მეორადი ბინების ფასები თბილისის უბნების მიხედვით
"ეკოპალიტრისა" და "ილიაუნი ბიზნეს რევიუს" თანამშრომლობის საფუძველზე, ჩვენი რედაქცია პერიოდულად შემოგთავაზებთ ბიზნესკვლევებს სხვადასხვა თემაზე. ამჯერად კვლევის საგნად შევარჩიეთ თბილისში მეორადი საცხოვრებელი ფართების ფასები უბნების მიხედვით. ასეთ კვლევებს მკითხველი ყოველთვიურად იხილავს.
თბილისში Iliauni Business Review-მ მოაწყო მეორადი ბინების ბაზრის კვლევა უბნების მიხედვით. 27 უბნისთვის დადგინდა საშუალო ფასი 1 კვმ-ზე. აგრეთვე, საშუალო ფასი თბილისის ბაზარზე. კვლევა მოეწყო 1-20 ნოემბერს. თითოეულ უბანზე შეირჩა სამ-სამი ერთეული 1; 1,5; 2; 2,5; 3; 3,5 და 4-ოთახიანი ბინები. კვადრატურისა და ფასის საშუალებით მკვლევრებმა დაადგინეს, რა ღირს საშუალოდ, მაგალითად, 1-ოთახიანი ბინა კონკრეტულ უბანში. ბოლოს გამოიყვანეს მითითებული საშუალო ფასი მთლიანად, თითოეული უბნისთვის.
კვლევის შედეგებით გამოიკვეთა თბილისის უბნების ხუთეული, სადაც 1 კვმ-ზე ყველაზე მაღალი ფასი აღირიცხა: 1) ძველი თბილისი; 2) მთაწმინდა, სოლოლაკი; 3) ვერა; 4) ვაკე; 5) საბურთალო. ხოლო ყველაზე დაბალი ფასების მიხედვით ხუთეული ასე გადანაწილდა: 1) ავჭალა; 2) ლილო; 3) ფონიჭალა; 4) მესამე მასივი; 5) ვაზისუბანი.
წყარო: საქმე.გე, გაზეთი „სიტყვა და საქმე“, უძრავი ქონების სააგენტოები.
თბილისის უბანი 1 კვ.მ.-ის ფასი ($)
1 ძველი თბილისი 999
2 მთაწმინდა, სოლოლაკი 983
3 ვერა 951
4 ვაკე, ბაგები 941
5 საბურთალო 864
6 დიდუბე 855
7 ბახტრიონი, დოლიძე 845
8 ვაჟა-ფშაველას კვარტლები,
ქავთარაძე 827
9 დიღმის მასივი 802
10 ნუცუბიძის პლატო 770
11 ჩუღურეთი 766
12 ნაძალადევი 696
13 ისანი 669
14 ვაშლიჯვარი 663
15 დიდი დიღომი 588
16 მუხიანი 583
17 კრწანისი, ორთაჭალა 582
18 ავლაბარი 581
19 სამგორი 566
20 ვარკეთილი 562
21 გლდანი 559
22 თემქა 535
23 ვაზისუბანი 519
24 მესამე მასივი 510
25 ფონიჭალა 429
26 ლილო 358
27 ავჭალა 355