შსს უარყოფს ინფორმაციას, რომ 20 ივნისს პარლამენტთან საოკუპაციო ხაზებთან განლაგებული ქვედანაყოფებიც იმყოფებოდნენ
შინაგან საქმეთა სამინისტრო უარყოფს ინფორმაციას, რომ 20 ივნისს, პარლამენტთან საოკუპაციო ხაზებთან განლაგებული ქვედანაყოფებიც იმყოფებოდნენ.
როგორც "ინტერპრესნიუსს" შსს-ში განუცხადეს, 20 ივნისს პარლამენტთან ჩატარებულ ღონისძიებაში მონაწილეობდნენ გდდ-ს სამმართველოების მორიგე და სათადარიგო დანაყოფები.
"ღონისძიებაში საქართველოს ოკუპირებული ტერიტორიების საოკუპაციო ხაზებთან განლაგებულ ქვედანაყოფებს მონაწილეობა არ მიუღიათ, შესაბამისად საგუშაგოებზე მყოფი პირადი შემადგენლობა არ მოხსნილა მორიგეობიდან", - განაცხადეს შსს-ში მედიით გავრცელებულ ინფორმაციაზე კომენტირებისას.