"შენ წახვედი და ყველაფერი შენთვის დაიტოვე, მე კი ყველაფერი შენში მყვარებია", - რეზო თაბაუკაშვილის წერილი მედეა ჯაფარიძეს
22-11-2015
"შენ წახვედი და ყველაფერი შენთვის დაიტოვე, მე კი ყველაფერი შენში მყვარებია", - რეზო თაბაუკაშვილის წერილი მედეა ჯაფარიძეს
მათი სიყვარულის ისტორიაზე არაერთხელ დაწერილია, ამბობენ, რომ რეზო თაბუკაშვილი უმშვენიერეს მედეა ჯაფარიძეს აღმერთებდა. ამჯერად გთავაზობთ ბატონი რეზოს წერილს, რომელსაც საყვარელ მეუღლეს სწერს:

,,ჩემო მედიკო!

კი არ მაგონდები, მელანდები, რამდენიმეჯერ გამოვეკიდე კიდეც უცნობებს. გელოდები ქუჩებში, მეტროსთან, შენს სტუდიასთან და დარწმუნებული ვიყავი, რომ უნდა მეპოვნე. შემოვიარე ის ადგილები, სადაც მე და შენ ხშირად დავდიოდით და გვიყვარდა. ყველაფერი დამხვდა ძველებურად, ისევ ის ქუჩები, ის სახლები, თითქოს ვიტრინებშიაც არაფერი შეცვლილა და ვგრძნობდი მაინც, რომ
აღარ იყო აღარც ის ქუჩები, აღარც ის სახეები, აღარც ის სახლები. შენ წახვედი და ყველაფერი შენთვის დაიტოვე. მე კი ეს ყველაფერი შენში მყვარებია, საშინელებაა ცარიელ ქალაქში ცხოვრება, ისეთი გრძნობაა, თითქოს გადმოგაგდეს გაქანებული ვაგონიდან, მატარებელი კი ღამეში დაიკარგა
. მომაგონდები და მეკუმშება გული, თითქოს ტვინსაც ფოლადის თითებში
სრესენ, აუტანელი, მტკივნეული გრძნობა მეუფლება, მე კი ამისთვის არ ვყოფილვარ მზად, რას არ მივცემდი, ერთი წუთით რომ შემახედა შენთვის, დამაკოცნია შენი პატარა ხელები, რა ვქნა, ჩემო ,,ტაიტი'', ავადმყოფურად მყვარებიხარ თურმე.''

(იხილეთ ასევე: მედეა ჯაფარიძე და რეზო თაბუკაშვილი - წყვილი, რომელიც ასხივებდა...)
lia cankashvili
24 ნოემბერი 2016 13:25
Hventvis usayvarleso dauviwyaro media shen saqartvelos margaliti xar gmertma natelshi amyofos tqveni suiebi saqartvelos saamayo adamianebo
lia cankashvili
24 ნოემბერი 2016 13:24
Hventvis usayvarleso dauviwyaro media shen saqartvelos margaliti xar gmertma natelshi amyofos tqveni suiebi saqartvelos saamayo adamianebo
5555
31 აგვისტო 2016 21:08
საოცრად ლამაზი წყვილი!!ნათელში გამყოფოთ უფალმა!! საქართველოს საამაყო ადამიანები!!ულამაზესები და უჭკვიანესები!თქვენ არ დაგივიწყებთ ქართველობა-- არასოდეს!!

რედაქტორის რჩევით
რუბრიკის სხვა სიახლეები