"ხელისუფლებას აშკარად აკლდა პოლიტიკური ნება ჟვანიას საქმის გამოძიებისთვის"
"ხელისუფლებას აშკარად აკლდა პოლიტიკური ნება ჟვანიას საქმის გამოძიებისთვის"
ფოტო:გოგლა ჟვანია
"თუ საქმე ისე დასრულდება, რომ თითქოს ზურა უბედურმა შემთხვევამ იმსხვერპლა, გამოძიების მასალებს გამოვითხოვ და მერე მე ვიცი..."

9 დეკემბერს ზურაბ ჟვანიას დაბადების დღეა, მას 55 წელი შეუსრულდებოდა. რა ეტაპზეა ზურაბ ჟვანიას საქმის გამოძიება? - ამ საკითხზე "კვირის პალი­ტრა" ესაუბრა გარდაცვლილი პრე­მიერის ძმას, გოგლა ჟვანიას,­ რომელიც "ქართული ოცნების" მოქმედებებით გაწბილებულია, თუმცა ქვეყნის გადარჩენის მიზნით ხმა მაინც სალომე ზურაბიშვილს მისცა.

- მე დავაფიქსირე ჩემი პოზიცია, რომ ამ ვითარებაში ხმა უნდა მიგვეცა ზურაბიშვილისთვის,
მიუხედავად იმისა,­ რომ "ქართული ოცნების" გარკვეული მოქმედებებით გაწბილებული ვარ. მაგრამ დავდექი არჩევანის წინაშე,­ რომ შეიძლება "ნაციონალები" დაბრუნებ­ულიყვნენ ხელისუფლებაში...

- ვაშაძის გამარჯვების შემთხვევაში ქვეყანაში დესტაბილიზაციას ელოდებოდით?
- ვაშაძე აცხადებდა, თუ გაიმა­რჯვ­ებდა, დაიწყებდა ისეთ ქმედებებს, რომლებიც დესტაბილიზაციას აუცილებ­ლად გამოიწვევდა - კრიმინალებს გამოუშვებდა ციხიდან და სააკაშვილსაც ჩამოიყვანდა.

- "ოცნება"
შედეგებიდან გამომდინარე შეძლებს სწორი დასკვნის გამოტანას?
- თუ ვერ შეძლებს, სავალალო მდგომარეობაში ჩავარდება.

- თქვენი ძმის საქმის გამოძიება კვლავ მიმდინარეობს, რატომ არ დასრულდა აქამდე?
- ვერ გეტყვით, რატომ არ დასრულდა­. ამაზე პროკურატურის ახალ ხელმძღვანელობასთან უარყოფითი დამოკიდებუ­ლება გამოვხატე. უახლოეს მომავალში კიდევ მექნება შეხვედრა და იმედია, საქმე წინ წავა...
ხელისუფლების შეცვლის შემდეგ პროკურატურის მოქმედებებს ვაკვირდებოდი და დამრჩა შთაბეჭდილება, რომ ხელის­უფლებას აშკარად აკლდა პოლიტიკური ნება ამ საქმის გამოძიებისთვის. იმედი მაქვს, ახლა მაინც შეიცვლება ვითარება.

- წლებია ამბობთ, რომ საჭიროა გვამის ექსჰუმაცია.
- ვფიქრობ, ექსჰუმაცია გარდაუვალი აუცილებლობაა!

- ზურაბ ჟვანიას საქმის გამოძიება ჯერ კიდევ არჩილ კბილაშვილის მთავარი პროკურორობის დროს დაიწყო...
- ფარცხალაძე ძალიან ცოტა ხანი იყო პროკურატურაში. მან რა როლი შეასრულა ამ საქმის გამოძიებაში, არ ვიცი. კბილაშვილის პროკურორობისას პროცესი აქტიურად მიდიოდა, მერე თანდათან შენელდა, შოთაძის დროსაც. ვერ ვიტყვი, რომ გამოძიება გაჩერებულია, მაგრამ იმდენად ნელა მიდის, რომ დროის გაყვანის ტაქტიკას ემსგავსება. არ შეიძლება საქმე მუდმივად ჰაერში იყოს გამოკიდებული.
თუ ისე დასრულდება, რომ თითქოს ჟვანია უბედურმა შემთხვევამ იმსხვერპლა, გამოძიების მასალებს გამოვითხოვ და მერე მე ვიცი.

ტოტო
10 დეკემბერი 2018 09:05
დაანებეთ გარდაცვლილს თავი,ნუ ქექავთ.რაც არ არის გამოსაძიებელი იმას ვერც გამოიძიებთ.აშკარაა,რომ მოხდა უბედური შემთხვევა.არსებობს ამერიკელების დასკვნები...

რუბრიკის სხვა სიახლეები
დღის კითხვადი სტატიები
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები