რას ამბობს ქუთათელაძის საქმეზე დაკითხული დავით ბლუაშვილი ?
ე.წ. "სტამბოლის ბაზრის" ყოფილი მეწილის, ლიანა აბაიაძის შვილმა ქვემო ქართლის სამხარეო პოლიციის შენობა ცოტა ხნის წინ დატოვა. დავით ბლუაშვილის განცხადებით, გამოძიებას მასთან შეკითხვები ჭანტურიასა და ქუთათელაძის ურთიერთობის თაობაზე ჰქონდა.
"დამატებით მკითხეს, თუ რამე ვიცოდი. მკითხეს, რა ურთიერთობა ჰქონდა ჭანტურიას ქუთათელაძესთან. მე მათ შორის დაპირისპირების შესახებ ქუთათელაძესგან ვიცი. ბაზრის დირექტორ მამუკა ცხოვრებაძეს და სოსოს, კარგი ურთიერთობა ჰქონდათ, ნათელ-მირონები იყვნენ. მათ შორის დაპირისპირების შესახებ არაფერი ვიცი. იდეალური ურთიერთობა გვქონდა მე და სოსოს. ჩვენ დაპირისპირება არ გვქონია, ამას დაგიდასტურებთ ყველა", - განაცხადა სტამბოლის ბაზრის ყოფილი მეწილის, ლიანა აბაიაძის შვილმა დავით ბლუაშვილმა.
კითხვაზე - იყო თუ არა საგამოძიებო უწყების მხრიდან მასზე ზეწოლა, ბლუაშვილმა უპასუხა - "მიშას დრო ხომ არ არის?!".
"ინტერპრესნიუსი"