29-06-2015
ტოსკანა სამოთხის პატარა ნაწილია იტალიაში და შემთხვევითი არაა, რომ რეგიონი საუკეთესოდ მიიჩნევა ეკოტურიზმისთვის. ვისაც სურს იცხოვროს სილამაზისა და სიმშვიდის ატმოსფეროში, უნიკალური პასტორალური პეიზაჟების ფონზე დატკბეს შუა საუკუნეების დროინდელი სოფლების მოკირწყლული ქუჩებითა და ძველებური ეკლესიებით, ირჩევს ტურიზმის შედარებით ახალ ფორმას “აგროტურიზმს” – როცა ნებისმიერ დროს შედარებით იაფად ქირავდება სოფლის სახლები მთლიანად, თავისი ვენახებითა თუ ზეთისხილის ბაღებით.
ტოსკანა უნიკალური რეგიონია ცენტრალური

აქ ჩამოდიან აღორძინების ეპოქის ხელოვნების სანახავად, ადგილობრივი სამზარეულოს გასაცნობად, ღვინოების გასასინჯად და პლაჟებზე გასარუჯად. ტოსკანა განთქმულია თავისი კრისტალურად სუფთა წყალსატევებით, ხელუხლებელი ბუნებით, კაშკაშა-მწვანე პეიზაჟებით და კარგად შენახული არქიტექტურული ძეგლებით. ამის გამო აქაურობას ყოველწლიურად მილიონობით ტურისტი სტუმრობს.


ტაძრები, ბაზილიკები, ეკლესიები, მუზეუმები, გალერეები, სასახლეები თუ ხიდები იმდენია, რომ ყველა ღირშესანიშნაობის ნახვას არაერთი კვირა დასჭირდება
ფლორენცია განსაკუთრებით მდიდარია მუზეუმებით

საინტერესოა ნატიფი ხელოვნების აკადემიის გალერეა, ასევე პალატინის გალერეა სამეფო აპარტამენტებში, თანამედროვე ხელოვნების გალერეა, ვერცხლის მუზეუმი, კარეტების მუზეუმი, არქეოლოგიური მუზეუმი კროჩეტას სასახლეში, მედიჩის მუზეუმი მედიჩი-რიკარდის სასახლეში, მუზეუმი ოპერა-დელ-დუომო და ეროვნული მუზეუმი პალაცა-ბარჯელო. 1339 წელს ფლორენცია გახდა პირველი ქალაქი ევროპაში, სადაც მოკირწყლული ქუჩები გაჩნდა.

ტოსკანას მნიშვნელობით მეორე ქალაქია სიენა. მისი შუა საუკუნეების დროინდელი ცენტრი ღია ცის ქვეშ წარმოადგენს ერთიან მუზეუმს და იუნესკოს მიერ მსოფლიო მემკვიდრეობის ცენტრად არის გამოცხადებული.
ქალაქში მთავარი ღირშესანიშნაობა შესანიშნავი სიენის ტაძარია, მსოფლიო მნიშვნელობის შედევრი, რომელიც მსოფლიოს ერთ-ერთ ყველაზე ლამაზ ტაძრად ითვლება. ბევრის აზრით, სიენა არაფრით ჩამოუვარდება ფლორენციას თუ პიზას.

დახრილი კოშკი სამრეკლოა, რომელიც სანტა-მარია ასუნტას ანუ იგივე პიზის სატაძრო ანსამბლის ნაწილს წარმოადგენს. 19867 წლიდან მთელი კომპლექსი იუნესკოს მიერ მსოფლიო მემკვიდრეობის სიაშია შეტანილი
მართალია, უამრავი ადამიანისთვის პიზა მხოლოდ ამ დახრილ კოშკთან ასოცირდება, მაგრამ ეს მთლად სამართლიანი არ არის: ქალაქში უამრავი საყურადღებო ადგილია: მედიჩის სასახლე, შუა საუკუნეების გალერეა ბორგო-სკრეტო, სამეფო სასახლე პალაცო-რიალე, პალაცო-ჯანფრანჩი თუ პალაცო-აგოსტინი, სასაფლაო კამპოსანტო, ბოტანიკური ბაღი და კიდევ ბევრი სხვა რამ. მაგრამ აუცილებლად უნდა ეწვიოთ პიზის უნივერსიტეტს, რომელიც უძველესია ევროპაში.

ამ ქალაქის სახელი ყველამ არ იცის, მაგრამ თითქმის ყველამ იცის ფილმი “ბინდი. საგა. ახალი მთვარე”, რომელიც მის ქუჩებში გადაიღეს 2009 წელს. ყველაზე ცნობილი არქიტექტურული ძეგლი – XVI საუკუნის ეკლესია მადონა დი სან-ბიაჯო მიჩნეულია აღოძინების ეპოქის “იდეალად”
ტოსკანას აღმოსავლეთში უნდა ესტუმროთ არეცოს – რეგიონის ერთ-ერთ უძველეს ქალაქს, ფრანჩესკო პეტრარკას სამშობლოს. ისევე როგორც სხვა ქალაქებში, აქაც მრავალი ლამაზი ეკლესიაა შესანიშნავი ფრესკებით.

აქვე ღირს მოინახულოთ “შუასაუკუნეების მანჰეტენად” მონათლული სან ჯიმინიანო 15 ძველი კოშკით. XIV საუკუნის შუა წლებში სან ჯიმინიანოში კოშკების რაოდენობა 72-ს აღწევდა.
სხვა ღირშესანიშნაობებს შორისაა კოლეჯიატის ბაზილიკა უამრავი ფრესკით და ქალაქის კედელი ბასტიონით.
განსაკუთრებით კი ცნობილია კოშკი, რომელიც ადილობრივი ლეგენდით ეშმაკის მიერაა დაკაწრული. “ნაკაწრის” ხილვა მართლაც შესაძლებელია ერთ-ერთ კედელზე.

ბორცვის თხემზე აშენებული ვოლტერადან შესანიშნავი ხედი იშლება – კარგ ამინდში შესაძლებელია ტირენის ზღვისა და კუნძულ კორსიკის დანახვაც კი. რომამდე ვოლტერა ეტრუსკების ციტადელი იყო, რომელთა ნაკვალევი აქ დღემდეა შემონახული.
აუცილებლად სანახავია მძლავრი საფორტიფიკაციო ნაგებობა – მედიჩის სიმაგრე
და ბოლოს ტოსკანას კიდევ რამდენიმე ფოტო, რომელთაც კომენტარი არ სჭირდება. უმჯობესი კი იქნება, თავად ეწვიოთ და საკუთარი თვალით ნახოთ ეს ჯადოსნური მხარე.








