"სოფლის სასაფლაოსთან მოუკლავს.... დანაშაულის ჩადენის შემდეგ პოლიციაში მივიდა, მოკლული ცოლი თურმე მანქანაში ჰყავდა"
"სოფლის სასაფლაოსთან მოუკლავს.... დანაშაულის ჩადენის შემდეგ პოლიციაში მივიდა,  მოკლული ცოლი თურმე მანქანაში ჰყავდა"
კიდევ ერთი უმძიმესი დანაშაული 16 ოქტომბერს ბოლნისის მუნიციპალიტეტის სოფელ ტალავერში მოხდა. მსხვერპლი ისევ ქალია, მკვლელობაში ბრალდებული კი მისი მეუღლე. არსებული ინფორმაციით, 30 წლის მამაკაცმა ილგარ ნასიბოვმა მეუღლე ქამრით გაგუდა, დანაშაულის ჩადენის შემდეგ გარდაცვლილი მეუღლის ცხედარი პოლიციაში მიასვენა და თავადაც ბრალის აღიარებით პოლიციას ჩაბარდა.

სოფელში მკვლელობის ერთ-ერთ მიზეზად ეჭვიანობა სახელდება, თუმცა ჯერჯერობით უცნობია, რას ამბობს ჩვენებაში თავად ბრალდებული ილგარ ნასიბოვი. ახალგაზრდა წყვილს სამი მცირეწლოვანი შვილი ჰყავს, მათგან უმცროსი 7 თვისაა. მომხდარზე
გამოძიება სისხლის სამართლის კოდექსის 109-ე მუხლით, განზრახ მკვლელობით აღიძრა. მერიის წარმომადგენელი სოფელ ტალავერში ნოვრუზ აივაზოვი ამბობს, რომ მკვლელობა საღამო ხანს მოხდა. მოკლული ქალბატონი აზერბაიჯანის მოქალაქეა და მისი ცხედარი უკვე გადაასვენეს ბაქოში. როგორც ირკვევა, წყვილი მცირეწლოვან შვილებთან ერთად ბაქოდან საქართველოში 2 დღის ჩამოსულები იყვნენ.

ნოვრუზ აივაზოვი:
-
მკვლელობაში ბრალდებული მამაკაცი ჩვენი სოფლის მკვიდრია, ეს ბიჭი ბოლო წლები ძირითადად ბაქოში იყო, იქ მაღაზიაში მუშაობდა და მისი მეუღლეც აზერბაიჯანელია. სამი შვილი ჰყავთ, როგორც ბიჭის ოჯახის წევრები ამბობენ, ისინი სულ 2 დღის ჩამოსულები იყვნენ ბაქოდან. იმ დღეს ილგარმა თურმე მეუღლეს უთხრა, რომ ნათესავის სახლში მიდიოდნენ სტუმრად, თავისი მამის ავტომანქანაში ჩაისვა ცოლი და ერთად გავიდნენ სახლიდან. სახლში ილგარის მშობლები და ძმა ცხოვრობს. ბავშვები მათთან დარჩნენ. მერე გზაში რა მოხდა და რაზე იჩხუბა ცოლ-ქმარმა, არ ვიცით. მათი საცხოვრებელი სახლიდან სადღაც 2 კილომეტრშია სოფლის სასაფლაო და სწორედ იმ სასაფლაოსთან მოუკლავს ცოლი. მერე ხალხისთვის უთქვამს, ის ჩემი შარვლის ქამრით მოვახრჩვეო. თურმე ძალიან აღელვებული ყოფილა და ამბობდა, არ ვიცი, ეს რატომ ჩავიდინე, იმ მომენტში რა დამემართაო. ის აღიარებს დანაშაულს. ცოლ-ქმარი მარტო იყო და ფაქტს თვითმხილველი არ ჰყავს. ალბათ მისცემს ჩვენებას გამოძიებას და მიზეზიც გაირკვევა. პირადად ვიყავი ბრალდებულის ოჯახში და ამბობენ, რომ ცოლ-ქმარს შორის ადრე ჩხუბი და კონფლიქტები არ ყოფილა. ამიტომ არ იციან ეს რატომ მოხდა. ამ დანაშაულის ჩადენის შემდეგ პოლიციაში მივიდა, თურმე მოკლული ცოლი მანქანაში ჰყავდა.

ახალგაზრდა ქალის ცხედარს ექსპერტიზა უკვე ჩაუტარდა. როგორც ადგილობრივები ამბობენ, ქალი მოგუდულია. მას სხეულზეც ეტყობოდა დაზიანებებიო. გარდაცვლილი აზერბაიჯანში გადაასვენეს. მომხდარზე გამოძიება გრძელდება.


(სპეციალურად საიტისთვის)

simon
21 ოქტომბერი 2019 15:42
ნეტა სიგიჟის საწინააღმდეგო ვაქცინა გამოიგონონ და საყოველთაო აცრა დააწესონ. სხვა საშველი არაა.

რუბრიკის სხვა სიახლეები
თქვენი აზრით,  მოაგვარებს თუ არა პრობლემას აზარტული თამაშების რეკლამის აკრძალვა?
თქვენი აზრი მნიშვნელოვანია!
თქვენი აზრით, მოაგვარებს თუ არა პრობლემას აზარტული თამაშების რეკლამის აკრძალვა?
დღის კითხვადი სტატიები