თიანეთში შუახნის მამაკაცი მოკლეს
თიანეთში მკვლელობა მოხდა. არსებული ინფორმაციით, შუახნის მამაკაცი თანასოფლელმა ცეცხლსასროლი იარაღით მოკლა.
მკვლელობის მიზეზი ურთიერთშელაპარაკება გახდა. დანაშაულის ჩადენის შემდეგ ბოროტმოქმედი შემთხვევის ადგილიდან მიიმალა.
როგორც შსს-ში განაცხადეს, მომხდარზე სისხლის სამართლის საქმე 108-ე და 236-ე მუხლებითაა აღძრული, რაც განზრახ მკვლელობასა და ცეცხლსასროლი იარაღის უკანონო შეძენა-შენახვა-ტარებას გულისხმობს. უწყებაში განმარტავენ, რომ სავარაუდო დამნაშავე სამართალდამცველებს დადგენილი ჰყავთ და ამჟამად შესაბამისი ოპერატიული და საგამოძიებო მოქმედებები მიმდინარეობს.
"ინტერპრესნიუსი"