შემაძრწუნებელი, ამაზრზენი და გაუხმაურებელი დანაშაული - სუსტი გულის პატრონები ნუ წაიკითხავთ!
შემაძრწუნებელი, ამაზრზენი და გაუხმაურებელი დანაშაული - სუსტი გულის პატრონები ნუ წაიკითხავთ!
"რას ვიფიქრებდი,  თუ ასეთი საშინელება ჰქონდა გაკეთებული. ჩემი მხეცი ქმარი მაშინვე დააკავეს"...

"თავი რომ ჩამო­ვ­იხრჩო, ვის დავუტოვო შვილიშვილი"


ეს საზარელი ამბავი რამდენიმე დღის წინ შევიტყვეთ. ფაქტის სიმძიმიდან გამომდინარე, არ ვასახელებთ არც დაზარალებულისა და არც ბრალდებულის ვინაობას.
პატარა გოგონას ბებიისა და დედის ინფორმაციით, 29 წლის ა. კ.-მ, რომელიც ერთ-ერთი ბანკის თანამშრომელი იყო, 28 აპრილს სამი წლის გერი გააუპატიურა.­ იმ დროს მისი მეუღლე პროდუქტების შესაძენად იყო წასული. დანაშაულის დასაფარავად მამინაცვალმა ბავშვი საწოლში
დააწვინა და მაღაზიიდან დაბრუნებულ მეუღლეს უთხრა, გოგონას ჩაეძინაო.

ა. კ. მეორე დღესვე დააკავეს. შს სამინისტროში ამ ფაქტს ადასტურებენ და ამბობენ, რომ საქმე 138-ე მუხლის მე-4 ნაწილის "გ" ქვეპუნქტით აღიძრა ("სექსუალური ხასიათის ძალმომრეობით მოქმედება, წინასწარ შეცნობით მცირეწლოვნის მიმართ"). ექსპერტიზამ ა. კ. შეურაცხადად ცნო და ახლა იგი
ხონის ფსიქიატრიულ საავადმყოფოში მკურნალობს...

ექსპერტიზა გოგონასაც ჩაუტარდა. დადასტურდა, რომ ბავშვი გაუპატიურებულია...


მომხდარის შესახებ  გოგონას დედა და ბებია გვესაუბრნენ:

მ. გ., ბავშვის ბებია: - "ჩემს შვილს ქმარი დაეღუპა, მისგან გოგონა დარჩა. მეორე მეუღლე ნუცუბიძეზე ცხოვრობდა და ბავშვთან ერთად მასთან გადავიდა. რას ვიფიქრებდით, თუ ასეთ საშინელებას ჩაიდენდა. ეტყობა, თავს გვაჩვენებდა, რომ ბავშვი­ უყვარდა. ეს არაკაცი ერთ-ერთი ბანკის­ თანამშრომელი იყო... თავი რომ ჩამო­ვ­იხრჩო, ვის დავუტოვო შვილიშვილი­ (მ.გ.-ს გარდაცვლილი ვაჟისგან 2 შვილ­იშვი­ლი დარჩა. ერთი დედის ოჯახში იზრდება, მეორეს ბებია ზრდის) და ჩემი ქალიშვილი პატარა გოგონათი... პოლიცია ამბობს,­ თქვენი სიძე ხონის­ ფსიქიატრიულშია გადაყვანილი, საქმე დაიხურაო. თუ შეშლილია, როგორ ამუშავებდნენ­ ბანკში?! მოვითხოვ იმ არაკაცის ციხეში გადაყვანას, მასთან ერთად­ დამნაშავეა ამ ავადმყოფის დედაც. ისიც მონაწილეობდა ჩემი ოჯახის გაუბედურებაში... ექიმებმა მითხრეს, ბავშვს­ ფსიქიკა შერყეული აქვსო. მისი ნახვის უფლება­ არ მოგვცეს, მინდობით აღზრდ­აშია გადაყვანილიო. ჩემს შვილს დედობის­ უფლება დრო­ებით შეეზღუდა. ძალიან მინდა, რომ ჩემი გაუბედურებული შვილიშვილი დედას დაუბრუნონ. მე დავუდგები ჩემს შვილს თავდებში და ბავშვს არაფერს მოვაკლებთ. 

29 წლის ა. კ.-მ და 26 წლის ვ. ქ.-მ ხუთი თვის წინ იქორწინეს. ქალისთვის ეს მეორე ქორწინება იყო, კაცისთვის კი, როგორც მეზობლები ამბობენ - მეხუთე.

ვ. ქ. გოგონას დედა: - ბოლო ორი თვე შეიცვალა,­ ჩხუბობდა, არ მოსწონდა ჩემი დალაგებული სახლი და გაკეთებული­ საჭმელი, მცემდა კიდეც, მაგრამ რას ვიფი­ქრებდი, თუ ასეთ საშინელებას ჩაიდენდა. იმ საზარელ დღეს მაღაზიაში გავედი. ბავშვი­ ოთახში თამაშობდა. დედამთილს ვთხოვე, ბავშვს­ მიხედე-მეთქი. მალე დავბრუნდი. მისაღებ ოთახში ბავშვი აღარ დამხვდა. მოვიკითხე. დედამთილმა მითხრა, დავაძინეთო. საძინებელში რომ შევედი, ბავშვი ოფლში ცურავდა, ძლივს სუნთქავდა. სიცხე გავუზომე,  39-მდე ჰქონდა. პამპერსის გამოცვლა დავაპირე... ბავშვი სისხლისგან იცლებოდა. დედამთილს და მეუღლეს მივვარდი, რა დაემართა ჩემს შვილს-მეთქი. იმათ - ალბათ, სათამაშო მოირტყაო... მაშინვე სასწრაფოში დავრეკე. მას პატრულიც მოჰყვა. ჩემმა ქმარმა პატ­რული რომ დაინახა, ცემა დამიწყო... ბავშვი­ იაშვილის კლინიკაში წავიყ­ვანეთ. არ უთქვამთ ექიმებს, რა სჭირდა... რას ვიფიქრებდი, ასეთი საშინელება თუ ჰქონდა ჩემს ქმარს გაკეთებ­ული. ბავშვი გვიან ღამით შინ წამოვიყვანეთ. მეორე დილით სოციალური მუშაკი მოვიდა პატრულთან ერთად­, - საავადმყოფოში უნდა გადავიყ­ვანოთო. ჩვენ სასამართლოში წაგვიყვანეს. ჩემი მხეცი ქმარი მაშინვე დააკავეს. აღიარებით ჩვენებაში ამბობს, პასტით მივაყენე დაზიანებებიო... არადა, გააუპატიურა, ბავშვზე ძალა იხმარა...

სოციალური მომსახურების სააგენტოში აცხადებენ, რომ ბავშვი მინდობით აღზრდაშია და მასთან ფსიქოლოგი მუშაობს. სანამ­ არ შეფასდება­ ის გარემო, სადაც­ მშობელი ითხოვს ბავშვის გაყვანას, გოგონა სახელმწიფო მზრუნველობის ქვეშ დარჩებაო. 

მარი წერეთელი, სოციალური მომსახურების სააგენტოს მეურვეობა-მზრუნველობისა და სოციალური პროგრამების დეპარტამენტის უფროსი:
- ბავშვთან სოციალური მუშაკი მუშაობს, ვცდილობთ, ფსიქო­ლოგიურად დავეხმაროთ, თუმცა ძალიან პატარაა. სამოქალაქო კოდექსის 1205 პრიმა მუხლით, თუ ბავშვი განთავსდება სახელმწიფო ზრუნვაში­ და იმყოფება 24-საათიან სააღმზრდელო დაწესებულებაში, მის მშობლებს­ მშობლის უფლება შეუჩერდებათ. ბავშვს რეაბილიტაცია სჭირდება. მიუხედავად იმისა, რომ 3 წლისაა, ახსოვს, რა მოხდა მის თავს...

ა. კ. ნუცუბიძეზე დედასთან ერთად­ ცხოვრობდა. ბანკში ამბობენ, რომ სამსახურში გამოუცხადებლობის გამო კარგა ხნის წინ გაათავისუფლეს (საწყობის გამგის ასისტენტი იყო). მეზობლების თქმით, შვილი დედას ხშირად სცემდა. იმასაც ამბობენ, რომ დედა-შვილს ფსიქიკური პრობლემები ჰქონდა და ამის გამო მათთან კონტაქტს ერიდებოდნენ.

მეზობელი: - 15 წელია, აქ ცხოვრობენ. ამ ბიჭს ფსიქიკ­ური პრობლემები ჰქონდა, რომელსაც მხოლოდ შინ ავლენდა. გარეთ ვერაფერს შეატყობდით. განსაკუთრებით გაზაფხულზე უმწვავდებოდა მდგომარეობა. პირველი­ ცოლი წელიწად-ნახევრის წინ მოიყვანა.­ ერთ დღეს გოგო ეზოში გამო­ვარდა კივი­ლით.­ ჩემი შვილი გავარდა და ა. კ.-ს ხელ­იდან გამოსტაცა საწყალი გოგო. ამის შემ­დეგ ბიჭმა­ აგვითვალწუნა... მერე მეორე ცოლიც მოიყვანა, მესამეც და მეოთხეც. ყოველ ორ თვეში ერთხელ ახალი­ ცოლი მოჰყავდა.  

- რა მოხდა იმ დღეს, იქნებ გაიხსენოთ?
- სტუმრებს ვაცილებდი. ეზოში სას­წრაფო დახმარების მანქანა დავინახე. ვიკითხე, ვისთან ხართ-მეთქი. სასწრაფოს ექიმი­ შოკში იყო, ვიღაცასთან კივილით რეკავდა, - ეს რა საშინელება ვნახეო... მისი კარის მეზობლები მდგმურები არიან. ამბობდნენ, - ბავშვის არაადამიანური კივილი ისმოდაო...  
28 აპრილის შემდეგ მათი ბინა დაკეტილია. როგორც მეზობლები ამბობენ, ბრალდებულის დედამ სახლი გაყიდა და საცხოვრებლად კერძო თავშესაფარში გადავიდა... 

ოჯახი სამლარიან ღამის გასათევში ცხოვრობს


პატარა გოგონას ოჯახის ტრაგედია ამ შემზარავი ფაქტით არ დაწყებულა. ბავშვის­ ბებიამ (მ.გ.) ტრაგიკული ცხოვ­რება განვლო. უკვე რამდენიმე თვეა ერთ-ერთ შვილიშვი­ლთან ერთად ისანში, სამლარიან ღამის გასათევში ცხოვრობს. ახლა მათ მ.გ.-ს ქალიშვილიც (ბავშვის დედა) მიემატა. მათი შემოსავალი სოციალური დახმარება­ და პენსიაა. ბებია-შვილიშვილი მოწყალების სათხოვნელად ქუჩაშიც ხშირად გადის...

მ.გ.: - მორგში ვმუშაობდი, ბალზამს ვაკეთებდი. მერე სასწრაფოშიც ვიმუშავე და მეტროშიც. 28 წლისას მეუღლე გარდამეცვალა. მისგან ორი შვილი დამრჩა... დედამთილ-მამამთილთან ერთად რუსთაველზე ვცხოვრობდით. მალე მამამთილიც გარდამეცვალა,­ დედამთილს კი დიაბეტი გაუჩნდა. ერთ დღეს მითხრა, იქნებ გათხოვდეო... რუსთაველზე ბინა გავყიდეთ და ვარკეთილში გადავედით. მერე მეორედ გავთხოვდი. ამასობაში დედამთილიც გარდამეცვალა. მე და ჩემი მეუღლე ჩერნობილში წავედით სამუშაოდ. მიცვალებულები გამოგვყავდა ტერიტორიიდან. რომ დავბრუნდით, საერთო შვილი შეგვეძინა­. რადიაციულ ზონაში მუშაობას ვაბრალებ, რომ ჩვენი­ შვილი კარგა ხანს ვერ დადიოდა, გონებრივადაც ჩამორჩენილი იყო და მხოლოდ ოთხი კლასი დაამთავრა... მერე მეორე მეუღლეს დავშორდი. სამი ბავშვი რომ მერჩინა, ერთდროულად რამდენიმე ადგილას ვმუშაობდი. უფროსი გოგონა ახლა ოჯახთან ერთად მაღალმთიან რეგიონში ცხოვრობს. ბიჭიც დაოჯახდა და ოთხი შვილი შეეძინა, თუმცა, ორი დაეღუპა... მესამეს ამჟამად ჩემი მძახლები ზრდიან, მეოთხე - ცხრა დღის იყო, რძალმა რომ მიატოვა და სხვა ოჯახი შექმნა. გოგონა ამ დრომდე ჩემთან იზრდება, უკვე 14 წლისაა. ჩემი ბიჭი ნერვიულობისგან წელს ქვემოთ მოწყდა და წელს გარდაიცვალა...

ისე გვიჭირდა, სახლი გავყიდეთ და მას შემდეგ ხან სად ვართ და ხან - სად. ახლა სამ ლარს ვიხდით ამ ციცქნა ოთახში.­ პენსიით და სოციალური დახმარებით ვსულდგმულობთ. ხანდახან ბინებსაც ვალაგებ, ხან მიწის ნაკვეთში ვმუშაობ. როცა ძალიან მიჭირს, მე და ჩემი შვილიშვილი მოწყალებას ვითხოვთ...

თორნიკე ყაჯრიშვილი

მკითხველის კომენტარი (78)
Mzia
27 სექტემბერი 2017 17:13
Dedac da shvilic romelmac es sashineleba chaidines sastikad unda daisajos. Arafris gulistvis xalxs icheren da cixidan ar ushveben netav eseni riti daisjebian?
baia
10 ოქტომბერი 2015 03:04
ეს არა კაცი მარტო არ იკო, დედამისმა ბავსჰვი რატომ არ გამოდლიჯა და გარეტ არ გამოიკვანა? ამ სასჰინელ მომენტს როგორ უკურებდა? მხეცეებმაც კი იციან პატარების დაცვა!

gabrazebuli
20 ივლისი 2015 01:03
მაგ ბიჭის დეიდაშვილის ბრალია.სად დააწყებინა მუშაობა.რა უნდოდა მაგ გარეწარს ბანკში? იცოდნენ რომ არანორმალური იყო და ხელს აფარებდნენ.თანამდებობის პირები არიან მაგის დედის ნათესავები.ციძე ვაკე საბურთალოს გამგებელი იყო.ფულიანი ხალხია და გადაიყვანეს ფსიქიატრიულში....სიკვდილიაა მაგათი ფინალი.ბავშვის დედა მამინაცვალი და დედამისი ყველა სასიკვდილოა.
david67
03 ივლისი 2015 06:56
gavazeli-ს
თუ დააკვირდი მე ავღნიშნე რომ უნდა იყოს ცუდ პირობებში მეთქი მაგალითად როგორიც "ბელიი ლებედშია".იქ სამუდამო პატიმრობა მისჯილები დიდხანს ვერ ცხოვრობენ.ერთი შემთხვევა იყო მხოლოდ რეკორდული სადაც რომელიღაც პატიმარმა ექვსნახევარი წელი იცოცხლა, სხვები ბევრად ნაკლებს ცოცხლობენ.ჰოდა რაღა შენ ან სხვამ დაიდოს კაცის ცოდვა, თვითონ ჩაძაღლდნენ არ სჯობია?ასე თუ ისე ესეთი მანიაკები ძალიან ცოტანი არიან, მაგრამ ამდენ აგრესიულ ხალხს რა ეშველება, უმეტესად ქალებს, ეს უფრო სადარდებელია.ვერავინ დამაჯერებს იმას რომ გამტყავებელ ჩამომკიდებელი ქალი , კარგი დედა იქნება.
.................
02 ივლისი 2015 15:21
მისივე ის უნდა მოაჭრა და გადააყლაპო ბოლომდე! მერე პირი ამოუკერო.ისე უნდა აწამო რომ არ მოკვდეს სანამ იცოცხლებს ეგ სატანის ნაშიერი.ღმერთი მწამს ეკლესიაშიც დავდივარ მე თვითონ მიკვირს ამას რომ ვწერ მაგრამ სიამოვნებით მოვკლავდი ნელი სიკვდილით... სიკვდილით დასჯა უნდა არსებობდეს მაგისნაირი ჯოჯოხეთის მოციქულებისთვის!!! საწყალი ბავშვი ღმერთო კარგად ამყოფე ეს რა წავიკითხეეეეეეეეე გავგიჟდი!!! თვალებს არ ვუჯერებ...
gavazeli
02 ივლისი 2015 10:20
david67

ვიცოდი, რომ შენ თქვი, და შენს მოსაზრებას ვეთანხმები კიდეც, უბრალოდ არ დავწერე სახელი. ღმერთმა დამიფაროს, ჯალათობა ვინატრო ნებისმიერი ანაზღაურების ფასად. ეს შემთხვევა გამონაკლისია. ამ არაკაცს უბრალოდ კი არ მოვკლავდი, მოვკლავდი ნებისმიერი სადისტური მეთოდით, წამებით, ნელნელა ამოვხდიდი სულს. ჩემში თუ ამნაირი მხეცი ბუდობდა, ვერც წარმოვიდგენდი, მაგრამ ყოფილა თურმე. ამნაირმა არ უნდა იცოცხლოს!
ნანა 1
02 ივლისი 2015 02:56
ამ ავადმყოფობას კასტრირება არ უშველის,რაღაც სხვა გზას მონახავენ.ასეთი შემთხვევისათვის დახვრეტა დასაშვები უნდა იყოს.დედაც არანორმალურია,თავისი ქვენა გრძნობებისთვის შვილი გააუბედურა,ჩამოერთვას დედობის უფლება!ოჰ,საცოდაობისგან სული მეწვის!
"ხალიანი"
01 ივლისი 2015 17:30
დიახაც უნდა არსებიბდეს დახვრეტა ასეთი ნაძირალების მიმართ.ჰუმანურობა კი იქ გამოვიჩინოთ სადაც საჭიროა.
tsira
01 ივლისი 2015 13:27
რატომ არ ისჯება დანაშაულის ხელშემწყობი იმ შიზოიდის დედა
guga
01 ივლისი 2015 12:39
პედოფილების ადგილი სამარეა, გგონიათ როცა ფსიქიატრიულიდან ან ციხიდან გამოვა გამოსწორდება? შეიძლება უარესი ჩაიდინოს ვითომ ჰუმანური ქვეყანა გვაქვს დახვრატის მუხლი რომ გააუქმეს? რა ვუყოთ ათეულობით ბავშვს, მოზარდს,როლებსაც არაკაცებმა სამუდამოდ ცხოვრება დაუმახინჯეს ამიტომ კანონი უნდა გამკაცრდეს ან სიკვდილი ან სამუდამო პატიმრობა

რუბრიკის სხვა სიახლეები
როგორ შეაფასებთ წინასაარჩევნო გარემოს საქართველოში?
თქვენი აზრი მნიშვნელოვანია!
როგორ შეაფასებთ წინასაარჩევნო გარემოს საქართველოში?