"რომ დაჭრეს, მხოლოდ ეს თქვა, მე რა შუაში ვიყავიო, მერე კი გონება დაკარგა..."
"რომ დაჭრეს, მხოლოდ ეს თქვა, მე რა შუაში ვიყავიო, მერე კი გონება დაკარგა..."
"დავინახე ბიჭი ფეხზე იდგა და თვითონაც უკვირდა, სისხლი რომ სდიოდა"

ბოლო დროს საზოგადოებას მუდმივი სტრესის ქვეშ უწევს ცხოვრება და ყოველდღე უარყოფითი ინფორმაციის მოლოდინშია - დღე ისე არ გადის, შოკის მომგვრელი ფაქტები არ მოხდეს. საუბედუროდ, ქუჩური გარჩევები მოზარდებს შორის ისევ სერიოზული პრობლემაა...

პირველ დეკემბერს ლევან დადუნაშვილი და დათო სალარიძე სკოლაში გაკვეთილებს ესწრებოდნენ. ორი საათი ხდებოდა, როცა მოზარდები თბილისის 51-ე საჯარო სკოლიდან გამოვიდნენ...

ხორავას ქუჩაზე დატრიალებულ ტრაგედიაზე ვრცელო სტატია გამოქვეყნდა გაზეთ "კვირის პალიტრაში". რომლიდანაც ამონარიდებს გთავაზობთ:

მოზარდების ჩხუბს შეესწრო "ნაციონალური მოძრაობის" წევრი
ნიკა ვაჩეიშვილიც:
"წინასწარ დაგეგმილ შეხვედრას ჰგავდა, 15-ზე მეტი იყვნენ. ჯერ ლაპარაკობდნენ, მერე უცებ ახმაურდნენ. დავუყვირეთ, ახლავე მოვა პატრულიო, მაგრამ ისე იყვნენ ამ ომში ჩართული, შეძახილებს ყურადღებას არ აქცევდნენ. ჩხუბი სამი წუთი გაგრძელდა, მერე დავინახე ბიჭი ფეხზე იდგა და თვითონაც უკვირდა, სისხლი რომ სდიოდა".

ლევან დადუნაშვილის ახლობელი: - ლევანისა და დათოს მეგობარ ბიჭს 51-ე სკოლელი გოგონა უყვარდა. მერე 53-ე სკოლაში გადასულა და იქ სხვა ბიჭს შეუყვარდა. ამის გამო მოხდა უთანხმოება. გოგონას შეყვარებული ძველ შეყვარებულს გოგოსთვის თავის დანებებას სთხოვდა. ამ ტრაგედიას წინ უძღოდა საქმის გარჩევები. ეს 53-ე
სკოლის პედაგოგების ყურამდეც მისულა და დამრიგებლებს ბიჭების მამები გაუფრთხილებია, შვილებისთვის ყურადღება მიექციათ. სამწუხაროდ, ასეთი რამე 51-სკოლის დირექციას არ გაუკეთებია - ბიჭების მშობლებმა ამ კონფლიქტზე არაფერი იცოდნენ... როგორც მითხრეს, ოთხ მოზარდს ჰქონდა დანა და ახლა მათი ვინაობის დადგენას ცდილობენ.

ჩვენი ინფორმაციით, გოგონას შეყვარებულმა, რომელიც 53-ე სკოლელია, პირველი ექსპერიმენტული სკოლის მეგობრებს სთხოვა, ჩართულიყვნენ გარჩევებში. როგორც მითხრეს, დაკავებული ახალგაზრდა, რომელმაც ლევანი მოგვიკლა, სწორედ პირველ ექსპერიმენტულ სკოლაში სწავლობს. იმავე სკოლის მოსწავლეა მეორე ბრალდებულიც, რომელსაც პოლიცია ეძებს.
....
ჩვენი ლევანი კონფლიქტური არასოდეს ყოფილა. იმ დღესაც დათოს აშველებდა. მეგობარი ამბობს, რომ დაჭრეს, მხოლოდ ეს თქვა, მე რა შუაში ვიყავიო, მერე კი გონება დაკარგა...

იხილეთ სრულად გაზეთ "კვირის პალიტრაში" ან გახდით ჩვენი საიტის ხელმომწერი, შეიძინეთ სასურველი პაკეტი და წაიკითხეთ სტატია სრულად


თეა ხურცილავა


...
06 დეკემბერი 2017 21:28
აი ზუსტად სკოლებში ბავშვების რაოდენობრივი გადანაწილების პრობლემა დგას არა მარტო თბილისში, არამედ მთელს საქართველოში. იმიტომ რომ, ამ ქვეყანაში არსებობს პრესტიჟულობის ყველაზე მდაბიო ცნება. ადრე სხვა უბნის ბავშვს სხვა უბნის სკოლაში არ იღებდნენ, ადგილები ჯერ იმ ბავშვებისთვის იყო განსაზღვრული ვინც ახლოს ცხოვრობდა და დანარჩენი მოსულისთვის იყო.ასე იცავდნენ ბალანსს.ახლა რა ხდება ერთი სკოლა ლამის გასკდეს შუაზე ბავშვებს რომ ვერ იტევს და მეორე იხურება იმის გამო რომ ცარიელია...
maka
06 დეკემბერი 2017 14:38
აუტსილებლად უნდა დატესდეს ჯარიმები თავხედი ბავშვების მშობლებისთვის და მერე კველა კეთილს ინებებს.
ნიკი
06 დეკემბერი 2017 13:25
რა უთხრეს საპირფარეშოში "მომწყვდეულ" IX კლასელს, როდესაც იარაღი მიუშვირეს, როგორ გააბოროტეს ასე მწარედ?
რუბრიკის სხვა სიახლეები
11-12-2017
გაზეთის სტატია. მიიღეთ წვდომა
11-12-2017
გაზეთის სტატია. მიიღეთ წვდომა
თქვენი აზრით, რა თამაშობს ყველაზე დიდ როლს არასრულწლოვანთა დანაშაულში?
თქვენი აზრი მნიშვნელოვანია!
თქვენი აზრით, რა თამაშობს ყველაზე დიდ როლს არასრულწლოვანთა დანაშაულში?
გაზეთის სტატია. მიიღეთ წვდომა
გაზეთის სტატია. მიიღეთ წვდომა