ველოსიპედით "აწყობილი" კარიერა და სააკაშვილისგან "დაჩმორებული" ბუში, ანუ "კორკოტამ" და ბრეგაძემ უნდა "გაათავისუფლონ" საქართველო?
ველოსიპედით "აწყობილი" კარიერა და სააკაშვილისგან "დაჩმორებული" ბუში, ანუ "კორკოტამ" და ბრეგაძემ უნდა "გაათავისუფლონ" საქართველო?
წინა კვირა ქართული საზოგადოებისთვის განსაკუთრებით "საინტერესო" აღმოჩნდა. ყველაფერი თბილისის მერიის "შტატიანი თუ უშტატო" თანამშრომლის, ოთო აბესაძის ქრთამის აღების ფაქტზე დაკავებით დაიწყო. შემდეგ "ესტაფეტა" ნაცნობმა და "საყვარელმა" მიხეილ სააკაშვილმა გადაიბარა და რამდენიმე "ოდიოზური" განცხადებით "გაგვაკვირვა". ეს ყველაფერი კი "ახალი ეროვნულ-გამათავისუფლებელი მოძრაობის" - იგივე "ქართველთა მარშის" ჩატარებით დასრულდა.

ნება მომეცით ოთო აბესაძეთი დავიწყო. ამ ამბავზე იმდენი დაიწერა, იმდენი ვარაუდი და მოსაზრება გამოითქვა, რომ რაიმე ახლის დამატება გამიჭირდება. საწყენია ახალგაზრდა ადამიანი წარმატებულ კარიერას ამ
You must have Flash Player installed in order to see this player.
გზით რომ ასრულებს. ვერ ვიტყვი ნამდვილად დამნაშავე გახლავთ თუ სხვადასხვა გარემოებების მსხვერპლი. ერთია, ზრდასრულ პიროვნებას, რომელსაც ამ ცხოვრებაში ყველაფერი აწყობილი აქვს, მსგავსი ინციდენტის თავიდან აცილება უნდა შეეძლოს.

ფაქტი ერთი, თუნდაც პროვოკაცია იყოს, ადამიანმა ქრთამი აიღო და ის დასასჯელია. ჩემი ყუ
რადღება კი მისი ერთი ადრინდელი ინტერვიუს ფრაგმენტმა მიიპყრო.
"2012 წლის ერთ საღამოს, ველოსიპედით ვსეირნობდი, როდესაც ქუჩაში გიორგი მარგველაშვილს შევხვდი - ის ძაღლს ასეირნებდა. ერთმანეთს გამოველაპარაკეთ, პოლიტიკური შეხედულებები გავცვალეთ, ცოტა ხანში კი, 23 წლის ასაკში, მის მრჩევლად დამნიშნა".

საქართველოში ტოტალური უმუშევრობაა და სამსახურის მოძიება რა იოლი ყოფილა: ველოსიპედის ქონა, ძაღლიანი მაღალჩინოსნის მოძებნა და საღამოს საათებში ჩასაფრება. ნეტავი მართლა ასე იოლად წყდებოდეს დასაქმების პრობლემები. უახლოეს დღეებში აბესაძის "გამოცდილების" პრაქტიკაში განხორციელებას შევუდგები. მართალია ველოსიპედი არ მაქვს,
სამაგიეროდ ძაღლი მყავს და ოთხფეხა მეგობრების "გამსეირნებელი" მაღალჩინოსნების ვინაობა და მათი ყოველდღიური მარშრუტის დადგენაღა მესაჭიროება.

აბესაძეს საკუთარი პრობლემები მოძალებია და ჩვენც სააკაშვილზე გადავიდეთ. "თავის დროზე ბუშს ხმა ავუწიე და ტელეფონში ვუყვირეო" - განაცხადა "რუსთავი 2"-ის გადაცემაში "არჩევანი" დიდმა მიხეილმა. იქვე თბილისის ყოფილ მერს გიგი უგულავასაც "მიწვდა" – "სანამ გიგი უგულავამ დედა არ შემაგინა, ციხიდან არ გამოუშვეს".

მეორე დღეს უგულავამ "მიშიკოს" ხურდა დაუბრუნა - "გულწრფელად ვწუხვარ დეგრადაციის მასშტაბებს რომ ვუყურებ. მან ძალიან
კარგად იცის სიმართლეც და ისიც, რომ ამ წვრილმან ცილისწამებაში არ ავყვები", – წერს უგულავა.

სამწუხაროდ ჯორჯ ბუში - უმცროსი საქართველოდან შორს იმყოფება და სააკაშვილის "რუსთავი 2"-თან ჩაწერილი ინტერვიუ ალბათ არ მოუსმენია, წინააღმდეგ შემთხვევაში ხმას ამოიღებდა და "სიმართლესა თუ ცილისწამებას" უპასუხოდ არ დატოვებდა. სამაგიეროდ ამაზე ქართულ სოციალურ ქსელებში იზრუნეს და "ჯორჯ ბუშის პასუხმა" დღის სინათლე უკვე იხილა.
"მე თავი დამანებეთ, ერთი პენსიონერი კაცი ვარ, ბოლო-ბოლო, პრეზიდენტი ვიყავი ვეებერთელა ქვეყნისა. დგას ეხლა ეგ თქვენი მასხარა და ბოდიალობს რაღაცებსა… თუ ვაპატიო, უმცროსი ბუში არ ვიყო!" - ეს არის ამ "პასუხიდან" ამოღებული ერთი პატარა ციტატა.
სააკაშვილზე მეტს აღარ შევჩერდები. უბრალოდ მივყვეთ დროის დინებას და დაველოდოთ უახლოეს დღეებში რა ახალ "მარგალიტს" შემოგვთავაზებს.

რამდენიმე დღის წინ თბილისში დაანონსებული "ქართველთა მარში" ჩატარდა. იყო შიში, რომ მსვლელობა ქალაქში გარკვეულ დესტაბილიზაციას გამოიწვევდა. საბედნიეროდ ინციდენტებს ავცდით და მიტინგი-მანიფესტაცია "მშვიდობით" დასრულდა.
რასაკვირველია აღმაშენებელზე უცხოელთა მომრავლება გულზე არ მახატია, მაგრამ ვფიქრობ, რომ ეს პრობლემა მიტინგებით არ გადაწყდება.

პირველ რიგში პასუხი უნდა მოეთხოვოს იმ სტრუქტურებს, რომლებმაც ამდენი არაბისა თუ თურქის ასეთ "მომრავლება - გამრავლებას" ხელი შეუწყო. ამ სიტუაციას მკაცრად დარეგულირება სჭირდება და პასუხისმგებლობა მერიას, ხელისუფლებას და საკანონმდებლო ორგანოს, პარლამენტს ეკისრება. უშუალოდ აღმაშენებელზე რამდენიმე ათასი ადამიანის ჩატარება და ქსენოფობიური ლოზუნგების წამოყენება ამ აქციის ხელმძღვანელების მიერ პოპულისტური ნაბიჯების გადადგმა მგონია.

მიტინგზე ისიც ითქვა, რომ "ახალი ეროვნულ-განმათავისუფლებელი მოძრაობა" იბადებოდა. მაპატიეთ, მაგრამ ქაქუცა ჩოლოყაშვილიდან დაწყებული დღემდე მუდმივად "ეროვნულ-განმათავისუფლებელ მოძრაობას" ვაწარმოებთ. ეს თემა მუდმივია და დარწმუნებული ვარ, საქართველოში არასოდეს ჩაკვდება. კი მაგრამ, გია კორკოტაშვილმა და სანდრო ბრეგაძემ უნდა "გაათავისუფლონ" საქართველო? ვისგან, რისგან? უცხოელების მოძალება მსოფლიოს ნებისმიერი ქვეყნის პრობლემაა და მას საქართველოზე უფრო განვითარებულ ქვეყნებშიც ვერ ერევიან.

"ქართველთა მარშის" ორგანიზატორებიდან ერთი განცხადებაც მენიშნა. რომ აცხადებს ბატონი სანდრო ბრეგაძე, 1992 წლის შემდეგ ამ სახის "უანგარო და მხოლოდ იდეისადმი გამოსული ხალხი" პირველად დაფიქსირდაო, მეხსიერება ხომ არ ღალატობს. 1992 წლის შემდეგ თბილისში არაერთი მიტინგია გამართული, გაცილებით ხალხმრავალიც. თავადაც არაერთხელ ვესწრებოდი და გარწმუნებთ, მონაწილეთა ასი პროცენტი იქ მართლაც რომ უანგაროდ და იდეის ერთგულებისთვის იმყოფებოდა.

მიმაჩნია, რომ ამ სახის მსვლელობა - მიტინგების ჩატარება ჩვენს ქვეყანას ევროპასა და მსოფლიოში შავ პიარს აუგორებს. პრობლემა მოგვარებადია, საჭიროა საიმიგრაციო კანონის მართლა გამკაცრება. ამისთვის პირველ რიგში, პასუხი შესაბამის სტრუქტურებს უნდა მოვთხოვოთ და არა აღმაშენებელზე უკვე "დაბანაკებულ" სხვადასხვა ჯურისა და წარმომავლობის მქონე უცხოელებს. მიტინგებით ქვეყანა არავის აუშენებია და მეეჭვება მომავალში რაიმე შეიცვალოს.

ბლოგში გამოთქმული მოსაზრებები ეკუთვნის ბლოგერს, რომელსაც შესაძლოა რედაქცია არ ეთანხმებოდეს
მკითხველის კომენტარი (12)
lia
18 ივლისი 2017 11:43
და რამდენი ასეთი ყავს ნეტავ მრჩევლად დანიშნული მარგველაშვილს??? რა დამსახურებისათვის???? მეგობრის შვილი იქნებოდა - თავისი, თავისი მეუღლის მეგობრის, ან თავისი შვილის მეგობარი.. გამოელაპარაკა და 23 წლის ბიჭი ქუჩიდან მრჩევლად დანიშნა... ახლა თუ გრძნობს პასუხისმგებლობას ამ ქუჩიდან მიყვანილი ბიჭის უღირსი საქციელის გამო???? და რას ნიშნავს, პროვოცირება გაუკეთეს???? რა, ამ დროს უნდა აეღო ქრთამი???? მეცოდება, ახალგაზრდა კაცმა დაიღუპა ცხოვრება, მაგრამ იქნეს ეს მათი დამსახურებაცაა, ვინც მას კარიერის დაუმსახურებლად აწყობაში დაეხმარა???
marTla qarTveli
18 ივლისი 2017 10:59
მართალია ავთო, რას ერჩით ბუშს უყვირა და მაგიტომ ტრამპის ინაუგურაციაზე არ შეუშვეს, საშიშია ახლა ტრამპი არ შეგვიშინოსო
mmm
18 ივლისი 2017 10:54
ნაცქოცებო დროზე დაჭამეთ რა ერთმანეთი იქნებ რამე გვეშველოს მერე. ისე ჩემი აზრით თურქები ცოტა ჭკუაზე თუ არ მოვიდნენ მაგათი აქ გაჩერება უკვე აუტანელი ხდება, დავფიქრდეთ ამაზე.
giorgi
18 ივლისი 2017 09:37
კორკოტა თუ ქართველი. აჟკაცის სახეა მაშინ კოსტავა ვინღაა? კორნოტა ერთი გაუნათლებელი დუქნის მუსიკოსია გაუგებარი მენტალიტეტით, რომელიც 25 წლის ანგელოზივით გოგოს გაუპატიურებით ემუქრება, ჩვენ გვყავდა მართლა ვაჟკაცი ლიდერები და ეს ხალხს ახსოვს, სამწუხარო ისაა რომ დღეს არცერთ მხარეს სიმართლე არაა, ლიბერალიზმი რომელსაც სოროსისტები ქადაგებენ ნა.დვილი ლიბერალიზმისგან დიამეტრალურად განსხვავდება, მათ კიდე კგბ ს მიერ შეკრული კამანდა კორჯოტას მეთაურობით უპირისპირდება, აქ სიმართლეს ვერავინ დაინახავს იმიტომ რომ არ არის.
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
რუბრიკის სხვა სიახლეები
დღის კითხვადი სტატიები