სასჯელაღსრულების მე-8 დაწესებულებაში მირზა სუბელიანის გამოკითხვა მიმდინარეობს
სასჯელაღსრულების მე-8 დაწესებულებაში პროკურატურის ყოფილი მაღალჩინოსნის, მირზა სუბელიანის გამოკითხვა მიმდინარეობს. სასჯელაღსრულების დაწესებულებაში როგორც საქმის პროკურორი, ასევე სუბელიანის ინტერესების დამცველები იმყოფებიან.
როგორც ჟურნალისტებს მირზა სუბელიანის ადვოკატმა ეკა ხუციშვილმა განუცხადა, კომენტარს ის გამოკითხვის დასრულების შემდეგ გააკეთებს.
"გამოკითხვა მოხდება ჩანაწერების თაობაზე. დამატებით ინფორმაციას გამოკითხვის შემდეგ მოგაწვდით",- განაცხადა მირზა სუბელიანის ინტერესების დამცველმა ეკა ხუციშვილმა.
შეგახსენებთ, რომ ფარულ აუდიოჩანაწერებთან დაკავშირებით გამოძიება მიმდინარეობს სისხლის სამართლის საქმეზე პირადი ცხოვრების საიდუმლოს უკანონოდ მოპოვებისა და შენახვის, იძულების, პატიმრობაში მყოფი პირის კერძო საუბრის უნებართვო ჩაწერის, ჩანაწერის უკანონოდ შენახვისა და ხელმისაწვდომობის უზრუნველყოფის და სამსახურებრივი უფლებამოსილების შესაძლო გადამეტების ფაქტებზე, საქართველოს სისხლის სამართლის კოდექსის 150-ე მუხლის პირველი ნაწილით, 1571 -ე მუხლის პირველი ნაწილით, 158-ე მუხლის პირველი და მე-2 ნაწილებითა და 333-ე მუხლის პირველი ნაწილით გათვალისწინებული დანაშაულის ნიშნებით.