ნიკოლოზ ბასილაშვილის საქმეზე შესაძლოა ნოვაკ ჯოკოვიჩი დაიკითხოს? - კვირის პალიტრა

ნიკოლოზ ბასილაშვილის საქმეზე შესაძლოა ნოვაკ ჯოკოვიჩი დაიკითხოს?

ნიკოლოზ ბასილაშვილის საქმეზე შესაძლოა, მსოფლიოს ნომერ პირველი ჩოგანი ნოვაკ ჯოკოვიჩი დაიკითხოს. როგორც "საზოგადოებრივ მაუწყებელს" ბასილაშვილის ადვოკატმა ირმა ჭკადუამ განუცხადა, ეს საკითხი აქტიურად განიხილება.

"დეტალებზე არ ვისაუბრებ, თუმცა ამ საქმეზე ბევრი უცხოელი დაიკითხება. მაგალითად, იმ საკითხზე, როდესაც ამერიკის ღია პირველობაზე ქალბატონი ნეკა ჩავიდა და იქ გარკვეული ინციდენტი მოხდა. მაშინ საქმე იქამდეც კი მივიდა, რომ ჩემპიონატის ორგანიზატორებმა ქალბატონი ნეკა დაცვის თანხლებით გაიყვანეს და აკრედიტაციაც გააუქმეს. სხვა ვერაფერს გეტყვით ამ ეტაპისთვის", - განაცხადა ირმა ჭკადუამ.

ადვოკატის ინფორმაციით, ნოვაკ ჯოკოვიჩი ნიკოლოზ ბასილაშვილს ესაუბრა და სერბმა ჩოგბურთელმა ბასილაშვილს მხარდაჭერა გამოუცხადა.

პროკურატურამ ნიკოლოზ ბასილაშვილს ბრალდება სისხლის სამართლის კოდექსის 126-ე პრიმა მუხლის მე-2 ნაწილის "ბ" ქვეპუნქტით წარუდგინა, რაც არასრულწლოვნის თანდასწრებით მისივე ოჯახის წევრის მიმართ ძალადობას გულისხმობს. სასამართლომ ბასილაშვილს 100 000-ლარიანი გირაო შეუფარდა. წინასასამართლო სხდომა საქმეზე 16 ივლისს ჩაინიშნა.

იხილეთ ასევე: ვინ არის ნიკოლოზ ბასილაშვილის გერმანელი შეყვარებული