"გარდაცვლილს 9 ტყვია აქვს მოხვედრილი" - გურიაში მომხდარი მკვლელობის დეტალები
გურიაში, ოზურგეთის მუნიციპალიტეტის სოფელ გურიანთაში მომხდარი მკვლელობის ახალი დეტალები გახდა ცნობილი.
როგორც მეზობლები აცხადებენ, მკვლელობა სავარაუდოდ, წინასწარ განზრახვით განხორციელდა.
მეზობლების ინფორმაციით, ახალგაზრდა მამაკაცს 9 ტყვია ჰქონდა მოხვედრილი.
"9 ტყვია აქვს მოხვედრილი. ადრე სამეზობლოში ჰქონდათ უთანხმოება, რის გამოც აკრძალული ჰქონდა ამ ბიჭს აქ ცხოვრება. ეს ბიჭი იყო ძალიან კარგად აღზრდილი, არავის არაფერს უშავებდა", - განაცხადა მეზობელმა, რომლის კომენტარსაც ტელეკომპანია "რუსთავი 2" ავრცელებს.
მამაკაცი ცეცხლსასროლი იარაღიდან, სავარაუდოდ თოფიდან გასროლის შედეგად მიყენებული დაზიანებების შედეგად გარდაიცვალა.
როგორც "ინტერპრესნიუსს" შინაგან საქმეთა სამინისტროში განუცხადეს, გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.
დანაშაულის ჩამდენი პირი ჯერჯერობით დაკავებული არ არის.
"ინტერპრესნიუსი"