"მამაჩემი დამხვრეტდა იმის გამო, რაც გავაკეთე" - რას იხსენებდა სტალინის ქალიშვილი მამაზე?
"მამაჩემი დამხვრეტდა იმის გამო, რაც გავაკეთე" - რას იხსენებდა სტალინის ქალიშვილი მამაზე?
ფოტო:სტალინი სვეტლანასთან ერთად

ერთ-ერთმა ამერიკულმა გამოცემამ იოსებ სტალინის ქალიშვილის, სვეტლანას ისტორია გამოაქვეყნა, რომელშიც ბელადის ქალიშვილი მამას იხსენებდა. როგორც სტატიაში ვკითხულობთ, იოსებ სტალინის შვილმა სვეტლანამ, სიცოცხლის ბოლო წლებში, უარი თქვა მატერიალიზმზე და კათოლიკე გახდა. ერთხელ სვეტლანას National Review-ს რედაქტორისთვის ისიც კი უთქვამს, ამისთვის მამაჩემი დამხვრეტდაო.

თავად სტალინი, როგორც ყველასთვის ცნობილია, მართლმადიდებლური ეკლესიის წესების მიხედვით იზრდებოდა. მომავალი ბელადის მშობლებს სურდათ, რომ მათი ვაჟი მღვდელი გამხდარიყო. სტალინს ერთხელ თავადვე უთქვამს საკუთარი ბავშვობის შესახებ, რომ "იზრდებოდა
ღარიბი მორწმუნეების ოჯახში". მეტიც, ის განათლების მისაღებად გორის სასულიერო სემინარიაში შევიდა, რომელიც 1894 წელს დაამთავრა და სწავლა თბილისის მართლმადიდებლურ სასულიერო სემინარიაში გააგრძელა. თუმცა ერთხელაც ის მივიდა დასკვნამდე: "იცით, ისინი ჩვენ გვატყუებენ... სინამდვილეში, ღმერთი არ არსებობს. ყველა ეს საუბარი ღმერთის შესახებ სისულელეა" .

უცხოური გამოცემის თანახმად,
სტალინი ყველაფერს აკეთებდა იმისთვის, რომ დაემხო ქრისტიანობა. ის ხურავდა ეკლესიებს, ქრისტიანებს კი სხვადასხვა ხერხით სჯიდა, ზოგს ასახლებდა, ზოგს მისი ბრძანებით კლავდნენ კიდეც. ეს იყო მმართველი, რომელმაც თქვა: "ერთის სიკვდილი - ტრაგედიაა, მილიონის სიკვდილი - სტატისტიკა".

სვეტლანამ ერთხელ მამაზე დაწერა: "დღეს ბევრისთვის უფრო მარტივია, სტალინზე იფიქროს, როგორც ფიზიკურად მოძალადე ურჩხულზე, მაგრამ სინამდვილეში, ის იყო სულიერი და მენტალური ურჩხული, რაც გაცილებით უფრო შემაძრწუნებელია".

როგორც ცნობილია, სტალინმა ხელისუფლებაში ყოფნის პერიოდში დაისახა "ათეიზმის 5-წლიანი გეგმა". სწორედ ამ გეგმის განხორციელებისას, 1937-38 წლებში 168 300 საბჭოთა მართლმადიდებელი სასულიერო პირი დააკავეს, რომელთა უმეტესი ნაწილი დახვრიტეს.


მიუხედავად მკაცრი ხასიათისა, სტალინს სვეტლანა ძალიან უყვარდა და ქალიშვილისთვის ძალიან მოსიყვარულე მამაც იყო. თავის მხრივ გოგონაც აღმერთებდა მამას და როგორც პატარა გოგონების უმეტესობას, მასაც მამა გმირი ეგონა. როცა სვეტლანა დაიბადა, 1926 წელს, სტალინი უკვე იყო კომუნისტური პარტიის გენერალური მდივანი, შესაბამისად, მის ირგვლივ, სტალინზე ყველა დიდი პატივისცემით ლაპარაკობდა. მოგვიანებით სვეტლანამ გაანალიზა, რომ სტალინის შესახებ უარყოფით საუბარს ჩურჩულითაც კი ვერ გაბედავდნენ.

სვეტლანა დედაზე საუბრისას, იხსენებდა, რომ ნადეჟდა ალილუევა, მამისგან განსხვავებით, მის მიმართ ძალიან ცივი იყო. ამბობდა, რომ არ შეუძლია გაიხსენოს მომენტი, როცა დედა ეფერებოდა ან თბილად ექცეოდა, რაც პატარა გოგონას ძალიან აკვირვებდა. 1932 წელს, როცა სვეტლანა 6 წლის იყო, ნადეჟდამ სიცოცხლე თვითმკვლელობით დაასრულა, თუმცა ოფიციალურად ამბობდნენ, რომ ის ჯანმრთელობის პრობლემების გამო გარდაიცვალა. ეს ყველაფერი პატარა გოგონასთვის სრულიად გაუგებარი იყო, მაგრამ მამასთან ურთიერთობა ამის გამო არ გაფუჭებია.

რამდენიმე წლის შემდეგ გოგონას ეჭვები გაუჩნდა, რომ ყველაფერი ისე იდეალურად არ იყო, როგორც მას ეჩვენებოდა. სკოლაში მისულს კლასელები ხშირად სთხოვდნენ წერილი მამისთვის გადაეცა, რადგან მათი მშობლები სახელმწიფოს გადაწყვეტილებით გადაასახლეს ან დააკავეს. რატომღაც, საზოგადოების უმეტესი ნაწილი ფიქრობდა, რომ სტალინმა ქვეყანაში მიმდინარე რეპრესიების შესახებ არაფერი იცოდა და თუ ბელადი ამას გაიგებდა, ყველაფერი მოგვარდებოდა. ბავშვები, რომელთა მშობლები რეპრესიის შედეგად გადაასახლეს, სვეტლანას დახმარებით ცდილობდნენ ხმა მიეწვდინათ სტალინისთვის და ასე გაეგოთ მშობლების ბედი. ერთხელ სტალინმა მკაცრად გააფრთხილა გოგონა, რომ ნუ იქნებოდა სხვების "ფოსტალიონი". გარკვეული დროის შემდეგ, როცა გოგონას ახლო ნათესავებიც უგზო-უკვლოდ გაქრნენ, სვეტლანას ბელადმა უპასუხა, ისინი დახვრიტეს, რადგან: "მათ ზედმეტად ბევრი ინფორმაცია ჰქონდათ და ბევრს ყბედობდნენ".


როგორც ბელადის შვილი იხსენებდა, მაშინ, როცა სვეტლანას პირველად მოეწონა ბიჭი, მამამ ის სვეტლანასთვის შეუფერებლად ჩათვალა და გულაგში გაგზავნა. უნივერსიტეტში ჩაბარების შემდეგ, როცა გოგონამ გადაწყვიტა ებრაელ ბიჭზე გათხოვება, სტალინმა განუცხადა, რომ "რაც უნდოდა, ის გაეკეთებინა", მაგრამ მის სახლში ფეხს ვერ შედგამდა. სვეტლანას პირველი მეუღლისგან ვაჟი გაუჩნდა, მათი ქორწინება მალე დასრულდა. მეორედ სვეტლანა კრემლის ერთ-ერთი მაღალჩინოსნის ვაჟს მისთხოვდა, რაც სტალინს მოეწონა, თუმცა მათი ქორწინებაც მალევე დასრულდა.

1953 წლის მარტში დიდი ბელადი გარდაიცვალა და ეს იყო ტრაგედია მთელი საბჭოთა კავშირისთვის, "მამა მძიმე და საშინელი სიკვდილით გარდაიცვალა",- იხსენებდა სვეტლანა, რომელიც ბელადის ავადმყოფობისას, მუდმივად მის გვერდით იყო.

"სასიკვდილო აგონია შემზარავი სანახავი იყო. ჩვენი თვალით ვხედავდით, როგორც იხრჩობოდა. ბოლო წუთებში მან უეცრად გაახილა თვალები და ყველას გადმოგვხედა. მისი შემზარავი გამოხედვა სავსე იყო სიბრაზით და სიკვდილის შიშით, შემდეგ უეცრად მარცხენა ხელი აწია, ჟესტი გაუგებარი იყო, თუმცა მუქარა მაინც ჩანდა", - იხსენებს ბელადის სიცოცხლის ბოლო წუთებს სვეტლანა.

მამის გარდაცვალებიდან რამდენიმე წლის შემდეგ, სვეტლანამ გვარი შეიცვალა და დედის გვარზე გადავიდა, ის სვეტლანა ალილუევა გახდა. მან მოახერხა და მიიღო კრემლის ნებართვა დაეტოვებინა საბჭოთა კავშირი, სხვადასხვა ქვეყანაში მოგზაურობის შემდეგ კი ამერიკაში დასახლდა.

ამერიკაში სვეტლანამ რამდენიმე წიგნი გამოსცა, რომელიც ბესტსელერიც გახდა. რამდენიმე წლის შემდეგ, ბელადის შვილი ღრმად გაეცნო კათოლიციზმს ამერიკაში მცხოვრები მისიონერის დახმარებით და კათოლიკე გახდა. როგორც სვეტლანა ამბობდა, მის ქმედებას სტალინი არ მოიწონებდა და ამის გამო შეიძლება დაეხვრიტა კიდეც. (წყარო)


თარგმნა ეკა გადახაბაძემ

მკითხველის კომენტარი (11)
მედეა
18 სექტემბერი 2019 19:02
სამხრეთ ოსეთი რომ არ იყო საქართველოში--ხომ იცოდა სტალინმა, რატომ შექმნა ის? უდიდესი სტრატეგი იყო და დიდი პიროვნება,რომ იტყვიან ა ვ ---კ ა რ გ ი ა ნ ი !
zaza
17 სექტემბერი 2019 02:08
კომენტარები მაოცებს.კიდე სტალინს რომ მისტირიან.
კობა
10 სექტემბერი 2019 07:01
ვინც როგორ გინდათ ისე მოიხსენიეთ მე ვიცი ერთი და ნაღდი ეს კაცი იყო "გ ე ნ ი ა" და შექმნა ისტორია 100წელი დედამიწა ასეთ პიროვნებას ვერ მოესწრება ვარ1973 იანი და 20კაპიკიანი ბენზინი და ნაყინი მახსოვს თქვენ უკეთესი დამანახეთ და ჯუღაშვილი მერე ვაძაგოთ "ყბედებო"
Nik
07 სექტემბერი 2019 10:08
ზა სტალინა!
სტსტია - ფასიფიკატორულია!
07 სექტემბერი 2019 07:13
სტალინის დროს გაიხსნა სასულიერო სემინარიები და აკადემიაც, აღსდგა ღვთისმსახურება! სამღვდელოებას ლევ (ლეიბა) ტროცკი (ბრონშტეინი), ლენინი (ბლანკი) და მისი ჟიდო-მასონური ხროვა სდევნიდა, რომლებთანაც ბრძოლას მმართველობის 30 წლიდან პირველი 5-10 წელი შეალია სტალინმა! ღვთიურ სასწაულად მოიხსენიება მოსკოვის თავზე ყაზანის ღვთისმშობლის ხატის თვითმფრინავ "კუკურუზნიკით" შემოტარების შემდეგ ფაშისტური ძალების უკუქცევა და გერმანელების მიერ სუპერფორტიფიცირებული კენიგსბერგის (კალინინგრადის) თავზე ღვთისმშობლის გამოჩენის შემდეგ ქალაქის საბჭოთა ჯარების შედარებით მცირე დანაკარგებით აღებაც. სვეტლანა ალილუევას აშშ-ში ერთი ბწკარიც არ დაუწერია, მის "მემუარულ" ლიტერატურას "ცეერუ" ბეჭდავდა!
დღეს კი ამგვარი სტატიების პუბლიკაცია სულ ცოტა ისტორიის გაყალბება და ადამიანურად, მორიგი ქართული სირცხვილია! რას ჩავჩიჩინებთ მომავალ თაობას?
xvadagi
06 სექტემბერი 2019 22:07
სტალინი, ისტორიული დზლიერი პიროვნება 21 საუკუნის განმავლობასი.
ai
06 სექტემბერი 2019 21:10
აქ ყველაფერი ტყუილი გიწერიათ. სტალინი თუ ელიგიას დევნიდა როფორ არდგა საქართველოში გაგანია მეორე მსოფლიო ომის დროს . ავტოკეფალია,
ნიკა
06 სექტემბერი 2019 16:21
სტალინის ნაირი პრეზიდენტი ახლა მაგრად გვაწყობდა არასიმდიდრის მოყვარული, სამშობლოს პატრიოტი ნამდვილად გმირი იყო, მე მჯერა,რომ (შედარება შეიძლება უადგილოა) ახლანდელი პრემიერი (გახარია) თავისი ახალი კაბინეტით შეძლებს საქართველოში გააუმჯობესოს ცხოვრების დონე, მხოლოდ უნდა აცალონ და ხელი არ უნდა შეუშალონ. წინ გახარია!!!! ღარიბაშვილო, მინისტრებო. ღმერთმა შეგიწყოთ ხელი ყველა კარგ, ხალხისთვის კეთილდღეობის საქმეში.
გელა
06 სექტემბერი 2019 16:16
წაიკითხეთ მისი უწმინდესის პატრიარქ ილიას მოგონებები და მიხვდებით,რომ ეს სტატია მტკნარი სიცრუეა (ბოლომდე არც წავიკითხე) სტალინი ნამდვილი მართლმადიდებელი და მორწმუნე იყო,მის დროს მოხდა ეკლესიების დარბევების აკრძალვა და ა.შ. რაც შეეხება ლოთ და გარეწარ სვეტლანას ჩანაწერებს (თუ მართლა მისი ჩანაწერებია) ეს სრული სიცრუეა და ცეერუს ნაკარნახევია.
მამუკა
06 სექტემბერი 2019 15:37
უმადური,ნაძირალა ერია ჩვენი ერთმორწმუნე მეზობელი,სტალინის ქანდაკება ყველა რუს ოჯახში საპატიო ადგილს უნდა იკავებდეს.მე როგორც ქართველს სტალინი მძულს,იმიტომ,რომ დღეს რაც გვჭირს მეტ წილად მისი დამსახურებაა.

რუბრიკის სხვა სიახლეები
დღის კითხვადი სტატიები
თვის კითხვადი სტატიები