წითელ ხიდზე მომხდარი შემთხვევის გამო, რომლის დროსაც სამხედრო დაიღუპა, სატვირთოს მძღოლი დააკავეს
04-09-2018
წითელ ხიდზე მომხდარი შემთხვევის გამო, რომლის დროსაც სამხედრო დაიღუპა, სატვირთოს მძღოლი დააკავეს
წითელ ხიდზე, საქართველო-აზერბაიჯანის საზღვარზე მომხდარი უბედური შემთხვევის გამო, ერთი პირია დაკავებული. ამის შესახებ "ინტერპრესნიუსს" საქართველოს საგარეო საქმეთა სამინისტროში განუცხადეს. როგორც უწყებაში აცხადებენ, მომხდარის თაობაზე განჯაში საქართველოს საკონსულო საქმის კურსშია.

"საკონსულო კომუნიკაციაშია როგორც დაკავებულის ოჯახთან, ასევე აზერბაიჯანელ სამართალდამცავებთან. ამასთან, ჩართულია ბრალდებულის ადვოკატით უზრუნველყოფის პროცესში", - აცხადებენ უწყებაში.

ცნობისთვის, საქართველო-აზერბაიჯანის საზღვარზე, სატვირთო ავტომანქანა დაგორდა და სამხედრო პირს დაეჯახა, რომელიც ადგილზე გარდაიცვალა.

თვითმხილველების ინფორმაციით, სატვირთო ავტომანქანა ქართული სანომრე ნიშნებით მოძრაობდა და მას საქართველოს
მოქალაქე მართავდა.

თვითმხილველები ასევე ყვებიან, რომ სატვირთო ავტომანქანის მძღოლს ხელის მუხრუჭის ამოწევა დაავიწყდა და სატრანსპორტო საშუალება დაღმართზე ამის გამო დაგორდა.

შემთხვევის შედეგად გარდაცვლილი მამაკაცი აზერბაიჯანელი მესაზღვრეა.

აღნიშნულთან დაკავშირებით აზერბაიჯანის სამხედრო პროკურატურამ მოკვლევა დაიწყო.



მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით