კორონავირუსი ბიძინა ივანიშვილის ქონებასაც შეეხო - ბოლო ერთ კვირაში ქართველი მილიარდერის ქონება შემცირდა
კორონავირუსი ბიძინა ივანიშვილის ქონებასაც შეეხო - ბოლო ერთ კვირაში ქართველი მილიარდერის ქონება შემცირდა
ფრანგული კომპანია Louis Vuitton Moët Hennessy-ის ხელმძღვანელმა ბერნარ არნომ კორონავირუსის შედეგად, 30 მილიარდი დოლარი დაკარგა.

ამის შესახებ "ბლუმბერგი" იუწყება. გამოცემის ცნობით, ეს არის მაქსიმალური თანხა, რომელიც ერთმა ადამიანმა დაკარგა. არნო "ბლუმბერგის“ მილიარდერთა რეიტინგში მე-4 პოზიციაზეა.

ახალი კორონავირუსის გამო, ბოლო პერიოდის განმავლობაში მცირდება ქართველი მილიარდერის ბიძინა ივანიშვილის ქონებაც, რომელიც "ბლუმბერგის“ მილიარდერთა რეიტინგში საქართველოდან ერთადერთია.

კერძოდ, 30 აპრილის მდგომარეობით ივანიშვილის ქონება 5.20 მლრდ დოლარად იყო შეფასებული; 7 მაისის მონაცემებით კი - 5.17
მლრდ დოლარია. შესაბამისად, ბოლო 1 კვირის განმავლობაში მისი ქონება 30 მლნ დოლარით არის შემცირებული.

აღსანიშნავია, რომ მილიარდერების ინდექსის თანახმად, ივანიშვილის ქონება ყველაზე მაღალი - 2013 წელს იყო, როცა 6.40 მლრდ აშშ დოლარს შეადგენ
და.

გამოცემას ბიზნესმენთან დაკავშირებით მცირე ინფორმაციაც აქვს დატანილი, სადაც ივანიშვილის ბიზნეს საქმიანობის დაწყებისა და პოლიტიკური კარიერის მოკლე ისტორიაა ასახული.

"ივანიშვილმა კარიერა პოსტ-საბჭოთა რუსეთში 1990-იან წლებში რკინის მადნის მოპოვებაში, ბანკებსა და უძრავ ქონებაში ფულის ჩადებით დაიწყო. თავისი აქტივების უმეტესობა 2003-2006 წლებში გაყიდა, დანარჩენი ნაწილი გაიყიდა საქართველოში პრემიერ-მინისტრად არჩევამდე 2012 წელს. ერთი წლის შემდეგ კი ის თანამდებობიდან გადადგა,“ - იუწყება გამოცემა.

ცნობისთვის, Bloomberg-ის მილიარდერების ინდექსი მსოფლიოს ყველაზე მდიდარი ადამიანების ყოველდღიური რეიტინგია. Bloomberg-ის მილიარდერთა სიაში სულ 500 მილიარდერია.





მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები
როგორ შეაფასებთ მთავრობის გადაწყვეტილებას იპოთეკური სესხების პროცენტის სუბსიდირების შესახებ?
თქვენი აზრი მნიშვნელოვანია!
როგორ შეაფასებთ მთავრობის გადაწყვეტილებას იპოთეკური სესხების პროცენტის სუბსიდირების შესახებ?
თვის კითხვადი სტატიები