ყველაზე სასტიკი ქალები მსოფლიოს ისტორიაში
ყველაზე სასტიკი ქალები მსოფლიოს ისტორიაში
მსოფლიოს არაერთი მკვლელი თუ მოძალადე ქალი ახსოვს, თუმცა მათ შორის გამორჩეულნი ისტორიაში “ყველაზე სასტიკი ქალების” სახელით შევიდნენ.








ისაბელ კასტილიელი (1451-1504 წწ.). ისაბელ კასტილიელისა და ფერდინანდ არაგონელის ქორწინებამ კასტილია და არაგონია გააერთიანა და ესპანეთის ძლიერი სამეფო შეიქმნა. დედოფალი ქრისტეფორე კოლუმბს მფარველობდა. არაკათოლიკეების მიმართ სასტიკი დამოკიდებულებით გაითქვა სახელი: მან ცნობილი ესპანური ინკვიზიციის პირველ დიდ ინკვიზიტორად თომას ტორკვემადუ დანიშნა და რელიგიური წმენდის ეპოქას დაუდო სათავე. ისაბელ კასტილიელის მმართველობის დროს ქვეყანა 200 ათასზე მეტმა
ებრაელმა და არაბმა დატოვა. დარჩენილებს ქრისტიანობის მიღებას აიძულებდნენ, თუმცა არც ამან დაიცვა ისინი კოცონზე დაწვისგან.



დედოფალი მერი I (სისხლიანი მერი) (1516-1558წწ.). ჰენრიხ VIII-ს ქალიშვილი, ინგლისის ისტორიაში შევიდა,

როგორც მონარქი, რომელსაც სურდა, ქვეყანა რომაულ-კათოლიკური ეკლესიის წიაღში დაებრუნებინა. მერი ტიუდორი პირველი გვირგვინოსანი ქალი იყო, რომელიც ინგლისს მართავდა როგორც სრულუფლებიანი მონარქი. პროტესტანტების დაუნდობელი დევნის, სასტიკი წამებისა და განადგურების გამო მას “სისხლიანი მერი” შეარქვეს. ამ სახელითაც შევიდა ისტორიაში.


მერი ენ კოტონი (1832-1873 წწ.). თაგვის წამლით 20 კაცი მოწამლა. პოლ­იცია კოტონით მაშინ დაინტერესდა, როცა გაირკვა, რომ ყველა მისი ახლობელი ერთი მეორის მიყოლებით ერთი და იმავე სიმპტომით კვდებოდა. მან მოკლა რამდენიმე ქმარი, შვილები და დედა. იმდენად სასტიკი იყო, რომ ჯალათსაც კი, რომელსაც კოტონი უნდა ჩამოეხრჩო, განგებ "დაავიწყდა" ფეხქვეშ საყრდენის გამოცლა, რათა მკვლელისთვის სიკვდილით დასჯის სასტიკი წამები გაეხანგრძლივებინა.


ელზა კოხი (1906-1967 წწ.). ელზა კოხი, ანუ “ბუხენვალდის ქაჯი”, საკონცენტრაციო ბანაკის კომენდანტის ცოლი იყო. პატიმრებს სასტიკად აწამებდა და კლავდა. მან ტატუირებული ადამიანის კანის ნაჭრების კოლექცია შექმნა. კოხმა 1967 წელს ციხეში თავი მოიკლა.


ირმა გრეზე (1923-1945 წწ.). ჰიტლერის გერმანიის დროინდელი ქალთა საკონცენტრაციო ბანაკების უსასტიკესი ზედამხედველი. პატიმრებზე ჯერ ფიზიკურად და ფსიქოლოგიურად ძალადობდა, შემდეგ კი ცემით სულს ხდიდა, მათი დახვრეტით ერთობოდა, ასობით ქალს გაზის კამერაში გზავნიდა. მსხვერპლზე უკეთ დასაგეშად ძაღლებს აშიმშილებდა… გრეზე სქელლანჩიან და მძიმე ფეხსაცმელს იცვამდა, იარაღთან ერთად წკეპლითაც უსწორდებოდა ქალებს. 1945 წელს სასტიკი მწამებელი სიკვდილით დასაჯეს.


მაირა ჰინდლი (1942-2002 წწ.) სერიულ მკვლელ ქალს და მის მეწყვილე მამაკაცს, იენ ბრაიენს, მეტსახელად “ინგლისელი ბონი და კლაიდი” შეარქვეს. მათ 10-დან 17 წლამდე ასაკის 5 ბავშვი გაიტაცეს და წამებით მოკლეს. გვამები პოლიციამ ჭაობში იპოვა. ახალგამომცხვარი “ბონი და კლაიდი” წამებას აუდიოჩანაწერებით და ფოტოებით აფიქსირებდნენ. სამუდამო პატიმრობის შეფარდებისას (ინგლისში სიკვდილით დასჯა დამნაშავე წყვილის დაპატიმრებამდე 1 თვით ადრე გააუქმდა) მკვლელებს დანაშაული არ მოუნანიებიათ. განაჩენის გამოტანის დღეს მაირა მშვიდად მიირთმევდა ნაყინს და სასამართლო პროცესის დაწყებას ელოდა. ბრაიენმა შიმშილობა გამოაცხადა, მაგრამ საპატიმროში ფიზიოლოგიური ხსნარით კვებავდნენ. მაირა ჰინდლი ციხის საავადმყოფოში გულის შეტევით გარდაიცვალა.



ბევერლი ელიტი – ინგლისელი მედდა, მეტსახელად “სიკვდილის ანგელოზი”.­ 1991 წელს 4 პატარა პაციენტი მოკლა, 5 ბავშვის ჯანმრთელობას კი სერიოზული ზიანი მიაყენა. მკვლელს ინსულინისა და კალიუმის ინიექციები შეჰყავდა, რათა გულის მწვავე შეტევა გამოეწვია და ბუნებრივი სიკვდილის იმიტაცია მომხდარიყო. დანაშაულის მოტივი დღემდე უცნობია.


ბელ განესი, 1859-1931 აშშ-ს ისტორიაში ყველაზე ცნობილი მკვლელი ქალი – ორი ქმარი, შვილები, რამდენიმე თაყვანისმცემელი და საყვარელი მოკლა. ძირითადი მიზეზი – სიცოცხლის დაზღვევის ანაზღაურების მიღება. რამოდენიმე ათწლეულის განმავლობაში 30 ადამიანი გამოასალმა სიცოცხლეს.


ერჯებეთ ბატორი (1560-1614 წწ.) ”სისხლიანი ალქაჯის” სახელით ცნობილი უნგრელი გრაფინია წამებით კლავდა მოსამსახურე და გლეხ ქალებს. მსხვერპლს სასტიკად სცემდა, გახურებული რკინით ხელებსა და სახეს უწვავდა და ცოცხლად ატყავებდა. 1610 წელს შინაპატიმრობა მიესაჯა. ბრალს მკვლელობასა და ჯადოქრობაში სდებდნენ. პროცესზე მოსამსახურეები ირწმუნებოდნენ, სასახლიდან უამრავი გვამი გავიტანეთო. ”სისხლიანი ალქაჯი” 1614 წელს გარდაიცვალა. მისი სახელი გრაფ დრაკულაზე არანაკლებმა ლეგენდამ მოიცვა…

მკითხველის კომენტარი (12)
ნანა
08 აპრილი 2016 22:43
ელიზაბეტ ბატორი (დ. 17 აგვისტო, 1560 — გ. 21 აგვისტო, 1614) — ბატორების ოჯახის გრაფინია. იგი ისტორიაში შესულია როგორც ყველაზე სასტიკი სერიული მკვლელი, სისხლიანი გრაფინია, სისხლიანი ლედი.

მეუღლის გარდაცვალების შემდეგ, ელიზაბეტი მის ოთხ მოსამსახურესთან ერთად დამნაშავედ ცნეს ასობით გოგონასა და ახალგაზრდა ქალების მკვლელობისთვის. ჯამში მათი რაოდენობა 600-მდეა, თუმცა რაოდენობა, რისთვისაც ისინი გაასამართლეს იყო 80. 1610 წელს ის დაატყვევეს თავისივე სასახლეში, სადაც სიცოცხლის უკანასკნელი 4 წელი გაატარა.

მოგვიანებით, უნგრული პროზა მას მოიხსენიებდა როგორც სისხლისმსმელ გრაფინიას. მწერლობაზე დაყრდნობით იგი ქალიშვილების სისხლს სვამდა და საბანაოდ იყენებდა, რომ ახალგაზრდობა შეენარჩუნებინა.
iako
17 ნოემბერი 2015 21:42
აბორტებს ვინც იკეთებს იმათ რა ქვიათ? ზოგი ამბობს 30 მერე აღარ ვითვლიდიო ზოგი ამბობს 60 ისო ვაი ჩვენს პატრონს
ეკატერინე მედიჩი
18 ოქტომბერი 2015 17:45
მე სად ვარ????
kato
18 ოქტომბერი 2015 17:42
რა ვიმხიარულეეეეე..ირმა..ეკა..
vidoki
16 ოქტომბერი 2015 23:20
ირმა ნადირაშვილი და ეკა ხერხეულიძე გამოგრჩათ.
გოგა
15 ოქტომბერი 2015 18:25
საღოლ
გოგა
15 ოქტომბერი 2015 18:22
ელიზაბეტ ბატორიზე ნაწილობრივ სიმართლეა მაგრამ ყველაფერი სრულად არ წერია,მაგალითად ქმარი და ძმა რომ მოკლა,მოსამსახურე გოგონებს (მხოლოდ ქალწულებს)იმიტომ კლავდა რომ მათ სისხლში ბანაობდა ახალგაზრდობის შესანარჩუნებლად ,ასევე სამეფომ უარი განაცხადა მის სიკვდილით დასჯაზე და სიცოცხლის ბოლომდე საპრყრობილეში ჩაკეტეს სადაც ჭლექით დაავადდა და ამ დაავადებამ იმსხვერპლა 54 წლის ასაკში.მსოფლიო ისტორიაში აღინიშნება როგორც ყველაზე სისხლიანი ქალი მართველი.
daviti
15 ოქტომბერი 2015 17:57
ისაბელ კასტილიელს რატომ აბრალებთ ებრაელების დეპორტაციას? მას ქმარი ჰყავდა, რომელიც იღებდა გადაწყვეტილებებს და ესეც ეთანხმებოდა. მეორეც ნუ აურევთ არაბების გასახლებას გენოციდთან, გახსოვდეთ რომ მანამდე ესპანეთის საკმაოდ დიდი ნაწილი არაბების მიერ იყო დაპყრობილი, მაშინ საქართველოში კახეთის აჯანყებასაც (ჩოლოყაშვილის და ერისთავების ხელმძღვანელობით) გენოციდი დავარქვათ. დანარჩენს რაც შეეხება ეს ადამიანები შეპყრობილი იყვნენ მკვლელობის ცოდვით და ეს სიამოვნებას ანიჭებდათ, სხვაგვარად ცხოვრება არ შეეძლოთ. ეს არის ერთადერთი და მთავარი მოტივი და მიზეზი, სხვა არ არსებობს.
7722
15 ოქტომბერი 2015 14:50
საქართველოში იმდენი შურით გაცოფებული ცნობილი თუ უცნობი ქალია, შესაძლებლობა რომ ჰქონდეთ,იგივეს დიდი სიამოვნებით მოიმოქმედებდნენ, მათი სია უსასრულოა.ცნობილი ,,ელიტა'' ქალები უცნობ ლამაზ ქალს მთელი ძალით რომ ეჯახებიან, დასარტყმელად იწევენ თუ მზერით ბურღავენ(მათ შორის – მსოფლიოში აღიარებულნი),ან იმათ ვისაც სახეზე დიდი ინტელექტი ეტყობა.
ps
15 ოქტომბერი 2015 12:39
ერჯებეთ ბატორი!
აი ამ ქალზე არ იციტ რატომ კლავდა, ეგეც მოქექეტ აბა ჰე ტქვენ იციტ, აი ეს არის ყველაზე სასტიკი და დაუნდობელი ინფორმაცია მკიტხველს უფრო 'გააახარებტ' მიზეზს რომ დაწერტ აბა ჰე ტქვენ იციტ

რუბრიკის სხვა სიახლეები
თქვენი აზრით, უნდა აიკრძალოს თუ არა აზარტული თამაშების რეკლამა საქართველოში?
თქვენი აზრი მნიშვნელოვანია!
თქვენი აზრით, უნდა აიკრძალოს თუ არა აზარტული თამაშების რეკლამა საქართველოში?