"ონიანი ასაკშია, როგორ მოახერხებს ძველი გავლენის დაბრუნებას, ვერ გეტყვით" - რუსები "ტაროს" "შემოგვიგდებენ"?!
09-04-2019
"ონიანი ასაკშია, როგორ მოახერხებს ძველი გავლენის დაბრუნებას, ვერ გეტყვით" - რუსები "ტაროს" "შემოგვიგდებენ"?!
ფოტო:ტარიელ ონიანი
"რუსები ყველანაირად შეეცდებიან ონიანის გამოყენებას. ჩვენი კონტრდაზვერვა და სუს-ი ფხიზლად უნდა იყვნენ"

პოსტსაბჭოთა სივრცის ერთ-ერთი ყველაზე გავლენიანი "კანონიერი ქურდი" ტარიელ ონიანი ("ტარო") რუსეთის საპატიმროს 9 აპრილს რომ დატოვებდა, ამის შესახებ ინფორმაცია რუსულმა მედიამ გაავრცელა.


ონიანი რუსეთში­ გამოძალვისა და ადამიანის გატაცების გამო 2010 წელს მისჯილ 10-წლიან სასჯელს ორენბურგის ოლქში, მკაცრი რეჟიმის კოლონია Чёрный дель­фин-ში იხდისდა. ის ესპანეთისა და რუსეთის მოქალაქეა. რუსული მედიის ცნობით, ონიანმა
საქართველოს მოქალაქეობაზე უარი რამდენიმე წლის წინ თქვა.
გათავისუფლების მომენტიდან დღის წესრიგში დადგება მისი დეპორტაციის საკითხი, ვინაიდან რუსეთის შსს-ს ცნობით, მიღებულია გადაწყვეტილება ტარიელ ონიანის რუსეთიდან სამუდამო გაძევების შესახებ. ვარაუდობდნენ, რომ პატიმრობიდან გათავისუფლებულ ტარიელ ონიანს რუსი სამართალდამცავები ესპანეთს გადასცემდნენ, სადაც მას კრიმინალური დაჯგუფების შექმნასა და თანხების მითვისებაში
სდებდნენ ბრალს, თუმცა "როსბალტის" წყაროს ცნობით, დეპორტაციის ერთ-ერთ მარშრუტად საქართველოც განიხილება. როგორც რუსული მედია წერს, ტარიელ ონიანის ადვოკატები ცდილობენ, რომ "კანონიერმა ქურდმა" მისთვის ყველაზე უსაფრთხო ქვეყანაში მოახერხოს გადასვლა... არ გამორიცხავენ, რომ მისი გათავისუფლების შემდგომ კვლავ გააქტიურდება­ ქურდულ სამყაროში #1 "კანონიერი ქურდის" არჩევის საკითხი, რასაც შესაძლოა ახალი სისხლიანი დაპირისპირება მოჰყვეს. რომელ ქვეყანას შეიძლება გადაულოცოს რუსეთის ფედერაციამ "კანონიერი ქურდი" და რა შეიძლება მოჰყვეს "ტაროს" მზის სინათლეზე გამოსვლას, ამ თემაზე საერთაშორისო კანონმდებლობით ადამიანის უფლებათა დაცვისა და პენიტენციარული­ სისტემის რეფორმის ეროვნული ასოციაციის პრეზიდენტ ემზარ საბანაძეს ვესაუბრეთ:

- ტარიელ ონ­იანი, ალბათ, იმ ქვეყანას მოსთხოვს თავშესაფარს, სად­აც მას ნაკლები დანაშაული აქვს ჩადენილი.

- ვარაუდობენ, რომ მის გათავისუ­ფლებას საქმეების გარჩევა, გავლენებისთვის ბრძოლა და სისხლიანი შურისძიება მოჰყვება...
- ონიანი ასაკშია, ახლა ახალი თაობის ავტორიტეტები წამო­ვიდნენ­ და როგორ მოახერხებს ძველი გავლენის დაბრუნებას, ვერ გეტყვით. მურტალოსი არ იყოს, საქართველო არ შეაწუხოს, თორემ­ სხვაგან რაც უნდა, ის გაუკეთებია.

- რაზე მიანიშნებთ?
- თუ გახსოვთ, ქურდებს­ "დედ ჰასანის" დასაფლავება ლო­ტკინის სასაფლაოზე უნდოდათ,­ მერე ერთმა მაღალჩინოსანმა "თავისი სიტყვა თქვა" და "დედ ჰასანი"­ თვითმფრინავით მოსკოვში გადაასვენეს. ვფიქრობ, ეს საკითხიც ანალოგიურად გადაწყდება.­ არ ვამბობ, რომ ონიანი მძიმე წონის­ ავტორიტეტი არ არის, მან ქიციც იცის და ქიცმაცურიც, სხვათა შორის, ისიც, რომ ახლა სხვა დროა.

- მაინც რომელი ქვეყნის საზღვართან შეიძლება მიიყვანოს რუსეთმა ონიანი?
- შესაძლოა უკრაინაში ჩავიდეს. უკრაინაში ქურდები უფრო აქტიურად მონაწილეობენ პოლიტიკურ გადათამაშებებში, ვიდრე საქართველოში. ჩვენს ქვეყანაში მათ იმხელა წონა არა აქვთ. არსებობს ინფორმაცია, რომ ონიანი­ იგორ კალამოისკისთან მეგობრობს­. არც ის არის გამორიცხული, რუსეთის ფედერაციამ ონიანი საქართველოს საზღვრებს მოაყენოს, მაგრამ ჩვენი შს მინისტრი არ არის ის კაცი, ზოგიერთმა "კუკლა" გაუჩალიჩოს.

საქმე ის არის, რომ ზუგდიდის შუალედურ არჩევნებში სანდრა რულოვსი იყრის კენჭს, რომელიც სააკაშვილთან ასოცირდება. მან სწორედ ონიანი გამოიყენა­ 2004 წლის არჩევნებში.­ თუ რუსები ონიანს შემოგვიგდებენ, აჯობებს, ჩვენმა სამართალდამცველებმა ქვეყნიდან­ გაუშვან, ვინაიდან ონიანი ჩვენს ძალოვანებს დიდ პრობლემებს შეუქმნის. რუსები ყველანაირად შეეცდებიან ონიანის გამოყენებას. ჩვენი კონტრდაზვერვა და სუს-ი ფხიზლად უნ­და იყვნენ.
ონიანის დაჭერა კანონით პრობლემა არ არის, მაგრამ გვინდა ეს კაცი საქართველოში? ზოგიერთ ზონაში 3000-მდე პატიმარია და 300 მაინც რომ აიყოლიოს და რაღაც მოგვიწყოს, სად მივდივართ? არ ჯობია, გაუხსნან სატრანზიტო დერეფანი და დაემშვიდობონ?

ახლახან ბარსელონაში სპეც­ოპერაციისას დაკავებული ქართული დანაშაულებრივი დაჯგუფების წევრები თუ საქართველოში გადმოიყვანეს, ძალიან ცუდი იქნება, ვინაიდან ჩამოვა ის ხალხი, რომელსაც შესაძლოა პირდაპირი კავშირი ჰქონდეს ტარიელ ონიანთან.


ენგურელი
15 აპრილი 2019 17:17
კაცობას ასაკი არ აქვს
სვანი
09 აპრილი 2019 16:18
მთავარი მაინც შაქროა.
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
09 აპრილი 2019 12:57
საქართველოში თუ რუსების დაკვეთას შეასრულებს, "ქურდი" -ს სახელი შერჩება????:))))))))))

რედაქტორის რჩევით
რუბრიკის სხვა სიახლეები
როგორ აფასებთ საპენსიო რეფორმას?
თქვენი აზრი მნიშვნელოვანია!
როგორ აფასებთ საპენსიო რეფორმას?