ავარია რუსთავი-თბილისის ავტობანზე - დაშავებულია სამი ადამიანი - კვირის პალიტრა

ავარია რუსთავი-თბილისის ავტობანზე - დაშავებულია სამი ადამიანი

რუსთავი-თბილისის ავტობანზე მომხდარი ავტოსაგზაო შემთხვევის შედეგად, სამი ადამიანი დაშავდა. ერთმანეთს "მერსედესის" მარკის მსუბუქი ავტომობილი და მიკროავტობუსი შეეჯახა. დაშავებულები სასწრაფო სამედიცინო დახმარების ბრიგადამ, კლინიკა "რუსთავში" გადაიყვანა. საავადმყოფოში გადაყვანისას სამივე კონტაქტური იყო. შემთხვევის ადგილზე მობილილიზებული იყო საპატრულო პოლიცია.

როგორც "ინტერპრესნიუსს" შსს-ში განუცხადეს, ფაქტზე სისხლის სამართლის საქმე 276-ე მუხლის მეორე ნაწილით აღიძრა, რაც ტრანსპორტის მოძრაობის უსაფრთხოების ან ექსპლუატაციის წესების დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.

"ინტერპრესნიუსი"