"ლევან ჯიბღაშვილს საკუთარი მიზნებისათვის, საჭიროებისათვის ჰქონდა ნარკოტიკული საშუალება შეძენილი და ინახავდა"
"ლევან ჯიბღაშვილს საკუთარი მიზნებისათვის, საჭიროებისათვის ჰქონდა ნარკოტიკული საშუალება შეძენილი და ინახავდა"
ნარკოდანაშაულში ბრალდებული მსახიობისა და ბიზნესმენის, ლევან ჯიბღაშვილის ადვოკატის, ამირან გიგუაშვილის განმარტებით, მისი დაცვის ქვეშ მყოფს ნარკოტიკული საშუალება პირადი მიზნებისთვის ჰქონდა შეძენილი. აღნიშნული ინფორმაცია "ინტერპრესნიუსს" გიგუაშვილმა მიაწოდა.

"ეს ნარკოტიკული საშუალება სხვისთვის არ შეიძლებოდა დასჭირვებოდა, ვინაიდან ამ შემთხვევაში, კვალიფიკაცია არა შეძენა-შენახვა იქნებოდა, არამედ სხვა. მას საკუთარი მიზნებისათვის, საჭიროებისათვის ჰქონდა ნარკოტიკული საშუალება შეძენილი და ინახავდა.

ლევან ჯიბღაშვილი არის ახალგაზრდა ადამიანი, ჰყავს მეუღლე, დღე-დღეზე ელოდება შვილს, ძალიან რთულია ამ მდგომარეობაში ადამიანს მოსთხოვოთ სრული გასაჯაროება
პირადი ცხოვრების.

თუ მეკითხებით, არის თუ არა ლევან ჯიბღაშვილი აქტიური მომხმარებელი, ეს ასე არ არის. თუ იმას მეკითხებით, როგორც საქართველოს ახალგაზრდებ
ის მნიშვნელოვან ნაწილს, გასინჯული აქვს თუ არა ნარკოტიკული საშუალება, ეს თეორიულად დასაშვებია. თუმცა, ექსპერტიზის პასუხი ჯერ არ არის მოსული და დადასტურებული არაა, იმყოფებოდა თუ არა, ის ნარკოტიკული თრობის ქვეშ. ამ ეტაპზე მას სამართლებრივად ნარკოტიკული თრობა დადასტურებული არ აქვს", - განაცხადა გიგუაშვილმა.

"ინტერპრესნიუსი"


Komble
25 აპრილი 2019 01:36
Sad sheidzina?
პენსიონერი
24 აპრილი 2019 17:00
პირდაპირ კომიკური მდგომარეობაა ამდენი ნარკომომხმარებელი გვყავს და ეს გაგიკვირდათ??????

რუბრიკის სხვა სიახლეები