რა აკავშირებდა კიევში მოკლულ ბიზნესმენს დავით კეზერაშვილთან და ვინ შეუკვეთა ქართველი ბიზნესმენის მკვლელობა?
რა აკავშირებდა კიევში მოკლულ ბიზნესმენს დავით კეზერაშვილთან და ვინ შეუკვეთა ქართველი ბიზნესმენის მკვლელობა?
ფოტო:ნიკოლოზ დავითაშვილი, დავით კეზერაშვილი
ქართველი ბიზნესმენი ნიკოლოზ დავითაშვილი 7 დეკემბერს დაკრძალეს. ვაკის სამების ტაძარი ხალხით იყო გადაჭედილი. უამრავი ადამიანი გამოეთხოვა ახალგაზრდას, რომელიც, სავარაუ­დოდ, შეკვეთილი მკვლელობის მსხვერპლია.

ნიკა დავითაშვილი კიევში საქმიანი ვიზიტით ჩავიდა და სასტუმრო "ჰილტონში"­ დაბინავდა. ოჯახის წევრები და ახლობლები მას ტელეფონზე ვერ უკავშირდებოდნენ, საქმეში სამართალდამცავები ჩაერთვნენ და 2 დეკემბერს მისი ცხედარი ჭაში ჩაგდებული იპოვეს. როგორც კიევის პოლიციის თანამშრომელმა გვითხრა, დავითაშვილი "ფოლკსვაგენის" მარკის ავტომანქანით მას მერე გაიტაცეს, რაც სასტუმროდან გავიდა.­ მისივე თქმით, უკრაინელმა სამართალდამცავებმა
მკვლელობაში ბრალდებულები - ორი ჩეჩენი და ორი რუსი მამაკაცი დააკავეს.

"დავითაშვილი, სავარაუდოდ, სწორედ ამ პირებმა ჩაცხრილეს მანქანაში. მანქანის­ სავარძელს ნატყვიარი ეტყობა. პირველ­ადი დათვალიერებით, ნიკა დავითაშვილი მძღოლის გვერდით იჯდა და მას მანქანის უკანა სავარძელზე მსხდომმა პირებმა­ ესროლეს. შემდეგ ცხედარი მანქანიდან გადაიტანეს და ქუჩაში, ღრმა ჭაში ჩააგდეს.
სავარაუდოდ, ამ საქმეში მონაწილეებიდან­ ერთ-ერთს ის აუცილებლად იცნობდა. დანაშაული სამართალდამცავებმა ვიდეოკამერებით გახსნეს. ჩანაწერში კარგად ჩანს, სასტუმროდან გამოსული ნიკა დავითაშვილი როგორ უახლოვდება მამაკაცებს. რამდენიმე წუთს ესაუბრება, შემდეგ ჯდება მანქანაში და მიდიან. რაზე ესაუბრებოდა მამაკაცი დამნაშავეებს და რატომ გაჰყვა მათ, უცნობია. ერთი ვერსიით, ამ საქმეში ქართველების ხელი ურევია და არ არის გამორიცხული, დაკავებული ჩეჩნები მკვლელობის შემსრულებლები იყვნენ", - გვითხრა ჩვენმა წყარომ.

ჩვენი ინფორმაციით, ორი პირი დანაშაულს აღიარებს. მკვლელობა, სავარაუდოდ, ნიკას ბიზნესსაქმიანობას უკავშირდება. ერთი ვერსიით, დამნაშავეები მისთვის თანხის გამოძალვას ცდილობდნენ. პოლიციამ დამნაშავეები მაშინ დააკავა, როცა ქუჩაში მიტოვებულ იმ მანქანასთან დაბრუნდნენ, რითაც ახალგაზრდა გაიტაცეს.

ნიკა დავითაშვილს საქართველოში დიდი ხანია სასმელების ბიზნესი ჰქონდა­. როგორც მისი ბიზნესპარტნიორები ამბობენ, კომპანიას სასმელები უკრაინაშიც გაჰქონდა და იქაც ჰყავდათ ბიზნესპარტნიორები.

რატომ მოკლეს ახალგაზრდა კაცი, იმედია, უკრაინელი სამართალდამცავები გამოიძიებენ და გაირკვევა, ვინ იყო ამ შემზარავი მკვლელობის შემკვეთი.

რა აკავშირებდა მოკლულ ბიზნესმენს დავით კეზერაშვილთან?!


2013 წელს საგამოძიებო სამსახურმა დავით კეზერაშვილს სპირტის კონტრაბანდის საქმეზე განსაკუთრებით დიდი ოდენობით ქრთამის აღებაში ბრალი წაუყენა. კერძოდ, გამოძიების ინფორმაციით, კეზერაშვილი წლების განმავლობაში მფარველობდა ნიკოლოზ დავითაშვილს და იოსებ იმნაძეს საქართველოში ეთილის სპირტის ისე შემოტანაში, რომ ის არ მოქცეულიყო დაბეგვრის რეჟიმში. გამოძიებისავე ინფორმაციით, ბიზნესმენები კეზერაშვილზე მისი დის ქმრის, მეირი ჯანაშვილის მეშვეობით გავიდნენ. გამოძიების ცნობით, დავითაშვილს და იმნაძეს სპირტი უკრაინიდან შემოჰქონდათ. უწყების ინფორმაციით, კეზერაშვილმა უკანონო შემოსავლის სახით საერთო ჯამში 12 334 683 დოლარი მიიღო. თუმცა აღსანიშნავია, რომ ამ ბრალდებაში კეზერაშვილი სასამართლომ გაამართლა.

ნათია დოლიძე
...
11 დეკემბერი 2019 20:47
Tu eseni tavis droze kezeram gaqacha albat finansuri valdebulebebic daakisra aba kezera ris kezeraa ))
Shesazloa gadaxda daugviana an sulac uari tqva gadahdaze da aqac kezera ris kezeraa pasuhi ar moethova.
სანო
11 დეკემბერი 2019 00:30
რა გვეშველება
გიოგიო
10 დეკემბერი 2019 15:50
ეხლა აქ რა ხდება:ოცნების ხელისუფლებაში მოსვლის შემდეგ ქურდები ისევ ჩაუჯდენ წილებში ბიზნესმენებს-ციხეებში განახლდა "ოფშიაკის"შეგროვება ეს ყველაფერი დიიდი ფულია მის არ გადახდას არ პატიობდნენ ეხლაც ასეა- შედეგი?ვინც იხდის "კრიშავს-ფარცხალაძე-გოგაშვილი-გახარია-ივანიშვილი ვინც არ იხდის....პ.ს.შეიძლება სულ კეზერაშვილი კეზერაშვი ლი...არც ინტერპოლი-არც ევროპული სასამართლო არ "იზიარებს" ამ თქვენ"ქოცურ ნარატივს"!...

რუბრიკის სხვა სიახლეები
დღის კითხვადი სტატიები