რას მიაკვლია კოსმოსურმა თანამგზავრმა ეგვიპტეში
რას მიაკვლია კოსმოსურმა თანამგზავრმა ეგვიპტეში
ინფრაწითელმა ფოტოებმა, რომელიც ამერიკელმა მეცნიერებმა კოსმოსური თანამგზავრის დახმარებით გადაიღეს, აქამდე უცნობი 17 ეგვიპტური პირამიდა დააფიქსირა. 

ინფრაწითელი გადაღება კოსმოსიდან მნიშვნელოვანია იმით, რომ მიწის ქვეშ დამალული ობიექტების იდენტიფიცირების საშუალებას იძლევა.
კოსმოსიდან ეგვიპტის ტერიტორიის ამ მეთოდით გადაღებისას მეცნიერებმა ათასამდე სამარხსა და სამი ათასამდე უძველეს დასახლებას მიაკვლიეს.
"კოსმოსური აღმოჩენის" ადგილზე მუშაობა არქეოლოგებმა უკვე დაიწყეს.

წინასწარი მონაცემებით, დადასტურდა ორი, აქამდე უცნობი პირამიდის მიგნება.
"ახალაღმოჩენილი პირამიდის გათხრა ყველა არქეოლოგის ოცნებაა", - ამბობს კვლევის ავტორი, შტატ ალაბამის
ბირმინჰემის უნივერსიტეტის თანამშრომელი სარა პარკაკი.

მეცნიერი აღიარებს, რომ გაოცებულია იმ შედეგებით, რომლებიც ინფრაწითელი გადაღებების შედეგად მიიღეს.
"ინტენსიური გამოკვლევები ერთი წლის განმავლობაში მიმდინარეობდა. ინფორმაციის შემოსვლას გამუდმებით ვადევნებდი თვალს, მაგრამ დადგა დრო, როცა მივხვდი, რამდენად მდიდარი იყო მასალა, რომელიც მოვიპოვეთ. დაჯერება მიჭირდა, რომ ეგვიპტეში ამდენ ახალ ობიექტს
მივაკვლიეთ", - ამბობს არქეოლოგი.

ამერიკელმა მეცნიერებმა შეისწავლეს ფოტოები, რომელიც თანამგზავრმა 700 კილომეტრის სიმაღლიდან გადაიღო. კამერები, რომელიც ამისთვის გამოიყენეს, იმდენად ძლიერია, რომ დედამიწის ზედაპირზე ყველა იმ ობიექტის იდენტიფიცირებაც კი შეუძლიათ, რომელთა დიამეტრი ერთ მეტრზე ნაკლებია.
ამას გარდა, ინფრაწითელი გადაღება გამოიყენეს იმისთვის, რომ მიწის ზედაპირის ქვეშ მყოფი სხვადასხვა მასალის გარჩევაც ყოფილიყო შესაძლებელი.

მომზადებულია BBC-ის მასალების მიხედვით
ისტორიულ-შემეცნებითი ჟურნალი ”ისტორიანი”
Warning!
04 მაისი 2012 17:29
ოდესმე დროის მანქანა თუ გამოიგონეს, აუცილებლად ვიმოგზაურებ ძველ ეგვიპტეში.
an
02 მაისი 2012 19:29
koko
გააკეტე მერე, ეგე საქარტველო და ეგე შენ!
საქარტველოში მეტია აღმოსაჩენი
koko
02 მაისი 2012 10:49
მეც მინდა მონაწილეობა :))))))))) ბავშვობიდან ვოცნებობდი არქეოლოგიაზე და რაღაც ვერ გამოვიდა,ისე როგორც მინდოდა;((((( მეც მინდა მსოფლიო აღმოჩენების გაკეთებაააა :)))))

რუბრიკის სხვა სიახლეები
თქვენი აზრით, დაახლოებით რა თანხაა საკმარისი ორი კვირის განმავლობაში  საქართველოს კურორტებზე  ერთი ადამიანის სრულფასოვანი დასვენებისთვის?
თქვენი აზრი მნიშვნელოვანია!
თქვენი აზრით, დაახლოებით რა თანხაა საკმარისი ორი კვირის განმავლობაში საქართველოს კურორტებზე ერთი ადამიანის სრულფასოვანი დასვენებისთვის?
თვის კითხვადი სტატიები