"ადგა და, ავტომატის ჯერი მიუშვა"
30-06-2014
"ადგა და, ავტომატის ჯერი მიუშვა"
მეგობრისგან სასიკვდილოდ განწირული 24 წლის  ნიკოლოზ ნატროშვილი სიკვდილს ებრძვის - კიკეთში მეგობარმა ავტომატის ჯერი დაახალა და მიიმალა. ის იყო, თვითმხილველებმა სასწრაფო დახმარება გამოიძახეს, რომ გზაზე მანქანა შენიშნეს და დახმარება ითხოვეს. მძღოლმა დაჭრილი მაშინვე თავის მანქანაში გადაიყვანა და თბილისისკენ დიდი სიჩქარით დაიძრა. წყნეთის გზაზე სასწრაფო დახმარების ბრიგადა შემოხვდათ და დაჭრილი მანქანაში გადაიყვანეს. როგორც ექიმები ამბობენ, რომ არა ოპერატიულობა, შესაძლოა, ნიკა დაღუპულიყო. ბიჭს ორი ოპერაცია უკვე ჩაუტარდა და კიდევ ერთი დასჭირდება.

საავადმყოფოს
საზოგადოებასთან ურთიერთობის სამსახურის უფროსი ნატა ხურციძე: "ნიკოლოზ ნატროშვილი უმძიმეს შოკურ მდგომარეობაში მოიყვანეს - ჭრილობებით მუცლის არეში, ერთი ჭრილობა ბარძაყის მიდამოშიც ჰქონდა, ნაწლავები გამოყრილი. ყველაფერს ვაკეთებთ, რომ სიცოცხლე შევუნარჩუნოთ".
რა გახდა მეგობრებს შორის კონფლიქტის მიზეზი, ამაზე არავინ საუბრობს. ძალოვანებისა და ახლობლებისთვის ცნობილია დამნაშავის ვინაობა, მას ეძებენ...

მარიამ ბეჟიაშვილი, ნიკა ნატროშვილის მეუღლე:
- ეს უბედურება ნიკუშას მეგობრის, გიორგი მგალობლიშვილის ეზოში მოხდა. ერთ-ერთი მეგობრის ცოლს შეურაცხყოფა მიაყენეს და ამის გამო შელაპარაკდნენ. ბიჭები შოკში არიან, ვერაფრით ივიწყებენ, როგორ ეჭირათ ხელში ნიკუშას ნაწლავები. ვინც დაჭრა, ნიკუშა მასთანაც მეგობრობდა, ერთმანეთი ცოტა ხნის წინ გაიცნეს. ვიცი, რომ 20 წლის არის, საბურთალოზე ცხოვრობს, ნასამართლევი არასდროს ყოფილა...

P. S. ჯერჯერობით ძალოვანები ამ საქმეზე კომენტარს არ აკეთებენ. გამოძიება გრძელდება.

თეა ხურცილავა


sopo
12 ივლისი 2014 22:00
ნეტა რა შეურაწყოფა მიაყენეს მეგობრის ცოლს , რომ ესე გაიმეტეს ...
ano
07 ივლისი 2014 11:40
რა ვერა დაიჭირეს რა ელ კაპონეა? ყველაფერი იციან და რა გახდა ასეტი
__________________
04 ივლისი 2014 11:43
მიდით რაც შეიძლება მეტად ჩაერთეთ პოლიტიკაში და ჩვენივე ძმები შევიზიზღოთ და ვხოცოთ ....
საზიზრობააა და ძალიან მინდა სიკვდილით დასჯა შემოიღონ!!! მაგ ბიჭის ცოლს და კიდევ ბევრ ადამიანს ვინც სამარეში ახლობელი უდევს იმას კიტხეტ როგორი ასატანია :@
მაინც ამდენი მკვლელობები ხდება ...

რედაქტორის რჩევით
რუბრიკის სხვა სიახლეები