"საქართველოში ემიგრანტებს უფრო მეტი ფული შემოაქვთ, ვიდრე უცხოელ ინვესტორებს"
"საქართველოში ემიგრანტებს უფრო მეტი ფული შემოაქვთ, ვიდრე უცხოელ ინვესტორებს"
ბოლო რამდენიმე წელია, რაც საქართველოში ფულადი გზავნილების მოცულობას აღმავალი ტენდენცია აქვს.

უცხოეთიდან გადმორიცხვების რეკორდული მაჩვენებელი გასულ წელს დაფიქსირდა - 1,886 მლრდ აშშ დოლარი. მოსალოდნელია, რომ ეს მაჩვენებელი მაღალი იქნება მიმდინარე წელსაც, რადგან 7 თვის განმავლობაში ქვეყანაში ემიგრანტებმა უკვე 1,291 მლრდ აშშ დოლარი გამოგვიგზავნეს.

ის ფაქტი, რომ ფულადი გზავნილების მაჩვენებელი მაღალი ტემპით იზრდება, იმაზე მიგვანიშნებს, რომ მოსახლეობა პერსპექტივას არა საქართველოში, არამედ სხვა ქვეყანაში ეძებს, მათ შორ
ის, შემოსავლების თვალსაზრისითაც.

აქ ყველაზე საინტერესო ის გარემოებაც არის, რომ უკანასკნელი 4 წლის განმავლობაში ემიგრანტებს უფრო მეტი უცხოური ვალუტა შემოაქვთ საქართველოში, ვიდრე ამას უცხოელი ინვესტორები აკეთებენ. 2018 წელს ქვეყანაში ჯამში 1,317 მლრდ აშშ დოლარის უცხოური ინვესტიცია შემოვიდა. ამავე პერიოდში ფულადი გზავნილების მოცულობამ 1,580 მლრდ დოლარი შეადგინა. 2019 წელს უცხოური ინვესტიციების მოცულობამ
1,336 მლრდ დოლარი შეადგინა, მაშინ როცა ფულადი გზავნილები 1,933 მლრდ დოლარი იყო.

უკვე 2020 წელს, პანდემიის პირობებში ინვესტიციების შემოდინების მოცულობამ რადიკალურად იკლო და 572 მლნ დოლარი შეადგინა და ეს მაშინ, როცა ფულადი გზავნილები რეკორდულ ნიშნულამდე გაიზარდა და 1,886 მლრდ დოლარი შეადგინა. ვითარება არც მიმდინარე წელს შეცვლილა. 2021 წლის პირველ კვარტალში საქართველოში 132,2 მლნ დოლარის ინვესტიცია შემოვიდა, იმავე პერიოდში ფულადი გზავნილების მოცულობა კი 499 მლნ დოლარი იყო.

ცხადია, საქართველოს მსგავს პატარა და ღია ტიპის ეკონომიკისთვის უცხოური ინვესტიციები დიდ და მნიშვნელოვან როლს თამაშობს. ჯანსაღი ინვესტიციები ხელს უწყობს წარმოების წახალისებას, რაც იწვევს დასაქმების ზრდასა და უმუშევრობის შემცირებას. განაგრძეთ კითხვა "ბიზნესპრესნიუსზე"
Gio
16 სექტემბერი 2021 04:24
თუ კარგი სიღმისეული ანალიზს გავაკეთებთ მივხვდებით ემიგრანტების რომ ემიგრანტების ძარცვავენ. სავალიუტო და სხვა ფინანსური მანიპულაციებით. ამიტომ იყო სააკაშვილის პერიოდში ლარი თითქმის დოლარის თანასწორი და ამიტომ არის დღეს კურსი სამჯერ მეტი.
ალექს
30 აგვისტო 2021 03:36
მინიმუმ 30 მილიარდიანი ინვესტიციის რესურსი იყო ემიგრაციაში , თითოსაგან 100 დოლარი თვეში , მეტი კი არა , 30 წელში ? ამდენი , დიახ, აქ რომ საფონდო ბირჟა და კანონით დაცული გარემო იყოს, ემიგრაცია იყიდიდა ობლიგაციებსა და აქციებს საპარტნიპორო ფონდის მსაგვსისა, აი როგორც ამერიკული ოპიკია (ოპეკი კი არა, ოპიკი, ოპიკი !) და ავაშენებდით ინდუსტრიულ , ასევე საცხოვრებელ ინფრასტრუქტურას, ტურისტულსაც (არაა ყველა სეგმენტი განივითარებული , არის თავისუფალი ნიშები, დაფარულია მავანის მიერ , რომელსაც კარგად ხედავთ-გაყიოდის უცხოელზე , მოვა ,მალე და იტყვის თან მაიტათ კიდევ თანამდებობა, ინვესტიცია მოვიზიდეო !)და დივიდენდებსაც მივიღებდით , ახლა აქეთ რომ აგზავნიან , იქით გავუგზავნიდით , რომ იქ უკეთ ესწავლათ ქვეყნის მართვა , რათა ეს წითელი სალახანები დროზე ჩავანაცვლოთ დასავლეთიდან დაბრუნებულებით !

რუბრიკის სხვა სიახლეები