ფოტოკლასიკა: სებასტიო სალგადო
გასულ საუკუნეში მოღვაწე ერთ-ერთი ნიჭიერი და ცნობილი ფოტოგრაფ-დოკუმენტალისტი სებასტიო სალგადო 1944 წლის 8 თებერვალს, ბრაზილიაში დაიბადა.
განათლებით ეკონომისტი, ფინანსთა სამინისტროში მუშაობდა. ფოტოგრაფიით კი აფრიკაში მოგზაურობის დროს დაინტერესდა, სადაც სამსახურეობრივი მოვალეობის შესასრულებლად ჩადიოდა. 3 წელი საკმარისი აღმოჩნდა, პრესტიჟული სამსახურისთვის თავი დაენებებინა და ფოტოგრაფი გამხდარიყო.
თავიდან სააგენტო “Sygma” და “Gamma”-ში მუშაობდა, შემდგომ, 1979 წელს კარტიე-ბრესონის და კაპას ყველაზე ცნობილ სააგენტო ”Magnum”-ში მიიწვიეს. 1994 წელს კი საკუთარი სააგენტო “Amazonas Images” დააფუძნა.