გასული ეპოქის ნატიფი ქალი ფოტოგრაფ ნინა ლინის ობიექტივში
ნინა ლინი ჟურნალის LIFE ერთ-ერთი პირველი ქალი-ფოტოგრაფი გახლდათ და ამერიკული საზოგადოების ყოფისა და ჩვევების ამსახველი ფოტორეპორტაჟებით გაითქვა სახელი.
ფოტოგრაფი რუსეთის იმპერიაში დაიბადა 1909 წელს, მაგრამ ევროპაში გაიზარდა, სადაც ანიმალისტური ფოტოგრაფიით დაკავდა. 1939 წელს ნინა აშშ-ში გადავიდა საცხოვრებლად.
მხიარული მოზარდი გოგონები, დახვეწილი მოდელები, პოპულარული მსახიობები და უბრალო დიასახლისები, რომლებიც ობიექტივში კარს მომდგარი სექსუალური რევოლუციის პერიოდში მოხვდნენ, დღეს აღიქმება, როგორც ისტორიას ჩაბარებული ქალურობის სიმბოლო.