ვინ იყო ვარდენ ღვანკითელი, ვინც აკაკისთან გაპაექრებას ბედავდა
ვინ იყო ვარდენ ღვანკითელი, ვინც აკაკისთან გაპაექრებას ბედავდა
მე-20 საუკუნის დასაწყისში ქართულ ლიტერატურულ და თეატრალურ წრეებში კარგად იყო ცნობილი ვარდენ ღვანკითელის სახელი. პროფესიით რკინიგზელი იყო - ამიერკავკასიის რკინიგზაზე გამყოლად მუშაობდა, თუმცა, მისი მოწოდება პოეზია და თეატრი იყო. წერდა ლექსებს "ღვანკითელის" ფსევდონიმით,  გვარად კი ყიფიანი იყო.
ვარდენ ღვანკითელმა განსაკუთრებული პოპულარობა აკაკისთან გაპაექრებით მოიპოვა.

"შენ საჩხერის არწივი  ხარ,
მე - ღვანკითის შევარდენი,
შენც პოეტი, მეც პოეტი,
შენ აკაკი, მე ვარდენი", - ასეთი ლექსი უძღვნა ვარდენმა აკაკის და აკაკი რის აკაკი
იქნებოდა, რომ არ ეპასუხა:

"წერე, წერე, ჩემო ვარდენ,
მტერს დაასე ისარიო,
თუ მწერალი არ გამოხვალ,
წერას მაინც ისწავლიო".

როგორც ჩანს, აკაკის ალღომ არ უმტყუნა - ვარდენი პოეტი მართლაც ვერ გახდა და ამ ერთი სახალისო ეპიზოდით შემორჩა ლიტერატურის ისტორიას.

ვარდენ ღვანკითელზე კიდევ ერთი ისტორიაა ცნობილი, რომელიც,
ზემოხსენებული ამბისგან განსხვავებით, არ არის სახალისო, სამაგიეროდ, ამ ადამიანის იშვიათ სიმამაცესა და დიდსულოვნებაზე  მეტყველებს.

წითელი არმიის მიერ საქართველოს ოკუპაციის შემდეგ სრულიად საქართველოს კათოლიკოს-პატრიარქმა ამბროსიმ (ხელაიამ) 1922 წლის 7 თებერვალს მიმართვა გაუგზავნა გენუის სამშვიდობო კონფერენციას. ქართველი ერის სულიერი მამა საქართველოდან საოკუპაციო ჯარის გაყვანას მოითხოვდა. უწმინდესს იმედი ჰქონდა, რომ საერთაშორისო საზოგადოება არ უგულებელყოფდა "პატარა საქართველოს ელემენტარულ მოთხოვნილებას" და დაიხსნიდა მას "ძალმომრეობის და სამარცხვინო მონობის კლანჭებიდან". მიმართვას შედეგად ის მოჰყვა, რომ გაცოფებულმა ჩეკისტებმა საქართველოს კათოლიკოს-პატრიარქი დააპატიმრეს და სახალხო გასამართლებაც  მოუწყვეს.  მისი მაგინებლებიც მოიძებნენ, მაგრამ ყველაფერი ერთი ადამიანის გამოსვლამ "გააფუჭა". სიტყვა მუშაკ-მწერალმა (როგორც მაშინ უწოდებდნენ) ვარდენ ღვანკითელმა ითხოვა. მისცეს ნებართვა. იგი ტრიბუნის ნაცვლად განცალკევებით მჯდომი პატრიარქისკენ წავიდა, მიუახლოვდა, დაიჩოქა და მთელი ერის სახელით შენდობა სთხოვა.
ღვანკითელი სასწრაფოდ გააშორეს იქაურობას.

ლადო გოგუაძე
მკითხველის კომენტარი (13)
ლალი
13 თებერვალი 2019 22:09
სადაური ყიფიანი იყო ეს ღირსეული ადამიანი?
დავითი
26 ოქტომბერი 2017 16:45
ყოჩაღ ვარდენს, ასე ვაჟკაცურად მოქცევა კომუნისტების დროს სიკვდილთან თამაში იყო. აკაკი ცნობილი იყო თავისი ენამწარობით, და ცხადია ღვანკითელ თვითგამოცხადებულ პოეტს თავი არ გაუტოლა. ეს ვარდენი პოეტი ვერა მაგრამ კაი კაცი გამოსულა.
zura
15 აგვისტო 2016 08:43
ბებიასგან გამიგონია რომ ვარდენ ყიფიანი კარგი (ცნობილი) თამადა ყოფილა
პეტრე კუპრი
19 თებერვალი 2016 14:42
პედროს - რა წყაროებიტ ამტკიცებ, რომ აკაკი ილიაზე ცუდს ლაპარაკობდა? პირიქით, ილია და აკაკი უახლოესი მეგობრები იყვნენ! უდიდესი პატივისცემლები ერთმანეთისა. ილია წერდა: შენ ერთადერთი აკაკი ხარ! ხოლო აკაკის გამოსათხოვარი სიტყვა იყო: ნუ მიწამლავთ მოხუცს გრძნობას! ასე, რომ არასწორია, თითქოს აკაკი ილიაზე ცუდს ამბობდა. ის მაინც არ გაგიგია, რა უპასუხა სომეხს, რომელიც იჩემებდა ილიას დედა სომეხი იყოო, აკაკიმ უთხრა: დედაშენიც და მამაშენიც სომხები არიან და შენ რატომ ილიაზე უკეთესი არ ხარო? ილია და აკაკი იყვნენ საქართველოს მამა და უგვირგვინო მეფეები!
ზურაბი ბარბაქაძე.
31 იანვარი 2016 23:03
ვარდენ ყიფიანის ნათესავს, ბატონ ყიფიანს. თუ მართლა აქვს „მარგალიტები“ ლექსებს ვგულისხმობ ან პროზას, გადმომიგზავნე ან გამოაქვეყნე!...
...
30 იანვარი 2016 14:48
varden kipiani chemi didi babua iyo,anu didi bebiis minadora yifianis dzma. varden yifiani rom didi girsebis mamulishvili iyo am ert epizodshiz chans. raz sheexeba mis poetobas,dagi namdvili "margalitebi" alvs datovebuli da tu moisurveb gadmogigzavni.visaz ar gejerebat kitcet keti yipians...
პედრო
30 იანვარი 2016 12:15
რთხელ ილიას ეკითხებიან:
რატომ არის რომ აკაკი შენზე სულ ცუდს ლაპარაკობს შენ კი მასზე სულ კარგს ამბობ?
ილიამ უპასუხა: სამწუხაროდ ორივე ვცდებით!
daji
13 ნოემბერი 2015 09:18
Akaki,rom enakvimati,iyo es saqveynod cnobili faqtia....
დოდო
27 სექტემბერი 2015 18:39
კაცური კაცი ყოფილა
shota
27 სექტემბერი 2015 14:32
ხანდახან აკაკისაც უყვარდა ხუმრობა.

რუბრიკის სხვა სიახლეები
საერთო ჯამში როგორ შეაფასებთ 2019 წელს საქართველოსთვის?
თქვენი აზრი მნიშვნელოვანია!
საერთო ჯამში როგორ შეაფასებთ 2019 წელს საქართველოსთვის?