"დარბაზიდან გაიყვანეს ფედერაციის გამგეობის წევრი გიორგი აბულაძე და სასტიკად სცემეს" - რას აცხადებს იურისტი?
"დარბაზიდან გაიყვანეს ფედერაციის გამგეობის წევრი გიორგი აბულაძე და სასტიკად სცემეს" - რას აცხადებს იურისტი?
დარბაზიდან გაიყვანეს ტაეკვანდოს ეროვნული ფედერაციის გამგეობის წევრი გიორგი აბულაძე და სასტიკად სცემეს, - ამის შესახებ "ინტერპრესნიუსს" ტაეკვანდოს ეროვნული ფედერაციის იურისტმა ტარიელ კიკნაძემ ფოთში ტაეკვანდოს ჩემპიონატზე მომხდარ ინციდენტთან დაკავშირებით განუცხადა.

მისი თქმით, კონკრეტულ პირებს ტაეკვანდოს ეროვნული ფედერაციის პრეზიდენტის გადადგომის მოთხოვნით სპორტული ღონისძების ჩაშლა სურდათ, რისი საშუალებაც არ მისცეს, რასაც მათი მხრიდან ფიზიკური ანგარიშსწორება მოჰყვა.

"ტაეკვანდოს ეროვნული ფედერაციის კალენდრის მიხედვით, გაიმართა სამეგრელოს ღია ტურნირი ტაეკოვანდოში. მიმდინარეობდა სპორტული ღონისძიება და დარბაზში შემოვიდნენ კონკრეტული
პირები, 10-15 კაცი, რომლებმაც აღნიშნული ღონისძიების ჩაშლა განიზრახეს. მათი მოთხოვნა იყო ასეთი: გადადგეს ფედერაციის პრეზიდენტი, თორემ ამ ღონისძიებას ჩავშლითო. ფედერაციის გამგეობის ერთ-ერთი ხელმძღვანელი გიორგი აბულაძე არ დაემორჩილა მათ და გააგრძელეს ღონისძიება. ღონისძიება გაგრძელდა და კიდეც ჩამთავრდა. შემოვიდა დარბაზში ერთ-ერთი კონკრეტული პირი ამ ჯგუფიდან, დარბაზიდან გაიყვანეს
აბულაძე - ეროვნული ფედერაციის გამგეობის წევრი და სასტიკად სცემა რამდენიმე ადამიანმა. ახლა ექსპერტიზაზე გადაჰყავთ.

3 პირი, რომლებმაც ფიზიკური შეურაცხყოფა მიაყენეს გიორგი აბულაძეს, დააკავა პოლიციამ და მათ მიმართ საგამოძიებო ღონისძიებები მიმდინარეობს.

ეს გააკეთეს კონკრეტულმა პირებმა, რომლებსაც ეროვნული ფედერაციის პრეზიდენტის გადადგომის მოთხოვნა აქვთ და არაერთხელ დაწერეს ამაზე საჩივარი, ჩვენ უნდა დავდგეთ, ეგ გადადგესო, თუ არადა ყველა ღონისძიებას ჩავშლითო. მმართველ რგოლში მოსვლა უნდათ. პრეზიდენტი არჩეულია ყრილობის მიერ და მისი გადაყენება ასე იოლი არ არის", - განაცხადა იურისტმა.

რაც შეეხება ტაეკვანდოს ეროვნული ფედერაციის პრეზიდენტს სულხან ბაბუაძეს, იურისტის ინფორმაციით, მას დაპირისპირებაში მონაწილეობა არ მიუღია.

"ბაბუაძე ფოთშია. ღონისძიებასაც ესწრებოდა, მაგრამ როდესაც თავდასხმა მოხდა, იმ დროისათვის ის იმ ადგილზე არ ყოფილა. მას დაპირისპირებაში მონაწილეობა არ მიუღია", - აღნიშნა იურისტმა.

ამასთან, გამოძიება სსკ-ის 126-ე მუხლით აღიძრა, რაც ძალადობას გულისხმობს, თუმცა ტარიელ კიკნაძის ინფორმაციით, "ექსპერტიზის შემდგომ შესაძლებელია კვალიფიკაცია უფრო შეიცვალოს."

"ინტერპრესნიუსი"

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები
14-10-2019
გაზეთის სტატია. მიიღეთ წვდომა
14-10-2019
გაზეთის სტატია. მიიღეთ წვდომა
როგორ შეაფასებთ ტაქსების მიმდინარე რეფორმას?
თქვენი აზრი მნიშვნელოვანია!
როგორ შეაფასებთ ტაქსების მიმიდინარე რეფორმას?
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა