"ნიკას რომ არ მოეკლა გიორგი, ჩვენ დღეს ცოცხლები არ ვიქნე­ბოდით..."
05-10-2015
"ნიკას რომ არ მოეკლა გიორგი, ჩვენ დღეს ცოცხლები არ ვიქნე­ბოდით..."
"ყველაფერი­ 15 წუთში მოხდა. სანამ პოლიცია მოვიდა, ნიკამ დანა ამოიღო და გიორგი დაჭრა. ის მაშინვე გარდაიცვალა"

ხაშურში 42 წლის გიორგი ლომიძე ცივი იარაღით მოკლეს. ბრალდებული, 33 წლის ნიკა გონგ­ლაძე, სამართალდამცავებმა დააკავეს. საქმე განზ­რახ მკვლელობის ფაქტზე აღიძრა, რაც 7-დან 14 წლამდე პატიმრობას ითვალისწინებს. გარდაცვლილის და ამბობს, რომ მისი ძმის მკვლელობა დაგეგმილი იყო.

მზია ლომიძე: - ერთი წლის განმავლობაში გიორგის სასიყვარ­ულო ურთიერთობა ჰქონდა უსახ­ლკარო ქალთან. სონია ბეკოშვილი ჩემს ძმას ხელის მოწერას სთხოვ­და­.
უნდოდა, გიორგის სახლი ხე­ლ­ში ჩაეგდო. რომ არა სონია, ჩემი ძმა ცოცხალი იქნებოდა.

- რა მოხდა 21 სექტემბერს?

- ღვთისმშობლობას აღნიშნავდა ჩემი ძმა სამეზობლოში. ნასვამი იყო. სონია თავის ქალიშვი­ლთან ერთად ქირით ცხოვრობდა ნიკოლოზ გონგლაძის ბინაში.
იმ საღამოს ნიკა ჩემს ძმას შეხვედრია და ერთად უქეიფიათ. ორივე ნასვამი
იყო. იმ ავბედით დღემდე გიორგის მკვლელთან ახლო ურთ­იერთობა არ ჰქონია და როგორ აღმოჩნდნენ ერთ სუფ­რასთან, არ ვიცი.

- ამბობენ, იმ საღამოს თქვენი ძმა სონია ბეკოშვილის ქალიშვილს სექს­უალური ძალადობით ემუქრებოდა.
- ჩემს ძმას რომ ასეთი განზ­რახვა ჰქონოდა, მანამდეც შეეძლო რამე ჩაედინა - ისინი კარგა ხანს ერთ ჭერქვეშ ცხოვრობდნენ გიორგის ბინაში...

- რა იყო თქვენი ძმისა და სონიას კონფლიქტის მიზეზი?

- სონიას ანგარება ამოძრავებდა, რადგან განქორწინების შემთხვევაში სახლის ნახევარი დარჩებოდა, გიორგის სიკვდილის შემთხვევაში კი მთელ სახლს დაეპატრონებოდა. მეზობლებისგან შევიტყვე, რომ სონიას არაერთხელ უთქვამს გიორგისთვის, ხელს რომ მოვაწერთ, მერე რომ "გაგასაღო", არ გეშინიაო?!
სონია მარტოხელა სახლკარიან კაცზე ნადირობდა. მან გიორგი­ სამარეში გაუშვა, ნიკა კი ციხეში.

სონია ბეკოშვილი ამ ტრაგედიას დეტალურად იხსენებს: - გიორგი ლომიძე ჩემი მეუღლე­ გახლდათ. ბევრჯერ მე და ჩემი შვილი სახლიდან გამოგვყარა. ძალ­იან მძიმე ხასიათი ჰქონდა, განსაკუთრებით - ნასვამს. თუმცა,­ ფხიზელიც სულ ჩხუბის მიზეზს ეძებდა... ბოლოს რომ გაგვყარა, ნიკა გონგლაძიIს სახლშიI ვიქირავეთ ბინა პირველ სართულზე. ნიკა მეორე სართულზე ცხოვრობდა. გიორგი ჩემს შვილს ემუქრებოდა. არ მალავდა, რომ ჩემს 18 წლის ქალიშვილთან სექსუალური ურთიერთობის დამყარება უნდოდა.
რამდენჯერმე სცადა კიდეც. გვლ­ანძღავდა და გვცემდა მეც და ჩემს შვილსაც.

- სამართალდამცავებს არ მიმართეთ?

- ორჯერ შევიტანე განცხად­ება.­ ვითხოვდი, გადაე­რჩინათ ჩემი შვილი, მივმართე უბნის ინსპექტორსაც, მაგრამ უშ­ე­დეგოდ...

- რა მოხდა 21 სექტემბერს?

- გიორგი ადვილად ღიზიანდებოდა, მაგრამ ასეთი გაგიჟებუ­ლი არ მინახავს. შეურაცხადი იყო. გვირტყამდა მეც და სალომესაც. ამას ნიკა შეესწრო და ჩვენი დაცვა სცადა. ბიჭების გაკავება ვერ შევძელი და პოლიცია გამოვიძახე. სანამ პოლიცია მოვიდოდა, ნიკამ დანა ამოიღო და გიორგი დაჭრა. ის მაშინვე გარდაიცვალა. ყველაფერი­ 15 წუთში მოხდა. პატრული სწრაფად რომ მოსულიყო, ტრაგედიას თავიდან ავიცილებდით.

- ამბობენ, თითქოს ნიკას თქვენი­ შვილი მოსწონდა...
- არც ჩემთვის, არც სალომესთვის ნიკას მსგავსი არაფე­რი უთქვამს. მას ცოლ-შვილი ჰყავს.

- გიორგი ლომიძის და ამბობს,­ რომ თქვენ მისი მოკვლა ბინის გამო გინდოდათ.
- კარგის მეტი გიორგისთის­ არაფერი გამიკეთებია. რაც შეეხება­ ლომიძეების ბინას, სწორედ გიორგის დამ, მზიამ, იპოთეკური სესხი აიღო გიორგის ბინით. სად ჰქონდა გიორგის სახლი? საცოდავი კაცი გაყიდული ბინიდან გამოასვენეს. ჯერ კიდევ გიორგის ბინაში ცხოვრების პერიოდში­ გამოგვასახლეს და ფარდულში ვცხოვრობდით. ხშირად ვიღებდი მზიასგან შეურაცხმყოფელ სატელეფონო გზავნილებს.­ სალომეს უშვერი სიტყვებით ლანძღავდა.
მკვლელობას გამართლება არა აქვს, მაგრამ ნიკას რომ არ მოეკლა გიორგი, ჩვენ დღეს ცოცხლები არ ვიქნე­ბოდით. ჩვენ არც გიორგის სიკვდილი გვინდოდა და არც ნიკას ციხეში ჩასმა...

"კვირის პალიტრის" ინფორმაცი­ით, ბრალდებული წარსულში რამდენჯერმეა ნასამართლევი. მას წინასწარი ორთვიანი პატიმრობა შეეფარდა.

თორნიკე ყაჯრიშვილი

1
07 ოქტომბერი 2015 13:25
ერთი ციხეში გასუშვა, მეორე საფლავში!

აი, რა არის და ვინ არის არსება "ქალი", თუ უნამუსოა.
მივმართავ lsd-ს
06 ოქტომბერი 2015 13:57
გთხოვთ, შემეხმიანოთ ტელ: 598 51 84 75 თორნიკე ყაჯრიშვილი
ნოდარი
06 ოქტომბერი 2015 01:54
პოლიციას რომ თავის დროზე დაეკავებინა ლომიძე ოჯახური ძალადობის გამო ეს ტრაგედია არ მოხდებოდა. ქალზე ძალადობა სერიოზულად არ აღიქმება ჩვენს ბანანის რესპუბლიკაში. ორჯერ მიმართა ქალმა პოლიციას, უამრავი მუქარა და ბევრი ფიზიკური შეურაცხყოფა მიაყენეს ქალს და მის ქალიშვილს, მაგრამ სახელმწიფომ ვერ დაიცვა ისინი. შსს მინისტრი არის პასუხისმგებელი ამ ტრაგედიაზე და ზოგადად ქალების მიმართ ძალადობის ფაქტებზე რეაგირების არ მოხდენაზე. არა აქვს მნიშვნელობა სიტყვიერი მუქარა არის თუ ფიზიკური თავდასხმა ხდება, ორივე ერთნაირად უნდა განიხილოს კანონმა და ადეკვატური რეაგირება მოახდინოს პოლიციამ.

რედაქტორის რჩევით