ინცინდენტი ე.წ. ქურდულ გარჩევას უკავშირდება? - როგორია ზუგდიდში დაჭრილების მდგომარეობა?
ზუგდიდში დაჭრილი სამი პირიდან ერთ-ერთის მდგომარეობა მძიმეა, ხოლო დანარჩენი ორის მდგომარეობა სტაბილურია, - ამის შესახებ "ინტერპრესნიუსს" ჰოსპიტალის დირექტორმა ნიკა ჭეჟიამ განუცხადა.
"ერთ მათგანს ჭრილობა გულ-მკერდის არეში აქვს მიყენებული. მას ჩაუტარდა ოპერაცია და გადაყვანილია რეანიმაციაში, ის მართვით სუნთქვაზეა. რაც შეეხება დანარჩენ ორს, მათი მდგომარეობა სტაბილურია. ერთს ჭრილობა ბარძაყის არეში ჰქონდა მიყენებული, მეორეს კი ზურგის არეში", - განაცხადა ნიკა ჭეჟიამ.
შს სამინისტროს ცნობით, მომხდარზე გამოძიება სისხლის სამართლის კოდექსის 19/109-ე, დამამძიმებელ გარემოებაში განზრახ მკვლელობის მცდლობის მუხლით დაიწყო. უწყებაში ამბობენ, რომ ინტენსიური საგამოძიებო მოქმედებები მიმდინარეობს.
არსებული ინფორმაციით, ინცინდენტი ე.წ. ქურდულ გარჩევას უკავშირდება.
"ინტერპრესნიუსი"