თუშეთში ავარიას მსხვერპლი მოჰყვა
სოფელ ბოჭორნაში ავტომანქანა რამდენიმე მეტრის სიმაღლიდან გადავარდა, რის შედეგადაც მძღოლი, ახალგაზრდა მამაკაცი ადგილზე გარდაიცვალა.
როგორც შსს-ში განაცხადეს, მომხდარზე გამოძიება სისხლის სამართლის კოდექსის 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
"ინტერპრესნიუსი"