16 მეთოდი, როგორ "გავთხოვდეთ" წარმატებით ქართველ ვაჟკაცზე
16 მეთოდი, როგორ "გავთხოვდეთ" წარმატებით ქართველ ვაჟკაცზე
როგორ მოვხიბლოთ "ქართველი ვაჟკაცი", ამისთვის რამდენიმე საფეხური არსებობს:

  1. უნდა აწვალოთ, ახვეწნინოთ, სანამ პაემანზე დათანხმდებით - ღირსეულმა ქალმა თავის ფასი უნდა იცოდეს და კაცი ცოტა აწვალოს, პირველივე პაემანზე რომ ხელს გადაგახვევინებს, ის ცოლობის ღირსი აღარ არის, "პასტაიანკობა" კიდევ "მოჟნა"…
  2. როცა რესტორანში წაგიყვანენ და ქაბაბს შეუკვეთავენ, მოკბიჩეთ ძალიან პატარა ლუკმა, ნაზად, მთლიანად არ გადაიგდოთ. დანა-ჩანგალი არაა საჭირო, დააკომპლექსებთ.
  3. დააყაროთ ქოქოლა, როცა პლეხანოვზე არაბი ან თურქი ჩაგივლით და თქვათ, რომ თქვენი ცხოვრების მეგზურად მხოლოდ ქართველი
    ვაჟკაცი წარმოგიდგენიათ და ერის "გადაჯიშება" ძალიან გაშფოთებთ.
  4. გადაიწეროთ პირჯვარი ყველგან, სადაც ეკლესიას დალანდავთ, სამება რამდენჯერაც გამოჩნდება იმდენჯერ, მიწაზე ორი ხის ტოტი თუ ჯვრის კომბინაციას ქმნის - მაგაზეც გადაიწერეთ!
  5. როცა ჩავლილ უკრაინელ გოგონას დორბლიან მზერას გააყოლებს, სხვათა შორის თქვით, რომ კაცი კაცია, გართობა შეიძლება, მთავარია ბოლოს ცოლთან დაბრუნდეს.
  6. გააკრიტიკეთ
    რესტორანში მოტანილი საკვები და თქვით, რომ თქვენ ასჯერ უკეთესად ამზადებთ.
  7. ბავშვის დანახვაზე ამოიოხრეთ და გაანდეთ, რომ ბევრ შვილზე ოცნებობთ და მთელი დღე სახლში ჯდომაზე და მათ გაზრდაზე.
  8. როცა ვინმე უცხოელს ნახავთ, გაგახსენდეთ, რომ ემიგრაციაში სიამოვნებით წახვალთ, ოღონდ თქვენს ქმარ-შვილს არ გაუჭირდეს.
  9. წუხილი გამოთქვით, როგორი ბნელია ქართველი ერი, ბატონი კორკოტას და ბატონი სანდრო ბრეგაძის ამაგს რომ არ აფასებენ.
  10. თქვით, რომ გიჟდებით ბატონი გივი სიხარულიძის გამოსვლებზე, ბესო ჩუბინიძის "ფეისბუკპოსტებზე" და ნანახი გაქვთ ქეთი დოლიძის "კუკარაჩა", ცოტა გრიშა ონიანიც შეაქეთ.
  11. დაგმეთ ეს დამპალი ფემინისტები, ასი წელი არ გჭირდებათ მაგათი დაცვა! "ელჭიპიტებიც" დაწყევლეთ და ხეზე სამჯერ დააკაკუნეთ, ღმერთმა რომ გაშოროთ ასი მეტრის რადიუსში!
  12. არ მოწიოთ, უცენზურო სიტყვაც არ წამოგცდეთ, ემანდ მანდილი არ წაგებილწოთ.
  13. საათს დახედეთ და თქვით, რომ უკვე ბნელდება და სახლში უნდა წახვიდეთ, რადგან მამა და ძმა ძაან მკაცრად გეპყრობიან და თქვენც გიყვართ მამაკაცისგან სიმკაცრე.
  14. არავითარ შემთხვევაში არ "მისცეთ" ქორწლამდე, კოცნითაც "მპუათი" აკოცეთ, ენა არ შეაყოფინოთ!
  15. წაშალეთ "ფეისბუკიდან" დეკოლტიან-მოკლე კაბიანი და სხვა ბიჭებთან გადაღებული ფოტოები, ნუ, მოგვიანებით თავად ბიჭების წაშლაც მოგიწევთ, შეეგუეთ ბედს…
  16. საერთო მეგობრის სახლში თუ მოხვდებით, დასარეცხ ჭურჭელს ეცით და დააწკრიალეთ!

თუ ამ ყველაფერს წარმატებით გაართმევთ თავს, გილოცავთ, თქვენ ცალი ფეხი უკვე ქორწინებაში გაქვთ. ისღა დაგრჩენიათ, აღიდგინოთ აპკი კუზანოვთან და დაელოდოთ პირველ ღამეს.

მამენტ, კი "გათხოვდებით", მაგრამ ნეტა რა ჯანდაბად გინდათ ასეთი ოჯახი? ჰოდა, დაიკიდეთ და დაიწყეთ/განაგრძეთ თავისუფალი და ბედნიერი ცხოვრება, ან დაელოდეთ და ოჯახი მხოლოდ ჭეშმარიტ, პროგრესულ, საუკეთესო და ყოვლად ღირსეულ ბიჭთან შექმენით... :) :) :)

იხილეთ ასევე: 12 მეთოდი - როგორ გავხდეთ "ცნობადები" ერთ კვირაში

ბლოგში გამოთქმული მოსაზრებები ეკუთვნის ბლოგერს, რომელსაც შესაძლოა რედაქცია არ ეთანხმებოდეს

გურამ შეროზიას ბლოგი
მკითხველის კომენტარი (24)
guram Serozias
29 მარტი 2018 14:53
აი რა აზრებს აჩენს გადაჭარბებული ონანიზმი...
გოგონა
29 მარტი 2018 14:49
მიდი გურამ არ დანებდე ))))) მიაწექი და იქნებ გაზაფხულიც მოიყვანო სუპერ გურამა )))))
giorgi
29 მარტი 2018 13:19
ამ შეროზიამ რას გადაგვაყოლა თავის კომპლექსებს?
mmm
29 მარტი 2018 12:16
ხოო აბა? ამ ყველაფერს რომ ზედმიწევნით შეასრულებთ, თუ პირში ცუდი სუნი არ გაქვთ, ქართველი ვაჟკაცი აუცილებლად დაქორწინდება თქვენზე, მაგრამ 1 თვეში უკანა გზაზე მოგიწევთ ბილეთის აღება, რადგან ამ ყველაფერს ვერ შეასრულებთ.
რედაქციის ადმინისტრაციას!
29 მარტი 2018 11:22
თუ ასეთი თავხედური სტატიების გამოქვეყნებას არ თაკილობთ, კეთილი ინებეთ და კომენტარებიც გამოაქვეყნეთ, ნუ ბლოკავთ!
lolo
29 მარტი 2018 11:15
აუუუუ რა მაგრად აკაჩავებ შეროზია
შეროზიას
29 მარტი 2018 11:04
ეჰ გურამ, გურამ! სადამდე მიჰყავს კაცი გადაჭარბებულ ონანიზმს!!!
!!!
29 მარტი 2018 10:51
თქვენ თვითონ თუ კითხულობთ იმას რასაც წერთ?! ... შთაბეჭდილება დამრჩა, რომ სერიოზული პრობლემები გაქვთ, თქვენ არავის სცემთ პატივს, ალბათ არც საკუთარ თავს!
შეროზიას .....
29 მარტი 2018 10:51
მასე შენი ოჯახის წევრები "დაარიგე" (ვითომ ჭკვიანო) .....
erihaa
29 მარტი 2018 10:47
სულ გაუბერავს. არც არის გასაკვირი, რაც მე მის შეგონებებს ვკითხულობ, მაგრა მეცოდება, ეს რა წრეეში ტრიალებს? ან სად პოულობს ეგეთ ქალებს, ან სად შეკრიბა ეგეთი წრე.

რუბრიკის სხვა სიახლეები
თქვენი აზრით, აქვს თუ არა მამუკა ხაზარაძის მიერ დაანონსებულ პოლიტიკურ მოძრაობას წარმატების შანსი?
თქვენი აზრი მნიშვნელოვანია!
თქვენი აზრით, აქვს თუ არა მამუკა ხაზარაძის მიერ დაანონსებულ პოლიტიკურ მოძრაობას წარმატების შანსი?