მანქანის მძღოლი, რომელსაც ავტობუსის მძღოლის დაჭრას ედავებიან, დაკავებულია
მანქანის მძღოლი, რომელსაც # 46 ავტობუსის მძღოლის დაჭრას ედავებიან, დაკავებულია. როგორც "ინტერპრესნიუსს" შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 118-ე მუხლით დაიწყო, რაც განზრახ ნაკლებად მძიმე დანაშაულს გულისხმობს. დაკავებული შუა ხნის მამაკაცია.
მამაკაცი, რომელმაც სავარაუდოდ, ავტობუსის მძღოლი დაჭრა, ინციდენტის შემდეგ, შემთხვევის ადგილიდან მიიმალა. მას პოლიცია რამდენიმე საათის განმავლობაში ეძებდა.
#46 ავტობუსის მძღოლი კერძო მანქანის მძღოლმა დაჭრა, ინციდენტს კი წინ ურთიერთშელაპარაკება უძღოდა.
"ინტერპრესნიუსი"