"მეგონა მკვდარი იყო, მაგრამ წყალი რომ შევასხით ხმა ამოიღო - სასწრაფოს დაუძახეთ, მიშველეთო"
"მეგონა მკვდარი იყო, მაგრამ წყალი რომ შევასხით ხმა ამოიღო - სასწრაფოს დაუძახეთ, მიშველეთო"
თვითმხილველი ფოთში, გუშინ მომხდარი მკვლელობის შესახებ საუბრობს. შემთხვევა ნაბადას უბანში, ნაგავსაყრელის ტერიტორიაზე მოხდა. როგორც თვითმხილველი ყვება, ახალგაზრდა მამაკაცს რამდენიმე ადამიანი სცემდა.

"ხმაური შემომესმა, რომ გავიხედე დაახლოებით 5 ბიჭი ხელკეტებს ურტყამდა რაღაცას მიწაზე, ვიფიქრე, ალბათ გველი ნახეს და იმას ურტყამენ. მერე დავინახე, რომ კაცი ეგდო ძირს და ხმას არ იღებდა. ვიყვირე ახლავე პოლიციას დავურეკავ-მეთქი. ისინი გაიქცნენ. ახლოს რომ მივედით, ხმას არ იღებდა, მეგონა მკვდარი იყო, მაგრამ წყალი რომ შევასხით ხმა ამოიღო-
სასწრაფოს დაუძახეთ, მიშველეთო, - გვითხრა. ვინ გირტყამდა, რომ ვუთხარი, მითხრა არ ვიცნობო. მერე სასწრაფოც მოვიდა და წაიყვანეს", -განაცხადა თვითმხილვეელმა ზაირა ბასილაიამ.

შეგახსენებთ, გუშინ 43 წლის მამაკაცი მოკლეს. შსს-მ მომხდარ ფაქტზე გამოძიება სისხლის სამართლის კოდექსის 108-ე მუხლით დაიწყო, რაც გამზრახ მკვლელობას გულისხმობს.

"ინტერპრესნიუსი"

სიტყვა
03 ივლისი 2020 13:30
ხედავთ რა სინამდვილე გვაქვს? ისევე, როგორც ცხვა დანარჩენი ეს ფაქტიც არ გამოიკვლევა. უფსკრულისკენ მივექანებით! დაუსჯელობის სინდრომი, ქურდული მენტალიტეტი ზვაობს. უდანაშაულოები იღუპებიან.

რუბრიკის სხვა სიახლეები
აპირებთ თუ არა საპარლამენტო არჩევნებში მონაწილეობის მიღებას?
თქვენი აზრი მნიშვნელოვანია!
აპირებთ თუ არა საპარლამენტო არჩევნებში მონაწილეობის მიღებას?
თვის კითხვადი სტატიები