"უგულავა ფულს თბილისელებს სძალავდა და თავის აქტივისტებს აფინანსებდა"
"უგულავა ფულს თბილისელებს სძალავდა და თავის აქტივისტებს აფინანსებდა"
"იქნებ ისინიც ბუნკერების გაუქმების მიზნით ატარებდნენ კონცერტებს?"

გასულ კვირას გიგი უგულავა პროკურატურაში დასაკითხად დაიბარეს. მიზეზი "ნაციონალური მოძრაობის" აქტივისტებისა და აგიტატორების დაკითხვა გახდა, რომლებმაც აღიარეს, რომ ქალაქის ბიუჯეტიდან ანაზღაურებას პარტიული საქმიანობისთვის იღებდნენ. აგიტატორები შპს "თბილსერვისჯგუფში" იყვნენ გაფორმებული და წარმოდგენაც კი არ ჰქონდათ, სინამდვილეში რა ევალებოდათ.

მოგვიანებით დედაქალაქის მერმა "ახსნა", - ეს ადამიანები მოსახლეობასთან ბუნკერების გაუქმების თაობაზე ურთიერთობდნენ და ხელფასებსაც ამიტომ ვუხდიდითო. "თბილსერვისჯგუფში" დასაქმებული აღმოჩნდნენ "თეატრალურის კვარტეტის" მომღერლებიც, რომლებიც სპეცალპინისტ-დამგველებად იყვნენ გაფორმებული(?!).

გასულ კვირას კორუფციასთან ბრძოლის სხვა ფაქტებიც იყო საინტერესო. მაგალითად, კეზერაშვილს ფალსიფიცირებული საკონიაკე სპირტის წარმოების ლობირების სანაცვლოდ, 12 მილიონის ქრთამად აღების ფაქტი ამოუქექეს. ეს უკანასკნელი ისრაელშია და, როგორც ჩანს, მშვიდადაც არის. რაც შეეხება უგულავას, მან ლამის ქოში ყარა, აქაოდა, "ნაცმოძრაობის" აქტივისტებს დევნიანო და საზოგადოებას სიმშვიდისკენ მოუწოდა.
თუმცა, მის გარდა, სხვა აღშფოთებული და დასამშვიდებელი არავინ ყოფილა.
"კვირის პალიტრას" საკრებულოს თავმჯდომარის მოადგილე ჯაბა სამუშია ესაუბრა:


- "ნაციონალური მოძრაობა" თავის აქტივისტებს საბიუჯეტო თანხებით აფინანსებდა, ე. ი. ფულს თბილისელებს სძალავდა. ჯერ კიდევ მანამ, ვიდრე "თბილსერვისჯგუფი" შეიქმნებოდა, ხელშეკრულებები იყო გაფორმებული "ნაცმოძრაობის" აქტივისტებთან და ისინი ბიუჯეტიდან იღებდნენ ფულს. როგორც ცნობილი გახდა, პროკურატურამ 700 აქტივისტი გამოავლინა, რომელთაც ეგონათ, რომ ფულს პარტიული საქმიანობისთვის იღებდნენ და წარმოდგენაც არ ჰქონდათ, რა ორგანიზაცია იყო "თბილსერვისჯგუფი", რა სამუშაო უნდა შეესრულებინა მას. ახლა დედაქალაქის მერი კითხულობს, ხალხს თუ ვასაქმებდი, ეს ცუდიაო? დიახ, ცუდია, როდესაც დასუფთავების სამსახურში ასაქმებ ადამიანებს და მათ იციან, რომ თქვენგან ფულს პარტიული მუშაობისთვის იღებენ. ისიც ძალიან ცუდია, რომ ხალხს თვალში ნაცარს აყრით და ტყუილს დღემდე ვერ გადაეჩვიეთ.

თავის დროზე, როცა დასუფთავების გადასახადის ელექტროენერგიის გადასახადზე მიბმა გადაწყდა, "ნაცმოძრაობამ" დედაქალაქის საკრებულოში არგუმენტად ის მოიშველია, რომ დასუფთავების სფეროში 48 მილიონი იხარჯებოდა. ამიტომ თურმე იძულებული გახდნენ, გაეზარდათ გადასახადი. ახლა კი ირკვევა, რომ 5 მილიონი ლარი, რაც აქტივისტებზე დაიხარჯა, ტყუილად შეაწერეს თბილისელებს. მიაბეს თუ არა ნაგვის გადასახადი ელექტროენერგიის გადასახადს, "თბილსერვისჯგუფი" თვითდაფინანსებაზე გადავიდა(!). ამგვარად, ჩვენი ჯიბეებიდან ზედმეტად ამოღებული ფულით დააფინანსეს აქტივისტები. ვფიქრობ, დედაქალაქის მაფიოზი მერის ყველა დანაშაულებრივი ქმედება უახლოეს მომავალში გამოძიებული იქნება. ალბათ, იმასაც გავიგებთ, რა ფული იხარჯებოდა ზონდერების შესანახად. სხვათა შორის, "თბილსერვისჯგუფში" გაფორმებული აქტივისტები ისეთი ოდენობის თანხებს იღებდნენ, რაც საოცნებო იყო დასუფთავების სამსახურის სხვა თანამშრომლებისთვის.

ჩვენ დედაქალაქის ხელმძღვანელად გვყავს უკონტროლო მერი, რომელიც ჭირივით მოსაშორებელია. უგულავას დემაგოგიას საზღვარი არა აქვს. ასეთმა ადამიანებმა მხოლოდ ფულის მოპარვა იციან, ყველაფერს აკეთებენ იმისთვის, რომ თბილად და უზრუნველად იცხოვრონ, კახპებში გაერთონ და პირადი სიამოვნებისთვის ჩვენი ჯიბეებიდან ამოღებული ფული ხარჯონ. არადა, ხალხს ახსოვს როგორი სათნო და საქმიანი სახით იცის ხოლმე უგულავამ ხალხის დამოძღვრა, ეს მისი მეორე სახეა.

- უგულავამ განაცხადა, "თბილსერვისში" დასაქმებული აქტივისტები ნაგვის ბუნკერების გაუქმების მიზნით კომუნიკაციას ამყარებდნენ მოსახლეობასთანო.
- იქნებ გვითხრას, "თეატრალურის კვარტეტის" ბიჭები რატომღა ჰყავდა გაფორმებული დამლაგებელ-ალპინისტებად? იქნებ ისინიც ბუნკერების გაუქმების მიზნით ატარებდნენ კონცერტებს? ხალხო, ასეთი რამ სადმე გინახავთ?!

- უგულავამ ისიც განაცხადა, "ქართულ ოცნებასაც" ჰყავს დასაქმებული პარტიული ნიშნით აქტივისტები და მაშინ მათაც მიედავეთო.
- მან ლუკა კურტანიძე და კოკა გუნცაძე ახსენა, მაგრამ ამ უკანასკნელებმა იციან, სადაც მუშაობენ და რა საქმეს აკეთებენ. უგულავას აქტივისტებს კი წარმოდგენა არ ჰქონდათ, "თბილსერვისჯგუფი" რა ორგანიზაცია იყო. ის, რაც ჩვენს ქვეყანაში ხდება, პოლიტიკური სამართლიანობის აღდგენაა. ამ პროცესების გამო საზოგადოება აღშფოთებული სულაც არ არის. ამიტომ გაურკვეველია, ვის და რატომ მოუწოდებს უგულავა სიმშვიდისკენ.

- კეზერაშვილს, ფინანსური პოლიციის ყოფილ შეფს ბრალად ედება ფალსიფიცირებული საკონიაკე სპირტის წარმოების ლობირება და დანაშაულებრივი ჯგუფისგან ქრთამის აღება.
- დიახ, მას 12 მილიონი აქვს ქრთამად აღებული. თუმცა, ალბათ, ეს არ არის სრული თანხა, რის გამოც შეიძლება გამოძიება მას მიედაოს. კარგად მახსოვს, "კვირის პალიტრა" წერდა კიდეც სხვა კორუფციულ ფაქტებზეც, ბიზნესმენებზე ზეწოლაზე, რომლის უკან კეზერაშვილი იდგა. ყველას ახსოვს "შირნჰოფერის" დაწიოკება, "ნიკორას" მესაკუთრისთვის წილის წართმევა და ა.შ.  პროკურატურამ ყველა ეს ფაქტი უნდა შეისწავლოს.  ყველამ უნდა იცოდეს, რომ სახელმწიფო მეწველი ძროხა არ არის.
მკითხველის კომენტარი (8)
martia
06 თებერვალი 2013 10:46
levan

არ იღელვო!

ვინც თავს დაიმდაბლებს და მოითმენს, ის მოიგებს მუდამ!

დაკიდევ:

ის იცინის, ვინც ბოლოს იცინის!

ასე რომ, გიგილო ციხეში წ ა ვ ა !!!!
nunu
05 თებერვალი 2013 18:00
ყველანი ციხეში!!! სააკოვი, უგულავა, მისი საბიუჯეტო სახებით ჩალაგებულ სილიკონებიანი ცოლით, ღვთიმგმობელი ბეკერია მისი დამსმელი დედით, გაბაშვილი, მისი ქვეყნის დამაქცევარი მამით, ახელმწიფოს ქონების ჭამით გასუქებული მერაბიშვილი, მისი ალიბეგა სიმამრრით და ნაჩათლახაი ცოლით.
neli
04 თებერვალი 2013 16:06
ყველაზე დიდი დანაშაული ჩჰვენი მერის ისაა, რომ ახალგაზრდებს, ჩჰვენს მომავალ თაობებს , რომელთაც ხვალ სახელმწიფო სადავეები უნდა ჩავაბაროთ, დასაწყისიდანვე უნერგავდა იმ მანკიერებას, რომ უსაქმურობაშიც შეიძლება აიღო ხელფასი თურმე, რა საჭიროა შრომა, გარჯა.
დავითი
04 თებერვალი 2013 13:45
ეს გიგი რომ დასაჭერია მგონი აღარავინ დავობს,მაგრამ რატომ იკავებენ თავს არ ვიცი, ისიც მართალია რას ელოლიავებიან ემ დამნაშავეებს? საყვარელიძე არ მივიდა და შერჩა, დონაძეს შერჩა აგერ ეხლა ღვინაშვილიც იზახის არ მივალო როდემდე უნდა აბლატაონ ეს ნაძირლები მაინტერესებს?
roziko
04 თებერვალი 2013 13:25
გიგილო დაგიჭერენ
levan
04 თებერვალი 2013 12:50
სირცხვილი ჩვენს პროკურატურას!
აგვიხსნან რატომ ეახლენ ბანდიტს ასეთი დიდი მოწიწებით მისთვის სასურველ დროსა და ადგილას ჩვენების ჩამოსართმევად?! აღარცაა გასაკვირი რატომ საუბრობს უგულავაც და ნაც-მოძრაობის დეპუტატები ასეთი ირონიით ჩვენს სამართალდამცავ ორგანოებზე და არ ცხადდებიან ჩვენების მისაცემად უწყების მიღების შემდეგ.ბოლოს და ბოლოს ყველაფრის მოთმენა ხომ არ შეიძლება?!
ვეკითხები ჩვენს სამართალდამცავებს. საერთოდ გააქვთ თქვენ ღირსება?!
იცით რატომ ხდება ესყოველივე?! იმიტომ, რომ სამართალდამცავ ორგანოებში დარჩნენ და დააწინაურეს ძველი კადრები ვინც მიშას და ნაცების ყველა დავალებას სიტყვის |შეუბრუნებლად ასრულებდნენ ოღონდ კი თანამდებობა ჰქონოდათ და საკუთარი ოჯახი ჰყოლოდათ მაძღარი. სხვას რას ელოდებით ამ ხალხიდან!
kaxeli
04 თებერვალი 2013 11:43
უგულავა დამნაშავეა თუ არა, სასამართლომ უნდა გადაწყვიტოს და შესაბამისი სასჯელიც ამავე სასამართლომ უნდა გამოიტანოს. მე უფრო სხვა რამ მაფიქრებს - რატომ ეახლა პროკურატურის გამომძიებელი უგულავას მერიაში?
ეს ფაქტი რატომღაც მედიასაც გამორჩა (ყოველ შემთხვევაში, ამ სტატიიდან არ ჩანს)და საზოგადოებამაც "გაატარა".
ჩავწეროთ მაშინ კანონში, რომ თუ დაკითხვაზე დაბარებულ მოქალაქეს "ხოში" (მაპატიეთ ამ გამოთქმისათვის, მაგრამ სხვა სიტყვა ამ შემთხვევაში ზუსტი არ იქნება) არ აქვს, გამომძიებელი მოწიწებით უნდა ეახლოს იქ, და იმ დროს, სადაც მიუთითებს ზემოხსენებული მოქალაქე.
giorgi
04 თებერვალი 2013 10:52
რაღა თქმა უნდა ეგ ბანდიტები ციხეში უნდა იჯდნენ. ქურდის ადგილი ციხეა. მაგრამ რაღაცა უნდა ვიღონოთ, (ოღონდ საფუძვლიანად), თორემ კუბლაშვილები ისევ გამოუშვებენ მათ, თუ ეგენიც არ მივაყოლეთ. მაგათი ქონებაცაა შესასწავლი.

რუბრიკის სხვა სიახლეები
იცავთ თუ არა ზედმიწევნით სპეციალისტების მიერ კორონავირუსის წინააღმდეგ შემუშავებულ რეკომენდაციებს?
თქვენი აზრი მნიშვნელოვანია!
იცავთ თუ არა ზედმიწევნით სპეციალისტების მიერ კორონავირუსის წინააღმდეგ შემუშავებულ რეკომენდაციებს?