7 თვის ჩვილის მკვლელობის ბრალდებით დაკავებულ დედას ბრალს დღეს წაუყენებენ - კვირის პალიტრა

7 თვის ჩვილის მკვლელობის ბრალდებით დაკავებულ დედას ბრალს დღეს წაუყენებენ

სოფელ აღაიანში 7 თვის ჩვილის მკვლელობის ბრალდებით დაკავებულ არასრულწლოვან დედას ბრალს დღეს წარუდგენენ. დაკავებული 16 წლის გოგონა შსს-ს შიდა ქართლის პოლიციის დეპარტამენტის გორის სამმართველოს დროებითი დაკავების იზოლატორშია მოთავსებული. პოლიციის შენობაში იმყოფება ბრალდებულ მ.შ-ს ადვოკატი ქეთევან გაგოევიც.

გამოძიების ინფორმაცით, რომ ბრალდებულმა სოფელ აღაიანში, სახლში, სადაც მეუღლესთან, შვილთან და მამამთილთან ერთად ცხოვრობდა, ღამით, 7 თვის შვილი საწოლში გაგუდა და თავად სახლიდან გაიქცა. გარდაცვლილი ჩვილი ბავშვის მამამ აღმოაჩინა. გამოძიება უმწეო მდგომარეობაში მყოფი არასრულწლოვანი ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის ფაქტზე, საქართველოს სსკ-ს 11 პრიმა 109-ე მუხლის მე-2 ნაწილის „ბ“ და „ვ“ ქვეპუნქტებით მიმდინარეობს, რაც თავისუფლების აღკვეთას ვადით 13-დან 17 წლამდე.

"ინტერპრესნიუსი"