"სიიმ ვი­გე­რი 7 მარტს ქუ­თა­ის­ში გა­უ­ჩი­ნა­რდა" - სად იპოვეს ქუთაისში დაკარგული 23 წლის ტურისტის ცხედარი? - კვირის პალიტრა

"სიიმ ვი­გე­რი 7 მარტს ქუ­თა­ის­ში გა­უ­ჩი­ნა­რდა" - სად იპოვეს ქუთაისში დაკარგული 23 წლის ტურისტის ცხედარი?

შინაგან საქმეთა სამინისტროს საგანგებო სიტუაციების მართვის სამსახურის სახანძრო-სამაშველო ძალების დეპარტამენტის თანამშრომლებმა, 17-დღიანი უწყვეტი საძიებო სამუშაოების შედეგად, ქუთაისში გაუჩინარებული 23 წლის ტურისტის ცხედარი მდინარეში იპოვეს.

საგანგებო სიტუაციების მართვის სამსახურის ინფორმაციით, ქუთაისში შექმნილი იყო სამუშაო შტაბი, საიდანაც ხორციელდებოდა საძიებო ოპერაციის მონიტორინგი. შტაბს ხელმძღვანელობდა საგანგებო სიტუაციების მართვის სამსახურის იმერეთის მთავარი სამმართველოს უფროსი, ვლადიმერ ჯღამაძე.

"პოლიციას ტურისტის დაკარგვის შესახებ მასთან ერთად მყოფმა პირებმა 7 მარტს შეატყობინეს, რის შემდეგაც შინაგან საქმეთა სამინისტრომ გაუჩინარებული მამაკაცის ადგილსამყოფელის დასადგენად შესაბამისი საძიებო სამუშაოები დაიწყო.

10 მარტიდან, საძიებო პროცესში სხვა უწყებებთან ერთად ჩაერთო საგანგებო სიტუაციების მართვის სამსახური. სამსახურის სამაშველო ჯგუფები წყალზე საძიებო-სამაშველო ღონისძიებებს 15-კილომეტრიან მონაკვეთზე, უწყვეტ რეჟიმში ახორციელებდნენ.

ადგილზე მუშაობდნენ მყვინთავთა ჯგუფები. სამუშაოებში, სხვა საჭირო ტექნიკასთან ერთად, ასევე, ჩართული იყო დრონი და 2 ექოლოტი, რომელთა საშუალებითაც მიმდინარეობდა წყლის ფსკერის დათვალიერება",- ნათქვამია ინფორმაციაში.

23 წლის სიიმ ვიგერი 7 მარტს ქუთაისში გაუჩინარდა. მისმა უცხოელმა მეგობრებმა თავდაპირბელად ინფორმაცია ფეისბუქ-ჯგუფში Spend 4 Seasons in Georgia გამოაქვეყნეს და მეგობრის პოვნაში დახმარება საქართველოს მოსახლეობას სთხოვეს.

წყარო