"ინტერ მედია პლიუსის" დირექტორს ზურაბ იაშვილს 50 000-ლარიანი გირაო შეეფარდა
"ინტერ მედია პლიუსის" დირექტორს ზურაბ იაშვილს 50 000-ლარიანი გირაო შეეფარდა
თბილისის საქალაქო სასამართლომ დააკმაყოფილა პროკურატურის შუამდგომლობა და "რუსთავი 2"-ის საქმეზე ბრალდებულ "ინტერ მედია პლიუსის" დირექტორს ზურაბ იაშვილს, აღკვეთის ღონისძიების სახით 50 000-ლარიანი გირაო შეუფარდა. ამასთან, მას ეკრძალება საგამოძიებო ორგანოს ინფორმირების გარეშე ქვეყნიდან გასვლა.

აღნიშნული გადაწყვეტილება მოსამართლე არსენ კალატოზიშვილმა ცოტა ხნის წინ გამოაცხადა.

სასამართლო პროცესზე, პროკურატურამ ზურაბ იაშვილის მიმართ აღკვეთის ღონისძიების სახით გირაოს შეფარდებასთან ერთად მოითხოვა, რომ ბრალდებულს საგამოძიებო ორგანოს ინფორმირებისა და ნებართვის გარეშე ქვეყნიდან გასვლა აეკრძალოს. დაცვის მხარე კი სასამართლოსგან
იაშვილის აღკვეთის ღონისძიების გარეშე დარჩენას ითხოვდა.

მომდევნო სასამართლო სხდომა 30 სექტემბერს, 14:00 საათზე დაინიშნა.

როგორც პროკურატურაში აცხადებენ, "ინტერ მედია პლიუსის" დირექტორს, ზურაბ იაშილს ბრალი კომერციული მოსყიდვისა და ყალბი ოფიციალური დოკუმენტის დამზადებასა და გამოყენებაში ედება, რამაც მნიშვნელოვანი ზიანი გამოიწვია.

ცნობისთვის, გენერალურმა პროკურატურამ 6 სექტემბერს, "რუსთავი 2"-ის
საქმეზე ბრალი ნიკა გვარამიას, ასევე "რუსთავი 2"-ის ყოფილ ფინანსურ დირექტორს კახა დამენიასა და "ინტერ მედია პლიუსის" დირექტორს ზურაბ იაშვილს წაუყენა.

"ინტერპრესნიუსი"

ებლაყუნებით
07 სექტემბერი 2019 22:26
ხალხი უშაქრო ჩაის სვამს დ ესენი ივანიშვილის თამადობით დოლარებში ურევენ ხელს.

რუბრიკის სხვა სიახლეები
საერთო ჯამში როგორ შეაფასებთ სამთავრობო ცვლილებებს?
თქვენი აზრი მნიშვნელოვანია!
საერთო ჯამში როგორ შეაფასებთ სამთავრობო ცვლილებებს?