ოზურგეთში ორი ახალგაზრდა დაჭრეს
ოზურგეთში ურთიერთშელაპარაკების ნიადაგზე 16 და 20 წლის ბიჭები დაჭრეს. ისინი სასწრაფო სამედიცინო დახმარების ბრიგადამ ოზურგეთში კლინიკა "მედალფაში" გადაიყვანა.
როგორც კლინიკაში "ინტერპრესნიუსს" განუცხადეს, ახალგაზრდებს ჭრილობები გულ-მკერდისა და ბარძაყის არეში ცივი იარაღით აქვთ მიყენებული. მათივე განცხადებით, ახალგაზრდებს ოპერაცია უტარდებათ.
მომხდარის დეტალები ჯერჯერობით უცნობია. ადგილზე სამართალდამცავები არიან მობილიზებული.