"საუკუნის ძარცვა": თბილისის ყოფილი პროკურორი დუმილს არღვევს (ექსკლუზივი)
"საუკუნის ძარცვა": თბილისის ყოფილი პროკურორი დუმილს არღვევს (ექსკლუზივი)
რა ჯენტლმენური შეთანხმება შედგა სამართალდამცავებსა და "კანონიერ ქურდს" შორის

ჩვენი რესპონდენტი თბილისის ყოფილი პროკურორი ვალერი გრიგალაშვილი­ გახლავთ. ის დღეს დუმილს არღვევს და გვიამბობს, როგორ დაუბრუნდა 40 მილიონად შეფასებული ლუკას კრანახის "მაჭანკალი" სახელმწიფოს. 10 წელზე მეტხანს ვერ მიაკვლიეს გატაცებულ ნახ­ატს სამართალდამცავებმა, ერთ დღეს კი გავრცელდა ინფორმაცია, რომ ნახატი ქუჩაში იპოვეს.

- "მაჭან­კლის" გატაცება მუზეუმიდან XX საუკუნის ყველ­აზე მასშტაბურ ძარცვად შეფ­ასდა. 90-იან წლებში­ ბევრი ნამუშევარი დაიკა­რგა საგამოფენო დარბაზებიდან, "მაჭანკალი" კი ხელოვნების მუზეუმიდან
გაიტაცეს. მერე უცნაურად აღმოაჩინეს - ვიღაცამ­ ქუჩაში დატოვა 40-მილიონიანი ნახატი.

- 1994 წლის 28-29 ივლისის ღამეს, დაახლოებით ღამის 2 საათზე, ცეცხლსასროლი იარაღით შეიარაღებულმა ხუთმა ბოროტმოქმედმა მუზეუმის მცველი სამი პოლ­ი­ციელი განაიარაღა და მუზეუმიდან სამი სურათი გაიტაცა, მათ შორის - 40 მილ­იონად შეფასებული გერმანელი მხატვრის, ლუკას კრანახის
"მაჭანკალი".

საქართველოში არსებული ყველაზე ძვირად ღირებული შედევრის გატაცება კრიმინალური სამყაროს ერთგვარ გამოწვევას ჰგავდა. თუმცა, ამას ვერაფრით უპასუხეს სამართალდამცავებმა. მაშინ თბილი­სში სრული ქაოსი იყო. შეიარაღებული­ ბანდ­ფორმირებები ქალაქში­ დათარეშობდნენ. მართალია, მაშინ სახელმწიფოს პირველმა პირებმა ხელოვნების მუზეუმის დაყაჩაღების ფაქტი პირად კონტროლზე აიყვანეს, მაგრამ საქმე ვერ გაიხსნა და გატაცებული სურათების ადგი­ლსამყოფელიც ვერ დადგინდა.

- 10 წლის შემდეგ, თქვენი პროკურორობის დროს იპოვეს ეს ნახატი...
- 2004 წლის 10 მაისს სამსახურში ვიყავი. მოვიდა მოქალაქე და მითხრა, რომ ჩემი ნახვა­ სურდა გავლენიან "კანონიერ ქურდს", გოგი ჩიქოვანს, რომელიც იმხანად­ გულიკო ჩაფიძის კლინიკაში იწვა მძიმე მდგ­ომარეობაში. უარი განვაცხადე გოგი ჩიქოვანის მონახულებაზე და შევთავაზე, რომ ჩემს დაქვემდებარებაში მყოფი პროკურორი მოინახულებდა კრიმინალურ ავტორიტეტს. არა, მას მხოლოდ თქვენთან სურს საუბარი სახელმწიფოებრივად ძალიან მნიშვნელოვან თემაზეო...

- და "კანონიერ ქურდს" მიაკითხეთ?
- ჩაფიძის კლინიკაში საღამოს მივედი. გოგი ჩიქოვანი რეანიმაციაში იწვა, ეს იყო პროფესორის იერის მქონე, ხანში შესული კაცი. ვერავინ იფიქრებდა, რომ "კანონიერი ქურდი" იყო. დიდხანს ვისაუბრეთ. ჭკვიანი მოსაუბრე გამოდგა. მადლობა გადამიხადა შეწუხებისთვის და დასძინა, გენდობი და ვიცი, კარგ საქმეს, რომლის გაკეთებასაც ვაპირებ, ჩემს წინააღმდეგ არ გამოიყენებ.­ არ დამაბრალებთ იმ დანაშაულს, რაც მე არ ჩამიდენიაო. მერე ხელით ანიშნა მომვლელ ქალს და ის ოთახიდან გავიდა. შეწუხებულმა მითხრა, ამ ხნის კაცი ვარ, ცხოვრებაში ბევრი რამ მინახავს, მაგრამ ასეთი პოლიციელები­ თუ არსებობდნენ, არ ვიცოდი. ვერაზე ვცხოვრობ, კერძო სახლში, სახლს გალავანი­ აქვს. დავინახე, ნიღბიანი შეიარაღებული ხალხი როგორ გადმოხტა გალავანზე. სანამ კარს გავაღებდი, შემომიმტვრიეს. გაზიდეს ყველაფერი, თუ რამე ძვირფასეულობა მქონდა. ნერვიულობის გამო ინფარქტით აქ მომათავსესო. შევთავაზე, მომხდარის შესახებ განც­ხადებით მოემართა ან შევადგენდი ოქმს და ხელმოწერით დაეფიქსირებინა თავისი­ პოზიცია, რაც საფუძველი გახდებოდა სისხლის სამართლის საქმის აღძვ­რისა. უარი თქვა: მე სხვა ცხოვრებით ვიცხოვრე და ჩემს ცხოვრებას ვერ გადავხაზავო. ბოლოს მთხოვა, დავხმარ­ებოდი იმ ნივთების დაბრუნებაში, რაც მისთვის ძალიან ძვირფასი იყო. ეს იყო ბეჭედი­ და ჯვარი. მას შემდეგ, რაც ამ ნივთებს დამიბრუნებთ,­ მე ჩაგაბარებთ "მაჭანკალს". ის სახელმწიფოს საკუთრება იყო და უნდა დაუბრუნდეს მუზეუმსო. ასევე მთხოვა ერთი ახალგაზრდისთვის პატიმრობის შეცვლა არასაპატიმრო აღკვეთის ღონისძიებით.

- ანუ "მაჭანკლის" დაბრუნების სანაცვლოდ პატიმარი უნდა გაგეთავისუფლებინათ?

- კარგად ვიცოდი, რა მნიშვნელ­ობა ჰქონდა ნახატს, ამიტომ არა მხოლოდ დავთანხმდი მის წინადადებას, არამედ შევპ­ირდი, რომ სურათის დაბრუნების  შემთხვე­ვაში ქურდობის მცდელობისთვის დაპატი­მრებულ ახალგაზრდას შევ­უწყვეტდით სისხლის სამართლის საქმეს. ასეთ სიტუაციაში გამოიყენება საპროცესო შეთანხმება, თუმცა, საპროცესო შეთანხმების ინსტიტუტი ჩვენს კანონმდებლობაში 2004 წლის ივნისიდან შემოვიდა. ამიტომაც ჩვენ შორის შედგა წმინდა ჯენტლმენური შეთანხმება. კრიმინალური ავტორიტეტისთვის მიცემული სიტყვა პირნათლად შევასრულე - ის პირი გავათავისუფლეთ... პოლიციას კი მოვთხოვე,­ დაებრუნებინათ­ ის ნივთები, ალბათ, დაუბრუნეს. ფაქტია, გოგი ჩიქოვანი კმაყოფილი­ იყო და მეორე დღეს, ანუ 2004 წლის 11 მაისს პოლიციის სამმართველოს სამორიგეო ნაწილში შევიდა უცნობი მოქალაქის სატელეფონო შეტყობინება, რომ "მაჭანკალი" იქნებოდა მტკვრის მარცხენა სანაპიროზე, ქორწინების სახლის წინ. 1994 წელს ყაჩაღური თავდასხმის შედეგად გატაცებული ნახატი ზუსტად 10 წლის შემდეგ დაუბრუნდა კანონიერ მფლობელს. მისი სახელმწიფოსთ­ვის­ დაბრუნება მხოლოდ გოგი ჩიქოვანის დამსახურებაა. მან თავისი კრიმინალური ავტორიტეტის გამოყენებით "მაჭანკალი" ქვეყანას დაუბრუნა.


გიორგი ჩიქოვანი: "ქურდი ბიზნესს არ უნდა ხელმძღვანელობდეს"

გიორგი ჩიქოვანი, მეტსახელად “გოგი,” ე.წ. კანონიერ ქურდად 70-იან წლებში აკურთხეს. მას რუსულ პრესაში რუსული მაფიის “ნათლიმამას” უწოდებდნენ, რადგან კრიმინალურ სამყაროში დაპირისპირებისას მთავარი მომრიგებელი იყო. გოგი”ე.წ. კანონიერი ქურდების, ასლან უსოიანისა და ტარიელ ონიანის შერიგებასაც ცდილობდა, თუმცა, უშედეგოდ. სააგენტო "პრაიმ კრაიმმა" 2008 წელს მასთან ინტერვიუ ჩაწერა: "ჩემს მაგალითზე გეტყვით, როგორ უნდა მოხდეს შერიგება. ჩემი უფროსი შვილის ცოლი აფხაზია, მაგრამ ის დღეს თბილისშია. ჩემი შვილი კი ქართველია და აფხაზებთან ომში დაიღუპა.  ადრე ასე იყო: დამწყები ქურდები ზოგჯერ შიმშილობდნენ. თუ არ მოიპარავ, საჭმელი არ გექნება. ქურდი მშიერი უნდა იყოს და ბიზნესს არ უნდა ხელმძღვანელობდეს. ყველა დაპირისპირება ფულის გამოა."
გოგი ჩიქოვანი 89 წლის ასაკში გარდაიცვალა.

კრანახის "მაჭანკალი"


აღორძინების ეპოქის გერმანელი ფერმწერისა და გრაფიკოსის, ლუკას კრანახი-უფროსის (1472-1553) შედევრი "მაჭანკალი" საქართველოში დიდი მთავრის, გიორგი რომანოვის წყალობით­ მოხვდა, 1920 წელს იგი კერძო კოლექციონერ ყორღანოვს ჰქონდა,­­ რომლისგანაც მხატვარსა და მეცენატს, დიმიტრი შევარდნაძეს შეუძენია და თავის "ცისფერ გალერეაში"­ მოუთავსებია.
1921 წელს ნახატი საქართველოს საგანძურის ნუსხაში მოხვდა და მენშევიკურმა მთავრობამ ემიგრაციაში წაიღო, სადაც ექვთიმე თაყაიშვილი ერთგულად იცავდა. "მაჭანკლის" ხელში ჩაგდებას ფაშისტებიც ცდილობდნენ, თუმცა, ამაოდ. 1946 წელს ქართულ საგანძურთან ერთად "მაჭანკალიც" დაუბ­რ­უნდა საქართველოს და 1994 წელს ხელოვნების მუზეუმში გამოფინეს.
ნახატი რამდენიმე ფიცრისაგან­ შეკრულ დაფაზეა შესრულებული. ახალგაზრდა მამაკაცი ფულით სავსე ქისას­ აწვდის დედაბერს, რათა იქვე მდგომი მშვენიერი ქალიშვილი­ ჩაიგდოს ხელში. შთამბეჭდავია მაჭანკლის სახე, რომლის ცბიერი გამომეტყველება მაგიურად მოქმედებს მნახველზე.
შარლ ბოდლერს უთქვამს: "რაც მინ­ახავს, მათ შორის ყველაზე იდუმ­ალი კრანახის "მაჭანკალია". თითქოს რაღაც ბედისწერას ვხედავ მასში. ამიტომაც ყოველთვის უბედურება მოაქვს მფლობელისთვის".

თეა ხურცილავა
მკითხველის კომენტარი (17)
Don bidzo
16 მაისი 2018 20:37
Rodesac rames wert faqtebi gadaamowmet. Samwuxaroa gogi nikolaevichis msgavsi rom agar darcha. Amdeni ubedureba agar iqneboda.90 shi vinc icit dametanxmebit, kategoriulad aukrdzala yvelas (mxedrionsac) bavshvebis moparva manipulireba onaxze da qalze dzaladoba. Qurdad 1970 kiara bevrad adre 1939 oficialurad,tore dabadebidan qurdebis papa iko a xonos upalma. Natelshi ikos misi suli
gavazeli
23 აპრილი 2015 18:26
aaa.
15 აპრილი 2015 05:59

შენ ხო კარგად ხარ?
aaa.
15 აპრილი 2015 05:59
აღორძინების ხანის ფერწერა და გრაფიკა დაწერილია იმდროინდელი გენიოსების მიერ.ამ ადამიანებმა კარგად იცოდნენ სამყაროს მმართველის ვინაობა.მის უკვდავსაყოფად და მომავალი თაობებისთვის გადასაცემად ქმნიდნენ საიდუმლოებით მოცულ ფერწერულ შედევრებს.

დღეს მკვლევარმა მეცნიერებმა ამოხსნეს ეს საიდუმლო,რომლის წაკითხვაც შესაძლებელია სარკის გამოყენებით.ამ გზით მიღებულ გამოსახულების ასლს გადაკეცავენ შუაზე ვერტიკალურად და გამოჩნდება რა საიდუმლოც არის ეს.

სწორედ ამიტომ, ძალიან ფრთხილად უნდა იყოს ადამიანი და ქვეყანა ამ ეპოქის შედევრული ფერწერის შეძენისას.ისინი დიდ უარყოფით აურას,უარყოფით ენერგეტიკას აფრქვევენ მნახველზე და ქვეყანაზე.
გაიტანეთ ეს შედევრები საქართველოდან შორს,გაყიდეთ მათზე ვინც ფულიანია და ფეხის ხმას არის აყოლილი,რომ შედევრი შეიძინა!
ჩვენკი ძალიან ფრთხილად ვიყოთ ყოველივე მსოფლიოში აღიარებული შედევრების მიმართ.
ზაზა სსსსსსსსსსს
14 აპრილი 2015 23:06
მაგ ამბავი ასე იყო...ერთ მშვენიერ დღეს ეახლა გენ პროკურორი კანონიაერ ქურდს და მოისმინა როგორ დაუნდობლად შეცვივდნენ საზიზღარი პოლიციელები ქურდის სახლში გაიტანეს ყველაფერი და შეწუხებულმა ქურდმა უთხრა დამიბრუნე ჩემი ქურდობით ნაშოვნი დოვლათი და ერთი სურათი მაქს აყუდებული ეგერ სხვეNში მაინც ვერ გავყიდე და შენ მოგცემო.მერე დანარჩენი სულ თვითონ დაგეგმა შეასხა ფრთები ინფორმაციას და რომ არა ლადო ბადაგაძის ხელის შეშლა კიდევ მეორე სურთსაც გამოაძრობდა აბააა!!
ასეთი პროკურორები გვყავდა ღონისძიებაზე პირველები მიდიოდენ იარაღიადნ ტყვიებს გამოყრიდენ და ისე ებაზრებოდნენ პრისტუპნიკებს.. კაროჩე ამ კაცთან სერიოზულ ვალშია სამშობლო...
10 წლის შემდეგ ძლივს არ გავიგეთ სიმართლე?!
1221
14 აპრილი 2015 22:41
"ის დღეს დუმილს არღვევს" ამ სტატიის წაკითხვის შემდეგ მიხვდებით რა დაბალი დონის და განათლების იყო ბატონი გენ პროკურორი.
საერთოდ ვინც საქმეს აკეთებს ის ასე არ ტრაბახობს ლ ა დ ო ბ ა დ ა გ ა ძ ე ამ საქმეზე დაჯილდოვების დროს სურათთან ახლოსაც ძლივს მივიდა იმდენი ხალხი იბრალებდა და მლიქვნელობდა თავის გამოსაჩენად, მაგრამ ფილმში ყველაფერი სწორადაა ნათქვამი.პროკურატურის როლი ამ საქმეში ისაა რომ საქმე არ გააფუჭოს და გამოძიება სწორად წარმართოს ვსიო!
გია
14 აპრილი 2015 18:43
იმჟამინდელმა პრეზიდენტმა (სახელს არ ვახსენებ) ლადო ბადაგაძეს, ამ ნახატის დაბრუნებისთვის ჯილდო როცა გადასცა, ასეთივე ჯილდო ვალერი გრიგალაშვილისთვის გაატანა თურმე, რადგან ამ უკანასკნელმა კაბინეტიდან გამოსვლა და პრეზიდენტთან მისვლა მოუცლელობის გამო ვერ მოახერხა, ძალიან დაკავებული ყოფილა თურმე, ძალიან, ნწუ-ნწუ.
არა, ერთი სიტყვით მაინც ეხსენებია ლადო კაცოოოო, გაგაგიჟებს ასეთი უნამუსობა
გია
14 აპრილი 2015 18:32
არ გაიჩალიჩა ამ გრიგალაშვილმა ლანძღვა?!
SASHINELI AURA AQVS
14 აპრილი 2015 14:01
ხო,ამ სურათს უბედურება მოაქვს, იყო უეცარი სიკვდილი,ოჯახებში,სადაც კი ეს სურათი ინახებოდა.... სიკვდილის კოდია ჩადებული ამ სურათში,ამიტომ უნდა ინახებოდეს მუზეუმში და არა სახლში....გუგლში დაწერეთ და ნახავთ....ტილოები,რომელთაც მეპატრონეთათვის უბედურება მოჰქონდათ....
გვეღადავება ეს ტიპი
14 აპრილი 2015 12:46
ანუ კანონი უფლებას არ აძლევდა და მხოლოდ ჯენლტმენური გარიგების გამო შეწყვიტა საქმე? ვის აბოლებს, სამართალმა ჯენლტმენური გარიგება შეთანხმება არ იცის და არც მოსულა, კიდევ რაღაც დაინტერესება გექნებოდათ თორემ ნაცები მხოლოდ კრანახის გამო მაგას არ იზავდით, დიდი დიდი 2-3 კაცს ცოდნოდა თქვენგან ვინ იყო და რა იყო კრანახი და მაჭანკალი
s .s .s. 21
14 აპრილი 2015 12:44
არაუშავს უარესებიც მომისმენია სხვის გახსნილ დანაშაულს როგორ იბრალებენ.პრკურორის "გახსნილი დაშაული" 24 წელია პოლიციაში ვმუშაობ სულ ოპერატიულში და ჯერ არ მსმენია.(გაფუჭებული უამრავი) ვინც ინფორმაცია მიიღო სული და გული ჩადო ამ საქმეში ის ნახსენებიც არ ყავს.ან რაში ჭირდება ლ ა დ ო ბ ა დ ა გ ა ძ ე ს. ეს პიროვნება ვერც ვერაფერს შემატებს და ვერც დააკლეებს მის ავტორიტეტს.მისი გაკეთებულ საქმეებზე ბევრმა კარიერა მოიწყო. სტატიაც კი ვერ დაწერა საინტერესო..

რუბრიკის სხვა სიახლეები
თქვენი აზრით,  მოაგვარებს თუ არა პრობლემას აზარტული თამაშების რეკლამის აკრძალვა?
თქვენი აზრი მნიშვნელოვანია!
თქვენი აზრით, მოაგვარებს თუ არა პრობლემას აზარტული თამაშების რეკლამის აკრძალვა?