდაცვის მინისტრი და არჩევნებში მონაწილეობს შენივე პარტიის კანდიდატი, რომელსაც ღია მხარდაჭერას უცხადებ, ხოლო საარჩევნო უბანში არსებობს სპეცუბანი, სადაც ხმას ჯარისკაცები აძლევენ, უკვე ჩნდება სამართლიანი არჩევნების უფლების დარღვევის გონივრული ეჭვი, რომ არჩევნები თანასწორ გარემოში არ ჩატარდა.
მით უმეტეს, როდესაც ადგილობრივი ამომრჩევლისთვისაც და საზოგადოების ფართო მასებისთვის ფაქტობრივად უცნობი კანდიდატი, მცირე ელქტორატიან ოლქში სულ რამდენიმე ხმით იმარჯვებს.

ფორმალურად შეიძლება ყველაფერი კანონიერი იყოს, მაგრამ ეს არ ნიშნავს რომ ყველაფერი სამართლიანია. არჩევნები ხომ მხოლოდ არჩევნების დღეს არ ყალბდება და არც გაყალბება ნიშნავს მხოლოდ წინასწარ შემოხაზულ ბიულეტენებს, ამ სიტყვის პირდაპირი მნიშვნელობით.
მაგალითი, რომელიც მმართველმა პოლიტიკურმა ძალამ შუალედურ არჩევნებში გვიჩვენა, არის სახიფათო ინდიკატორი 2016 წლის საპარლამენტო არჩევნებისათვის და როდესაც ჩვენ ვაკრიტიკებთ იმას, რაც მოხდა საგარეჯოში, ვიცავთ არა პატრიოტთა ალიანსს, არამედ საკუთარი არჩევანის თავისუფლებას, ვინაიდან დემოკრატიის არსი არის სწორედ ის, რომ შესაძლოა ზოგჯერ გზა უკეთესი ცხოვრებისაკენ, უმრავლესობის მიერ გაკეთებულ მცდარ არჩევანზე და მწარე გამოცდილებაზე გადიოდეს.

მხოლოდ ამ ღირებულების ჭეშმარიტად ერთგული პარტიები შეიძლება იწოდებოდნენ ქვეყნის ყველაზე პროდასავლურ პოლიტიკურ ძალებად, რისი პრეტენზიაც გააჩნიათ ქართველ რესპუბლიკელებს.
კანონში არსებული ხვრელებით სარგებლობა და კაზუისტიკაზე აპელირება კი უბრალოდ დაბალი კლასის მაჩვენებელია.
ასეთია დემოკრატიის რეალური ფასი.

ამირან გიგუაშვილი
პოლიტიკის და სამართლის ცენტრის თავმჯდომარე

მკითხველის კომენტარი (29)
daviti
26 ნოემბერი 2015 13:55
პატრიოტთა ალიანსს დიდ პატივს ვცემ, განსაკუთრებით დავით თარხან მოურავს. მაგრამ ვერ გავიგე:
1. ყოფილი ნაცი და მედროვე გოჩა თევორაძე რამ მოგაღებიათ პარტიაში და ქუთაისის განყოფილების უფროსად რამ დაგანიშნინათ? მე თქვენ იმიტომ მომწონხართ, რომ ნაცებთან უკომრპომისოები იყავით და რას მეუბნებით ქუთაისელმა გოჩა თევდორაძეს მივცე ხმა???
2. ვეთანხმები რომ საგარეჯოში არჩევნები დარღვევებით ჩატარდა და ირმა ინაშვილს გამარჯვება წაართვეს, მაგრამ მისი და სხვათა შიმშილობის, ბოდიში დიეტის აქციას რა დავარქვათ? შიმშილობა არის თვითმკვლელობა, ნელი და მტანჯველი, რომელიც უნდა დამთავრდეს ან მოთხოვნების შესრულებით ან მოშიმშილის სიკვდილით. რა არის 5 დღეში გადასხმის გაკეთება და მონაცვლეობით შიმშილობა ვერ გავიგე. მერე რისთვის შიმშილობენ, რომ თუნდაც დაკმაყოფილდეს მათი მოთხოვნა, რომ 10 თვით ერთი ადამიანი პარლამენტში დაჯდეს?
გახსოვდეთ რომ ჩემი და სხვა ათასობით ადამიანის ხმას ქუთაისში დაკარგავთ, თუ კიდე გოჩა თევდორაძეს დაიტოვებთ ლიდერად.
111
26 ნოემბერი 2015 13:14
ინაშვილების დრო დამთავრდა, ოცნებამაც გადააგდო
shota
26 ნოემბერი 2015 11:14
ხიდაშელო რუსეთის მხარდაჩერა დანაშაულია?აუტანელი ქალი ხარ,მინისტრი კი არა დამლაგებელი უნდა იყო შენ
ედი
26 ნოემბერი 2015 10:35
ამ კომენტარებს რომ ვუყურებ ვხვდები რომ არიან ადამიანები რომლებიც ისე არიან შურით დაბრმავებულები რომ ვერ აზროვნებენ.სხვა რა უნდ ა ვთქვა ისეთ ხალხზე რომელიც საქართველოს ისტორიაში ჯერ-ჯერობით ყველაზე აქტიურ თავდაცვის მინისტრს ასე უაზროდ აკდრიტიკებენ.
თემური
25 ნოემბერი 2015 20:39
ირმამ თავისი ქმედებით ნაცებს საგულდაგულოდ დამალული ნიღაბი ჩამოგლიჯა და 20-25% მოუტანა ბიძინას, და ეხლა ერთი ადგილიც ვერ გაიმეტეს მისთვის, თუ არ გაიმეტეს, რომ არა ირმა ალბათ ქოცები ისევ ოპოზიციაში იქნებოდნენ,ირმა მოიშორე მედროვეები- მოლოდინი და მისნაირი მედროვეები, ეგენი ძალიან აღიზიანებს ხალხს, სულ სუფთა წარსულის ხალხი დაილია თუ რა? შენ შანსი გაქვს სერიოზული ხმები აკრიფო 16-ში,თუ მედროვეებს მოიშორებ, მე წარმატებებს გისურვებ. რესპებს დროა ცალკე იყაროთ კენჭი- თუ მაგრები ხართ დაამტკიცედ.
GG
25 ნოემბერი 2015 03:19
"ლიდერშიფი" რას ნიშნავს ვერ ამიხსნით?
marine
24 ნოემბერი 2015 23:01
ირმა -წარმატებებს გისურვებ .არასოდეს წაუყრუო. შენზე უკეთესი არავინ გებრძვის ამიტომ არ დასთმო.ისე კი მინდოდა სულ-სულ მართალი რომ იყო ვგულისხმობ ზვიადიდან დაწყებულდროს .თუ ვინმეს ვაპატიებ შევარდნაძის პერიოდს-პირველს შენ იმიტომ ,რომ2012 წლიდან ძალიან საყვარელი,მართალი და მაგარი ხარ.
გოგლიკო
24 ნოემბერი 2015 16:10
პატრიოტთა ალიანსის მიმართ ძალიან დიდი სიმპათიით ვიყავი გამსჭვალული. ამ ხალხის დამსახურებაა ნაცბბანდისათვის ნიღაბის ჩამოხსნა. რასაც ვერასოდეს გავიგებ, ისაა, რისთვის დაიყენეს გვერდში აწყვეტილი ნაციონალები გოჩა თევდორაძე და კახა ნემსიწვერიძე. ამ ხალხის გამო პატრიოტთა ალიანსი ძალიან ბევრს დაკარგავს. რაც შეეხება რესპებს, მაგათ ვერც ოცნება უშველის, რამეთუ კოჰაბიტაციის გამო, ჩვენ, გლდანის ჯოჯოხეთგამოვლილი ძალინ დიდი ოდენობის ხალხი, არც ქოცებს ვუკმევთ გუნდრუკს და ეს ორი სიმბიოზირებული ძალა ერთად უნდა მოვიშოროთ თავიდან.
meocnebe ixvi
24 ნოემბერი 2015 12:26
გამყიდველთა ალიანსს სულ რამდენიმე ხმით უგებთ ქოცნებავ, არჩევნებზე რისი იმედი გაქვთ? იქ ამათ გარდა კიდევ ნაცები, ლეიბორისტები და თავისუფალი დემოკრატები გელოდებიან.
giorgi
24 ნოემბერი 2015 12:08
ხიდაშელო ნეტავ შენი თავისთვის ხალხის უმრავლესობის თვალით შეგახდა, თავში აგივარდა რაღაც, როგორ დადიხარ, როგორ საუბრობ, ზიზღს იწვევ!ა5რაფერს არ წარმოადგენ ერთი თავგასული ქალი ხარ!

როგორ აფასებთ საკანონმდებლო ინიციატივას, რომელიც ნებადართულს ხდის საქართველოში მარიხუანას წარმოებას ექსპორტზე გატანის მიზნით (ფარმაცევტული და კოსმეტიკური საშუალებებისათვის)?
თქვენი აზრი მნიშვნელოვანია!
როგორ აფასებთ საკანონმდებლო ინიციატივას, რომელიც ნებადართულს ხდის საქართველოში მარიხუანას წარმოებას ექსპორტზე გატანის მიზნით (ფარმაცევტული და კოსმეტიკური საშუალებებისათვის)?
დღის კითხვადი სტატიები
თვის კითხვადი სტატიები