"შვილი ჰყავს გარდაცვლილი და მის სასაფლაოზე იყვნენ" - ზუგდიდში, სოფელ ჯუმში ძმამ ძმა მოკლა
ზუგდიდის მუნიციპალიტეტის სოფელ ჯუმში წუხელ, ძმამ ძმა მოკლა. როგორც "ინტერპრესნიუსს" სოფლის რწმუნებულმა ზურაბ ფაჟავამ განუცხადა, მკვლელობაში ბრალდებული დაკავებულია.
"დევნილები არიან. ერთ-ერთი ჩვენს სოფელშია ჩასიძებული. მეორე გერმანიიდან იყო ჩამოსული. ჩვენს სოფელში მცხოვრებს შვილი ჰყავს გარდაცვლილი და მის სასაფლაოზე იყვნენ. მერე რა მოხდა, არავინ არ იცის", - ამბობს ზურაბ ფაჟავა.
შინაგან საქმეთა სამინისტროს ინფორმაციით, სამართალდამცველებმა ზუგდიდში მომხდარი განზრახ მკვლელობის ფაქტი ცხელ კვალზე გახსნეს, დაკავებულია 1 პირი -1983 წელს დაბადებული მამაკაცი.
გამოძიება სსკ-ის 108 მუხლით მიმდინარეობს, რაც განზრახ მკვლელობას გულისხმობს.
მათივე ცნობით, დაკავებული აღიარებს ჩადენილ დანაშაულს.
"ინტერპრესნიუსი"