"მუშამ, რომელმაც ნებიერიძის ქცევაში ეჭვი შეიტანა, ითანამშრომლა გამოძიებასთან" - რა დანაშაულებისთვის იყო გასამართლებული ბავშვის მკვლელობაში ბრალდებული?
"მუშამ, რომელმაც ნებიერიძის ქცევაში ეჭვი შეიტანა, ითანამშრომლა გამოძიებასთან" - რა დანაშაულებისთვის იყო გასამართლებული ბავშვის მკვლელობაში ბრალდებული?
ფოტო:ბრალდებული იაგო ნებიერიძე და სახლი, სადაც საზარელი დანაშაული მოხდა
8 წლის გოგონას მკვლელობაში ბრალდებული 34 წლის გორელი იაგო ნებიერიძე სამართალდამცველებმა დანაშაულის ჩადენის საღამოსვე დააკავეს. ბრალდებული იმავე უბანში მდებარე სახლში სხვა მუშებთან ერთად სარემონტო სამუშაოებს ასრულებდა. სამძებრო სამუშაოებში კინოლოგები ჩაერთვნენ და გარდაცვლილი გოგონას კვალზე სამართალდამცველები ძაღლებმა გაიყვანეს. გოგონას ცხედარი სამართალდამცველებმა მდინარე ლიახვის ნაპირზე იპოვეს. გავრცელებული ინფორმაციით, გარდაცვლილს ხელ-ფეხი მავთულით ჰქონდა შეკრული, თავზე კი პოლიეთილენის პარკი ჰქონდა ჩამოცმული.
8 წლის გოგონას მკვლელობასთან დაკავშირებით გამოძიება სისხლის სამართლის კოდექსის 109-ე მუხლის მე-2 ნაწილის "ბ"
ქვეპუნქტით მიმდინარეობს, რაც წინასწარი შეცნობით არასრულწლოვნის მიმართ დამამძიმებელ გარემოებაში ჩადენილ განზრახ მკვლელობას გულისხმობს.

საზარელი დანაშაულის გამოძიება სპეციალურმა საგამოძიებო ჯგუფმა დაიწყო, რომელსაც შინაგან საქმეთა მინისტრის პირველი მოადგილე, კახა საბანაძე ხელმძღვანელობს. გოგონას ცხედარს კომპლექსური ექსპერტიზა ჩაუტარდა.

ცნობილი გახდა, რომ იაგო ნებიერიძე რამდენჯერმეა ნასამართლევი. ადვოკატ მამუკა ნოზაძის განცხადებით,
2004 წელს ის გორში 11 წლის ბიჭუნას ზაქრო ბერძენიშვილის გატაცების საქმეში ფიგურირებდა და ბავშვის მშობლებს 20 000 ლარს სძალავდა. დღემდე უგზო-უკვლოდ დაკარგული ბიჭის დედის, ხათუნა ბერძენიშვილის თქმით, - იმხანად ნებიერიძის მამა მათ ავტოფარეხს უშენებდა და მისი ვაჟიც საკმაოდ ხშირად მიდიოდა მათთან. ნებიერიძემ ბიჭუნას გატაცებაში მონაწილეობა არ აღიარა, ამბობდა, რომ ამ საქმესთან კავშირი არ ჰქონდა, უბრალოდ, გაუჩნდა ფულის შოვნის სურვილი და ამიტომაც თანხის გამოძალვის მიზნით შეუგდო წერილი ბერძენიშვილებს. ბერძენიშვილის გატაცების საქმეში ნებიერიძის მონაწილეობა არც მტკიცებულებებით დადასტურებულა და სასამართლომ 22 წლის გამომძალველი თავისუფლების უკანონო აღკვეთაში გაამართლა და თანხის გამოძალვის ბრალდებით 5 წლამდე სასჯელი მოიხადა. როგორც ჩვენთვის გახდა ცნობილი, ნებიერიძე საბრალდებო სკამზე მეორედ ყაჩაღობისა და ძარცვის ბრალდების საფუძველზე აღმოჩნდა. მან საპატიმრო დაწესებულება 9-წლიანი პატიმრობის შემდეგ, ა. წ. თებერვალში დატოვა.

ამბობენ, რომ ბრალდებული შერაცხადია და ფსიქიკური პრობლემები არ აქვს.
როგორც სანდო წყარო გვიყვება, ამ ეტაპზე, პირველადი დათვალიერებით, 8 წლის გოგონაზე სექსუალური ძალადობა არ დასტურდება, თუმცა ბრალდებულს ჰქონდა ამის მცდელობა. მისივე თქმით, გოგონა, დიდი ალბათობით, გაგუდულია. დანარჩენს კი უკვე ექსპერტიზა გაარკვევს. გამოძიების მტკიცებით, ნებიერიძემ მარტომ ჩაიდინა ეს საზარელი დანაშაული.

ჩვენი წყაროს თქმით, "ერთ-ერთმა მუშამ, რომელმაც ნებიერიძის ქცევაში ეჭვი შეიტანა, ითანამშრომლა გამოძიებასთან და უთხრა, რომ საეჭვოდ იქცეოდა და რაღაცას "ჩალიჩობდა". გარდა ამისა, ნებიერიძეს ტელეფონში მოკლული მოზარდის გარდა, არაერთი სხვა მოზარდი გოგონას ფოტო აღმოჩნდა - როგორც გორელების, ასევე ინტერნეტიდან ამოღებული უცნობი გოგონების.

ჩვენი ინფორმაციით, დაკავებული დანაშაულს ამ დრომდე არ აღიარებს.


(სპეციალურად საიტისთვის)

ივერის
29 ოქტომბერი 2018 10:04
ღირსია, ღირსი
????
29 ოქტომბერი 2018 02:12
ასეთი მანიაკი ყველაფრის ღირსია. ვისი დანაშაულიც ბავშვებთან არის დაკავშირებული ისთავისუფლებას ვერ უნდა ეღირსოს.
სოს!
28 ოქტომბერი 2018 22:13
ივერი ბუთიაშვილო გეთანხმები

რუბრიკის სხვა სიახლეები
12-11-2018
გაზეთის სტატია. მიიღეთ წვდომა
აპირებთ თუ არა არჩევნების მეორე ტურში მონაწილეობის მიღებას?
თქვენი აზრი მნიშვნელოვანია!..
აპირებთ თუ არა არჩევნების მეორე ტურში მონაწილეობის მიღებას?
თვის კითხვადი სტატიები