დღეიდან, სატრანსპორტო საშუალების გამოყენებით გარე ვაჭრობა 1000 ლარით დაჯარიმდება - კვირის პალიტრა

დღეიდან, სატრანსპორტო საშუალების გამოყენებით გარე ვაჭრობა 1000 ლარით დაჯარიმდება

დღეიდან, სატრანსპორტო საშუალების გამოყენებით გარე ვაჭრობა 1000 ლარით დაჯარიმდება. ინფორმაციას BPN.GE ავრცელებს.

ადმინისტრაციულ სამართალდარღვევათა კოდექსში გარევაჭრობასთან დაკავშირებით გაკეთებული ჩანაწერის თანახმად, თბილისში შესაბამისი ნებართვის გარეშე სატრანსპორტო საშუალების, მასზე მისაბმელის ან ნებისმიერი სხვა მოძრავი საშუალების გამოყენებით ჩადენა გამოიწვევს დაჯარიმებას 1 000 ლარის ოდენობით, სამართალდარღვევის საგნის (შესაბამისი საქონლის) კონფისკაციით. დაუმორჩილებლობის შემთხვევაში კი სამართალდამრღვევი პირის მიმართ ჯარიმის ოდენობა 2 000 ლარამდე იზრდება.

ამასთან, კიდევ ერთი ცვლილება შეეხება თბილისის ტერიტორიაზე შესაბამისი ნებართვის გარეშე გარე ვაჭრობის შემთხვევაში ჯარიმის 50 ლარამდე გაზრდას. ადმინისტრაციულ სამართალდარღვევათა კოდექსის აქამდე მოქმედი ნორმის მიხედვით, ჯარიმის მოცულობა 20 ლარს შეადგენდა. ამასთან, მოხდება სამართალდარღვევის საგნის კონფისკაციაც. ახალი ცვლილება დღეიდან ამოქმედდა.

კოდექსის მიხედვით, 4-ჯერ იზრდება შესაბამისი ორგანოს უფლებამოსილი პირის კანონიერი განკარგულებისადმი ან მოთხოვნისადმი დაუმორჩილებლობა. თუ აქამდე დამრღვევ პირზე ჯარიმა შეადგენდა 50 ლარს, დღეიდან ის 200 ლარამდე გაიზარდა. კოდექსი ასევე ითვალისწინებს კონფისკაციას ან 7-დღიან ადმინისტრაციულ პატიმრობას. ამ მუხლის პირველი ნაწილით გათვალისწინებული ქმედების განმეორებით ჩადენა - გამოიწვევს ფიზიკური პირის ან/და იურიდიული პირის დაჯარიმებას 300 ლარის ოდენობით, სამართალდარღვევის საგნის კონფისკაციით.