შსს:"პარლამენტთან აქციაზე სულ დაკავებულია 37 პირი - დაშავდა აქციის 4 მონაწილე და 2 სამართალდამცველი"
შინაგან საქმეთა სამინისტროს ინფორმაციით, 18 ნოემბერს, პარლამენტის შენობასთან მიმდინარე აქციის დროს, სულ დაკავებულია 37 პირი.
"ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (ხულიგნობა) მუხლებით გათვალისწინებული სამართალდარღვევისთვის სულ დაკავებულია 37 პირი. დღეს, რუსთაველის გამზირზე დაშავდა აქციის 4 მონაწილე და 2 სამართალდამცველი. დაშავებულ პირებს სამედიცინო დაწესებულებებში შესაბამისი კვლევები ჩაუტარდათ", - აღნიშნულია შსს-ს ინფორმაციაში.
"ინტერპრესნიუსი"