"თურმე ჩემი შვილიც დაჭრილი ყოფილა" - რას ამბობს წავკისში მომხდარ ორმაგ მკვლელობაზე ერთ-ერთი დაჭრილის მამა?
ვიღაც გადმოვიდა მანქანიდან ხანჯლით და მან დაჩეხა ყველა, - ამის შესახებ ჟურნალისტებს წავკისში დაჭრილი ახალგაზრდის მამამ თემურ დორეულმა განუცხადა. მისივე ინფორმაციით, მკვლელობა და დაჭრა ცივი იარაღით მოხდა.
„ქალი შემოვიდა ჩემთან და მითხრა, რომ გარეთ ხმაურია. მითხრა, რომ ჩემმა შვილმა ვიღაც დაჭრილი წაიყვანა საავადმყოფოში, თურმე ჩემი შვილიც დაჭრილი ყოფილა.
ორივე ფილტვზე ოპერაცია გაუკეთეს და ელენთაზე იყო კიდევ დანა დარტყმული.
უცხოები მოვიდნენ, ვიღაც გადმოვიდა ხანჯლით და მან დაჩეხა ყველა“, - განაცხადა დაჭრილი ახალგაზრდის მამამ.
გუშინ, წავკისში ახალგაზრდებს შორის მომხდარი დაპირისპირების შედეგად ორი მამაკაცი მოკლეს. მათ ჭრილობა ცივი იარაღით აქვთ მიყენებული. ორივე გარდაცვლილი 30-წლამდე ასაკის მამაკაცია. მომხდარი დაპირისპირების შედეგად ასევე დაჭრილია ორი პირი, რომლებიც სასწრაფო სამედიცინო დახმარების ბრიგადამ საავადმყოფოში გადაიყვანა.
იხილეთ ასევე: "დათო და ლექსო აღარ არიან, ორივე მოკლეს..." - ვინ არიან წავკისში მოკლული ახალგაზრდები?