მარჯანიშვილის მეტროსთან ახალგაზრდა მამაკაცი დაჭრეს
თბილისში, მარჯანიშვილის მეტროს მიმდებარე ტერიტორიაზე ახალგაზრდა მამაკაცი ცივი იარაღით დაჭრეს. როგორც „ინტერპრესნიუსს“ შინაგან საქმეთა სამინისტროში განუცხადეს, მომხდართან დაკავშირებით საგმოძიებო მოქმედებები ინტენსიურ რეჟიმში მიმდინარეობს. გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.
არსებული ინფორმაციით, სასწრაფო სამედიცინო დახმარების ჯგუფმა დაჭრილი მამაკაცი ალადაშვილის სახელობის კლინიკაში გადაიყვანა.
"ინტერპრესნიუსი"